వరద సాయం : ఏపీలో రూ. 500.. తెలంగాణలో రిలీఫ్ కిట్..!

అనూహ్యమైన వరదలతో తెలుగు రాష్ట్రాల ప్రజలు తీవ్ర ఇక్కట్లు పడుతున్నారు. హైదరాబాద్ ఇప్పటికీ నీటిలోనే ఉంది. ఆగకుండా వర్షం పడుతూనే ఉంది. పరామర్శకు వెళ్తున్న టీఆర్ఎస్ నేతలకు బాధితులు చుక్కలు చూపిస్తున్నారు. అయితే.. అది వారి ఆకలి కోపం. దీన్ని ప్రభుత్వం వెంటనే గుర్తించింది. వెంటనే రిలీఫ్ కిట్ పంపిణీ చేయాలని నిర్ణయించింది. నిత్యావసరాలతో పాటు మూడు దుప్పట్లో కిట్‌లో ఉంటాయి. దీని విలువ రూ. 2800 వరకు ఉంటుందని కేటీఆర్ ప్రకటించారు. వెంటే పంపిణీ చర్యలు కూడా ప్రారంభించారు. దీంతో పాటు ఆస్తి నష్టం జరిగిన వారిని ఆదుకునేలా కార్యాచరణ కూడా ప్రారంభించారు.

ఏపీలో కూడా బీభత్సంగా వరదలు వచ్చాయి. అక్కడ పెద్ద ఎత్తున నష్టం జరిగింది. పంట సాయం సంగతేమో కానీ.. ఊళ్లు ఊళ్లు నీట మునగడంతో పెద్ద ఎత్తున జనాల్ని పునరావాస శిబిరాలకు తరలించాల్సి వచ్చింది. ఇళ్లు పెద్ద ఎత్తున దెబ్బతిన్నాయి. ముఖ్యమంత్రి జగన్మోహన్ రెడ్డి ఎలాంటి వరద పరిశీలన చేయలేదు కానీ.. తక్షణ సాయంగా ఐదు జిల్లాలకు రూ. పన్నెండు కోట్లు విడుదల చేశారు. ఒక్కో కుటుంబానికి రూ. ఐదు వందలు ఇవ్వాలని ఆదేశించారు. ఇది అందరికీ కాదు.. కేవలం .. పునరావాస శిబిరాల్లో ఉన్న వారికే. ఇక ఎలాంటి నిత్యావసర వస్తువుల పంపిణీ.. ఇతర సాయం ప్రకటనల్లేవు.

ఆంధ్రప్రదేశ్‌లో కోస్తా తీరం ఎక్కువ. తుపానుల గండమే కాదు.. అతి వృష్టి గండం కూడా ఎక్కువే. అందుకే ప్రజలు ఎక్కువగా వరదలతో నష్టపోతూ ఉంటారు. కానీ ప్రభుత్వాలు సాయం చేసే విషయంలో మాత్రం… పిసినారి తనంగా వ్యవహరిస్తూ ఉంటాయి. 2019లో వరదలు వచ్చినప్పుడు ప్రకటించిన నష్టపరిహాం 2020లో వరదలు వచ్చినప్పుడు ఇచ్చారు. 2020లో వచ్చిన వరదలకు పరిహారం ఎప్పుడిస్తారో ప్రభుత్వానికే తెలియాలి. తెలంగాణలో తాత్కాలికంగా అయినా నిత్యావసర వస్తువుల కిట్ ఇచ్చి… దుప్పట్లో ఇచ్చి.. ప్రజల్ని ఆదుకునే ప్రయత్నం చేస్తున్నారు. కానీ ఏపీలో మాత్రం.. ఐదు వందు మాత్రమే చేతిలో పెట్టాలని నిర్ణయించారు. అవి కూడా ఎప్పటికి ఇస్తారో ఊహించడం కష్టమనే విమర్శలు ఉన్నాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

పెండింగ్‌లో ఉన్న మూడు డీఏల చెల్లింపునకు సీఎం జగన్ గ్రీన్‌సిగ్నల్

ఆంధ్రప్రదేశ్ ప్రభుత్వం ఉద్యోగులకు దసరా కానుక ప్రకటించింది. పెండింగ్‌లో ఉన్న మూడు డీఏల చెల్లింపునకు సీఎం జగన్ గ్రీన్‌సిగ్నల్ ఇచ్చారు. డీఏల చెల్లింపునకు కార్యాచరణ కూడా ప్రభుత్వం ప్రకటించింది. జులై 2018...

ఎన్నికలు నిర్వహణ వద్దంటున్న వైకాపా

దేశంలో కరోనా లాక్ డౌన్ విధించినప్పుడు ఎన్నికలు వాయిదా వేశారని నిమ్మగడ్డ రమేష్‌కుమార్‌ను కులం పేరు పెట్టి మరీ బూతులు తిట్టిన మంత్రులు ఇప్పుడు.. అదే రమేష్ కుమార్ ఎన్నికలు పెడతానంటే...

అమరావతిలో “రియల్ పెయిడ్ ఉద్యమం” స్టార్ట్..!

అమరావతిలో పోటీ ఉద్యమాలు జరుగుతున్నాయి. భూములిచ్చిన రైతులు లాఠీదెబ్బలకు ఓర్చుకుని పోరాటం చేస్తూంటే.. వారికి పోటీగా కొంత మంది ఇప్పుడు ఉద్యమాలను ప్రారంభిస్తున్నారు. శంకుస్థాపన చేసి ఐదేళ్లయిన సందర్భంగా రైతుల సభ...

తిరుపతిలో బీజేపీ పోటీ ఖాయం.. కానీ అభ్యర్థి మాత్రం పక్క పార్టీ నుంచి..!

తిరుపతి పార్లమెంట్ ఉపఎన్నికల్లో పోటీ చేసి.. తాము ఏపీలో బలపడ్డామని నిరూపించుకోవాలని భారతీయ జనతా పార్టీ ఉబలాట పడుతోంది. ముఖ్యంగా ఏపీ వ్యవహారాల ఇన్చార్జ్‌గా ఉన్న సునీల్ ధియోధర్ తాను.. పార్టీని...

HOT NEWS

[X] Close
[X] Close