అశోక్ గ‌జ‌ప‌తిపై ఉల్టా కౌంట‌ర్ ప‌డింది..!

మంత్రులం కదా… మ‌నం ఏం మాట్లాడినా ఫ‌ర్వాలేదూ, అధికారులు ప‌డుంటారు అనే అభిప్రాయం తెలుగుదేశం అధికారంలోకి వ‌చ్చిన ప్ర‌తీసారీ ఏలిక‌ల‌కు ఉంటుంద‌న్న విమ‌ర్శ ఎప్ప‌ట్నుంచో ఉంది. ఆ ముద్ర‌ను చెరుపుకునేందుకు చంద్ర‌బాబు నాయుడు స్వ‌యంగా ప్ర‌య‌త్నించిన సంద‌ర్భాలు ఉన్నాయి. అయితే, ఎవ‌రేమ‌న్నా ప‌డి ఉండ‌టానికి అంద‌రు అధికారులూ ఒకేలా ఉండ‌రు! నాయ‌కుల తీరును ఉల్టా విమ‌ర్శించేవారూ ఉంటారు. టీడీపీ ఎంపీ, కేంద్ర విమాన‌యాన శాఖ మంత్రి అశోక్ గ‌జ‌ప‌తిరాజుకు ఇప్పుడు అలాంటి అనుభ‌వ‌మే ఎదురైంద‌ని స‌మాచారం!

ఎయిర్ ఇండియా ఉద్యోగుల‌ను ఉద్దేశించి ఆయ‌న చేసిన వ్యాఖ్య‌లు రివ‌ర్స్ అయ్యాయి! ఉద్యోగుల్లో అంకిత భావం లోపించింద‌ని రాజావారు కామెంట్ చేశార‌ట‌. ప‌నిప‌ట్ల అంకింత భావంతో ఉన్న‌వారు త‌క్కువ‌య్యార‌నీ, లేదంటే ఎయిర్ ఇండియా మంచి లాభాల్లో ఉండేద‌న్న మీనింగ్‌లో వ్యాఖ్యానించారు. అక్క‌డితో ఆగితే బాగుండేది. ప్రైవేటు విమాన‌యాన సంస్థ‌ల ఉద్యోగుల ప‌నితీరుతో వాళ్ల‌ని పోల్చారు! ప‌క్క‌వారితో పోల్చితే ఎవ‌రికైనా కోపం వ‌స్తుంది క‌దండీ. శుభాషిస్ మంజుందార్ అనే పైలెట్‌కి మంత్రిగారి వ్యాఖ్య‌లు మంట‌పుట్టించాయి. వెంట‌నే ఆయ‌న‌కు క్లాస్ తీసుకుంటూ లేఖ రాశాడు.

తానో ఎయిర్ ఇండియా ఉద్యోగిన‌నీ, ఎంతో అంకిత భావంతో దేశ‌భ‌క్తితో విధులు నిర్వ‌హిస్తున్నాన‌ని ఆ లేఖ‌లో పేర్కొన్నాడు. ‘నా సంగ‌తి స‌రే… దేశంపై బాధ్య‌త ఉండాల్సిన మీరేం చేస్తున్నారు? గ‌డ‌చిన పార్ల‌మెంటు స‌మావేశాల్లో విలువైన 92 గంట‌ల స‌మ‌యాన్ని వృథా చేశారు. ప్ర‌ద‌ర్శ‌న‌ల‌తోనే కాలం గ‌డిపేశారు. ప్ర‌జ‌ల స‌మ‌స్య‌ల‌పై చ‌ర్చించ‌లేక‌పోయారు. స‌భ స‌జావుగా సాగ‌కుండా అడ్డుప‌డట‌మే క‌దా మీరు చేసింది. ఇత‌ర దేశాల చ‌ట్ట స‌భ‌ల‌తో పోల్చి చూస్తే మీరు ఎక్క‌డున్నారో చూసుకోండి’ అంటూ లేఖ‌లో వాయించేశాడు.

త‌మ‌ను ఇత‌ర సంస్థ‌ల ఉద్యోగుల‌తో పోల్చేస‌రికి… ఇత‌ర దేశాల నాయ‌కులతో మంత్రుల‌ను ఆ పైలెట్ పోల్చాడు. ఉద్యోగుల‌ను ఉత్సాప‌ర‌చాల‌న్న ఉద్దేశంతో అశోక్ గ‌జ‌ప‌తి క్లాస్ తీసుకుంటే.. అది కాస్తా ఇలా రివ‌ర్స్ అయింది. ఇప్పుడీ పైలెట్ లేఖ‌కు నెటిజ‌న్ల మ‌ద్ద‌తు కూడా ల‌భిస్తోంది. ఆ పైలెట్ చెప్పింది నిజ‌మే క‌దా అంటూ చాలామంది స‌మ‌ర్థిస్తున్నారు. అయినా… మ‌న సంస్థ‌ను మ‌న‌మే కాపాడుకుందాం, క‌ష్ట‌ప‌డి ప‌నిచేద్దాం అంటూ ఉద్యోగుల‌కు సాఫ్ట్‌గా చెప్పాలిగానీ, ఇలా పెత్త‌నం చెలాయించాల‌నుకుంటే భ‌రించే రోజులా ఇవి..?

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

బస్సు యాత్ర : వైసీపీ రాంగ్ స్ట్రాటజీ

ఎన్నికల షెడ్యూల్ వచ్చినా నోటిఫికేషన్ రావడానికి సమయం ఉండటంతో...జగన్మోహన్ రెడ్డి బస్సు యాత్రను ప్లాన్ చేసుకున్నారు. ఇరవై ఒక్క రోజుల పాటు ఇరవై ఒక్క పార్లమెంట్ నియోజకవర్గాల నుంచి బస్సు యాత్ర...

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...
video

‘మ‌న‌మే’ ఫ‌స్ట్ సింగిల్: సోలో లైఫే సోబెట‌రంటున్న శ‌ర్వా!

https://www.youtube.com/watch?v=XGJtiqVzZiA ఈమ‌ధ్య టాలీవుడ్ లో గ‌ట్టిగా వినిపిస్తున్న పేరు... హేష‌మ్‌ అబ్దుల్ వాహ‌బ్‌. 'ఖుషి', 'హాయ్ నాన్న‌' సినిమాల్లో సూప‌ర్ హిట్ పాట‌లు ఇచ్చారు. ఇప్పుడు శ‌ర్వానంద్ 'మ‌న‌మే' చిత్రానికీ ఆయ‌నే స్వ‌రాలు అందిస్తున్నారు....

HOT NEWS

css.php
[X] Close
[X] Close