హైదరాబాద్: విశాఖపట్నం జిల్లాలోని తగరపువలసలో భారీ దోపిడి జరిగింది. ఒక నగల దుకాణంలో ఏడుకిలోల బంగారం చోరీకి గురయింది. మెయిన్ రోడ్డులో ఉన్న ఒక నగల దుకాణం యజమాని ఈ ఉదయం షాపు తెరిచి బంగారం, వెండి ఉన్న బ్యాగ్‌ను పక్కన పెట్టి దేవుడికి దండం పెట్టుకుంటుండగా దుండగులు బైక్‌పై వచ్చి బ్యాగ్‌ను తీసుకుని పరారయ్యారు. యజమాని ఫిర్యాదుతో పోలీసులు ఘటనాస్థలానికి విచారణ ప్రారంభించారు. చుట్టుపక్కల రహదారులవద్ద గస్తీని ముమ్మరం చేశారు. సీసీ టీవీ ఫుటేజ్ ఆధారంగా దర్యాప్తు మొదలుపెట్టారు. దుండగులు ముందునుంచి రెక్కీ నిర్వహించి ఈ దోపిడీ చేసి ఉంటారని పోలీసులు అనుమానిస్తున్నారు.
విశాఖలో ఏడు కిలోల బంగారం దోపిడి
