‘డిఫరెంట్ షేడ్స్’ చూపిస్తున్న జానారెడ్డి!

హైదరాబాద్: సినిమా నటులు కొన్ని పాత్రలగురించి చెప్పేటప్పుడు, ‘ఈ పాత్రలో డిఫరెంట్ షేడ్స్ ఉన్నాయి’ అని చెప్పటం వింటుంటాము. కానీ తెలంగాణ కాంగ్రెస్ పార్టీ సీనియర్ నాయకుడు, సీఎల్‌పీ నేత జానారెడ్డి ఇవాళ కార్యకర్తలకు నిజజీవితంలో, ప్రత్యక్షంగా డిఫరెంట్ షేడ్స్ చూపించారు. వరంగల్ జిల్లా గణపురం మండలకేంద్రంలో జరిగిన కార్యకర్తల సమావేశంలో ఆయన పాల్గొన్నారు. అయితే వేదికపై కూర్చోకుండా తాను కార్యకర్తలమధ్య కూర్చుని వారు చెప్పేది వింటానని అన్నారు. అలాగే కార్యకర్తలమధ్య కూర్చున్నారు. ఇంతలో ఏమనుకున్నారో, వ్యక్తిగత సిబ్బందితో భగవద్గీత పుస్తకం తెప్పించుకుని చదువుతూ గడిపారు. కార్యకర్తలు మాటలు వింటానని మళ్ళీ ఈ భగవద్గీత చదవటమేమిటా అని అందరూ అనుకున్నారు.

సరే, అదొక ఎత్తయితే తర్వాత మీడియాతో మాట్లాడుతూ అందరినీ ఆశ్చర్యంలో ముంచారు. మామూలుగే ముఖ్యమంత్రి కేసీఆర్‌ను పల్లెత్తు మాట అనరని, మిగిలిన కాంగ్రెస్ నాయకులుకూడా అనకుండా చూస్తున్నారని జానాపై విమర్శ ఉంది. అయితే ఇవాళ ఆ వైఖరికి భిన్నంగా కేసీఆర్‌పై ఆయన నిప్పులు చెరిగారు. కేసీఆర్‌కు పాలనా సామర్థ్యం లేదని, కల్లబొల్లి మాటలతో కాలం వెళ్ళబుచ్చుతున్నారని మండిపడ్డారు. నిరుపేదలకోసం టీఆర్ఎస్ ప్రభుత్వం చేసిందేమీలేదని, మాయమాటలతో గద్దెనెక్కిన పాలకులకు ప్రజలే తగిన రీతిలో బుద్ధిచెబుతారని అన్నారు. సచివాలయంమార్చుతా, ఉస్మానియా ఆసుపత్రి కూల్చుతా అంటూ పనికి మాలిన మాటలతో కాలం గడుపుతున్నారని దుయ్యబట్టారు. పెండింగ్ ప్రాజెక్టులు పూర్తిచేస్తే కాంగ్రెస్‌కు పేరు వస్తుందని కేసీఆర్ ప్రభుత్వం తాత్సారం చేస్తోందని మండిపడ్డారు.

మామూలుగానే అర్థంకాని సూక్తులు చెప్పి ఎదుటివారిని తికమక పెడుతుంటారని ఆయనకు పేరు. దానికి తోడు ఇలా డిఫరెంట్ షేడ్స్‌కూడా చూపిస్తే పక్కనున్నవాళ్ళు బ్రహ్మానందంలా కిందపడి గిలగిలా కొట్టుకోవాల్సిందే.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close