ఎన్నికల ఖర్చులకు బ్యాంక్‌లోన్‌కోసం అప్లికేషన్ పెట్టిన ఘనుడు

హైదరాబాద్: ఇల్లు కట్టుకోవటానికో, పై చదువులకోసమో, వాహనాల కొనుగోలు కోసమో అప్పు తీసుకోవటం సహజం. అయితే ఒక ఉపఎన్నికలో పోటీచేయటంకోసం అప్పు ఇవ్వాలని బ్యాంక్‌కు దరఖాస్తు చేసి సంచలనం సృష్టించాడో యువకుడు. వచ్చే నెలలో జరిగే వరంగల్ ఉపఎన్నికలో పోటీచేసేందుకు రు.5 లక్షల రుణాన్ని మంజూరు చేయాలంటూ హైదరాబాద్ బాగ్ అంబర్ పేటకు చెందిన వెంకట నారాయణ అనే యువకుడు కెనరా బ్యాంక్ నల్లకుంట శాఖను ఆశ్రయించాడు. సంఘ సేవకుడినయిన తాను, వరంగల్ పార్లమెంట్ నియోజకవర్గ ఉపఎన్నికలో ఇండిపెండెంట్ అభ్యర్థిగా పోటీచేయాలనుకుంటున్నానని, తనకు ప్రచారం ఖర్చులకు డబ్బులేనందున రుణం తీసుకోవాలనుకుంటున్నానని అతను తన దరఖాస్తులో పేర్కొన్నాడు. ఈ రుణ మొత్తాన్ని నామినేషన్ పేపర్‌లు దాఖలు చేయటానికి, కరపత్రాలు ముద్రించటానికి, ఇతర ప్రచార సామాగ్రి ఖర్చుకు ఉపయోగిస్తానని చెప్పాడు.

వెంకట నారాయణ 2014 అసెంబ్లీ ఎన్నికలలో అంబర్ పేట నియోజకవర్గంనుంచి ఇండిపెండెంట్ అభ్యర్థిగా పోటీచేసి ఓడిపోయాడు. అతను తన కాలనీలోని పేదవారికోసం జన సంక్షేమ సంఘం అనే స్వచ్ఛందసంస్థను నడుపుతున్నాడు. తాను ప్రజా ప్రతినిధిగా ఎన్నికయితే పేదవారికోసం మరిన్ని సంక్షేమ కార్యక్రమాలు నడపగలుగుతానని, అధికారులకు ఆదేశాలిచ్చి పనులు చేయించగలుగుతానని, అందుకే తాను పోటీచేస్తున్నానని చెబుతున్నాడు. గత శుక్రవారం బ్యాంక్‌కు లోన్ కోసం దరఖాస్తు సమర్పించాడు. మరోవైపు ఇలాంటి అవసరంకోసం లోన్ దరఖాస్తు తమవద్దకు రావటం ఇదే మొదటిసారని బ్యాంక్ అధికారులు చెబుతున్నారు. ఈ అప్లికేషన్‌ను హెడ్ ఆఫీస్‌కు ఫార్వార్డ్ చేశామని తెలిపారు. ఇదిలా ఉంటే ఎన్నికలలో పోటీచేయటానికి వ్యక్తులకు బ్యాంక్‌లు రుణాలు ఇచ్చేలా చట్టం చేయాలంటూ వెంకటనారాయణ ప్రధానమంత్రి నరేంద్ర మోడికి ఒక లేఖకూడా రాశారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close