రేవంత్ రెడ్డి వింత డిమాండ్!

తెలంగాణా తెదేపా వర్కింగ్ ప్రెసిడెంట్ రేవంత్ రెడ్డి చాలా విచిత్రమయిన డిమాండ్ చేసారు. ఈరోజు ఆయన పార్టీ ప్రధాన కార్యాలయం ఎన్టీఆర్ ట్రస్ట్ భవన్ లో మీడియాతో మాట్లాడుతూ, “వరంగల్ ఉప ఎన్నికలలో పార్టీ అభ్యర్ధుల ఎన్నికల ఖర్చుపై ఎన్నికల సంఘం పరిమితి విధించినప్పటికీ దానిని తెరాస అసలు పట్టించుకోవడం లేదు. ఆ పార్టీకి చెందిన నమస్తే తెలంగాణా ప్రింట్ మరియు ఎలక్ట్రానిక్ మీడియాలో అభ్యర్ధికి ఎన్నికలలో లబ్ది చేకూర్చే విధంగా వార్తల రూపంలో ప్రచారం జరుగుతోంది. వాటన్నిటినీ పెయిడ్ ఆర్టికల్స్ గానే పరిగణించాలి. వాటికయ్యే ఖర్చును లెక్క వేస్తే ఇంచుమించుగా పది కోట్లు పైనే ఉంటుంది. ఎన్నికల సంఘం విధించిన పరిమితి కంటే అది చాలా ఎక్కువగా ఉంది. అభ్యర్ధులు పరిమితికి మించి ఖర్చు చేసినట్లయితే తగు చర్యలు తీసుకొంటామని ఎన్నికల సంఘం హెచ్చరించింది. అయినా దానిని తెరాస పట్టించుకోకుండా మీడియాలో విచ్చలవిడిగా తన అభ్యర్ధికి అనుకూలంగా వార్తలు ప్రచురింపజేసుకొంటోంది. అయినా కూడ ఎన్నికల సంఘం తెరాస అభ్యర్ధికి, ప్రభుత్వానికి ఎందుకు నోటీసులు జారీ చేయడం లేదో మాకు అర్ధం కావడం లేదు. ఆ ఆర్టికల్స్ అన్నిటినీ పెయిడ్ ఆర్టికల్స్ గా పరిగణించి, తెరాస అభ్యర్ధిని ఎన్నికలలో పోటీ చేసేందుకు అనర్హుడిగా ప్రకటించాలని మేము డిమాండ్ చేస్తున్నాము. వరంగల్ లో ఎన్నికల ప్రచారాన్ని పర్యవేక్షిస్తున్న ఎన్నికల అధికారికి, జిల్లా, రాష్ట్ర మరియు కేంద్ర ఎన్నికల సంఘం అధికారులకి దీని గురించి పిర్యాదు చేస్తాము,” అని అన్నారు.

మీడియాలో తెరాసకు కొన్ని అనుకూలంగా ఉన్నట్లే, తెదేపాకు, బీజేపీకి,వామపక్షాలకు, చివరికి మజ్లీస్ పార్టీకి కూడా ఉన్నాయి. వాటిలో ఆయా పార్టీలకి అనుకూలంగానే వార్తలు వస్తుంటాయి. రేవంత్ రెడ్డి వాదన ప్రకారం మీడియాలో వచ్చే వార్తలను పెయిడ్ ఆర్టికల్స్ గా పరిగణించి దానిని అభ్యర్ధుల ఖర్చుగా లెక్కించే మాటయితే, ఎన్నికలకు సంబంధించి ఏ వార్తలు వేయాలన్నా మీడియా ఆలోచించుకోవలసి ఉంటుంది. అలాగే అప్పుడు ఎన్నికలలో పోటీ చేస్తున్న అందరు అభ్యర్ధులపై కూడా అనర్హత వేటు వేయవలసి ఉంటుంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close