తూర్పుగోదావరిజిల్లా రాజమండ్రి శివార్లలో శుక్రవారం అర్ధరాత్రి జరిగిన ఘోర రోడ్డుప్రమాదంలో 22మంది మరణించారు. వీరంతా విశాఖపట్నంజిల్లా అచ్యుతాపురంమండలం మోసయ్యపేట గ్రామానికి చెందినవారు, ఒకే కుటుంబానికి చెందినవారు. పుణ్యక్షేత్రాల సందర్శనలో భాగంగా తిరుమలకు వెళ్ళివస్తున్నవీరు, మార్గమధ్యంలో ద్రాక్షారామం భీమేశ్వరాలయం సందర్శనకు వెళుతుండగా ఈప్రమాదం జరిగింది. వీరు ప్రయాణిస్తున్న తూఫాన్ జీపు ధవళేశ్వరం వంతెనపైనుంచి కింద గోదావరిలో పడిపోయింది. దాదాపు 50 అడుగుల ఎత్తునుంచి పడటంతో జీపులోని ఒక్క బాలుడు తప్ప అందరూ చనిపోయారు. గాయపడిన బాలుడు ప్రస్తుతం రాజమండ్రి ఆసుపత్రిలో చికిత్స పొందుతున్నాడు. ఆంధ్రప్రదేశ్ హోమ్ మంత్రి నిమ్మకాయల చినరాజప్ప రాజమండ్రి వెళ్ళి పరిస్థితిని సమీక్షిస్తున్నారు. ముఖ్యమంత్రి చంద్రబాబునాయుడు ఘటనపై తీవ్ర దిగ్భ్రాంతి వ్యక్తంచేశారు. వాహనం నపుడుతున్న వ్యక్తి నిద్రమత్తే ప్రమాదానికి కారణమని తెలుస్తోంది.
