ఎయిర్ టెల్ యాడ్ లో కనిపించే 4 జీ పిల్ల గుర్తుందా? ఎయిర్ టెల్ కంపెనీ మొబైల్ నెట్వర్క్ ఛాలెంజ్ యాడ్ లో 4జి గురించి పదే పదే ఊదరగొట్టి పొట్టి జుట్టుతో కనిపించిన ఆ అమ్మాయి పేరు సాషా చెట్రి. ఒక్క యాడ్ తో దేశం మొత్తం పాపులర్ అయిపోయింది. తన మోడలింగ్ కి కూడా మంచి పేరొచ్చింది. అలాగే ఏ షారుఖ్ ఖాన్ కో, అమీర్ ఖాన్ కో కోట్లు పోసి యాడ్ చేయించుకోకుండా, ఒక కొత్త అమ్మాయి తో యాడ్ చేసి స్టార్ల యాడ్స్ కంటే ఎక్కువ పాపులర్ అయ్యేలా చేసిన ఎయిర్ టెల్ మీద కూడా ప్రశంసల వర్షం కురిసింది.
ఇప్పుడా అమ్మాయి హీరోయిన్ గా వస్తోంది. అదీ టాలీవుడ్ తో తన జర్నీ ప్రారంభిస్తోంది. గతంలో వినాయకుడు ,విలేజ్ లో వినాయకుడు తో పాటు కేరింత అనే యూత్ ఫుల్ మూవీ తీసిన సాయి కిరణ్ అడవి దీనికి దర్శకత్వం వహించబోతున్నాడు. ఆడిషన్ కు వచ్చిన సాషా తన స్కిల్స్ తో దర్శకుడితో పాటు నిర్మాతను కూడా మెప్పించిందట. దీంతో ఆమెనే ఫైన‌ల్ చేయాల‌ని నిర్ణ‌యానికి వచ్చింది చిత్ర యూనిట్. తనకి ఈ సినిమా హెల్ప్ అవడమే కాదు, ఈ సినిమాకి తన ప్రెజెన్స్ హెల్ప్ అవుతుందని భావిస్తోంది చిత్ర యూనిట్ .
