అన్ని చోట్లా ప్రజలు ఉపఎన్నికలు కోరుకుంటున్నారట..!

తెలంగాణలో హుజూరాబాద్ ప్రజలకు కురుస్తున్న వరాలు చూసి.. ఇతర నియోజకవర్గాల ప్రజల్లో ఆశలు ప్రారంభమయ్యాయి. తమ నియోజకవర్గానికి కూడా ఉపఎన్నిక వస్తే బాగుండు అని అనుకుంటున్నారని అన్ని రాజకీయ పార్టీల నేతలు చర్చించుకుంటున్నారు. సోషల్ మీడియాలోనూ అదే చర్చ జరుగుతోంది. తెలంగాణలో కొత్త రేషన్ కార్డులు జారీ చేసి చాలా కాలం అయింది. అలాగే కొత్త సామాజిక పెన్షన్లు కూడా అంతే. ఈ రెండింటి కోసం ప్రజలు చాలా కాలంగా ఎదురు చూస్తున్నారు. ఇటీవలే మళ్లీ పంపిణీ చేస్తామని నిర్ణయం ప్రకటించిన తెలంగాణ సర్కార్ వాటిని హుజూరాబాద్‌కే పరిమితం చేస్తోంది. అక్కడ అడిగిన వారికి రేషన్ కార్డులు.. పెన్షన్లు ఇస్తోంది. ఇతర చోట్ల మాత్రం పెద్దగా పట్టించుకోవడం లేదు.

అదే సమయంలో హుజూరాబాద్‌లో అభివృద్ధి పనులను చురుకుగా కొనసాగిస్తున్నారు. ముఖ్యమమైన సమస్యను గుర్తించి వాటి పరిష్కారానికి నిధులు మంజూరు చేశారు. కాంట్రాక్టర్లు తమ పనులు తాము ప్రారంభించారు. ఇక దళిత బంధు పథకం గురించి.. ఎంత చర్చ జరుగుతుందో చెప్పాల్సిన పని లేదు. అది కూడా ఒక్క హుజూరాబాద్ నియోజకవర్గానికే పరిమితం కావడం.. ఇతర నియోజకవర్గాల వారిని నిరాశపరుస్తోంది. తమకు ఒక్కటీ అదనంగా అందడం లేదని.. అన్నీ హుజూరాబాద్ నియోజకవర్గానికే వెళ్తున్నాయని వారు ఆందోళన చెందుతున్నారు. ఈ క్రమంలో వారికి తమకీ ఉపఎన్నిక వస్తే బాగుండు అన్న ఆలోచన చేస్తున్నారు.

నిజంగానే ప్రజలు అలా అనుకుంటే అది వారి తప్పు కాదు. రాజకీయ లబ్ది కోసం మాత్రమే ప్రజాధనాన్ని వాడుకుని.. ఓ‌ట్లు వేసే ప్రజలకు మాత్రమే పంచేలా విధానాలు రూపొందించుకున్న ప్రభుత్వాలదే తప్పు. ప్రజాధనంతో.. ప్రజల్ని రాజకీయ వస్తువులుగా మార్చేసి.. ఓటు బ్యాంక్ రాజకీయాలకు పాల్పడటంతోనే ఇలాంటి సమస్యలు వస్తున్నాయి. ఉపఎన్నిక కోసం.. తమ ఎమ్మెల్యే రాజీనామా చేయాలని.. ఇక నుండి ఉద్యమాలు ప్రారంభమైనా ఆశ్చర్యం ఉండదు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కత్తి మహేష్ టెంప్లేట్ వైకాపా వదలదా? కత్తి స్థానాన్ని పోసాని భర్తీ చేయగలరా ?

ప్రస్తుతం ఆంధ్రప్రదేశ్ రాజకీయాలలో వైఎస్ఆర్సిపి మంత్రులు వర్సెస్ పవన్ కళ్యాణ్ అంటూ చిన్న సైజు యుద్ధమే జరుగుతుంది. సినిమా టికెట్లను ప్రభుత్వ పోర్టల్ ద్వారా అమ్మాలి అన్న జగన్ నిర్ణయాన్ని వ్యతిరేకిస్తూ పవన్...

పోసాని మళ్లీ రచ్చ – దాడికి ప్రయత్నించిన పవన్ ఫ్యాన్స్ !

పవన్ కల్యాణ్ ఫ్యాన్స్ తన భార్యపై అనుచిత వ్యాఖ్యలు చేశారంటూ మరోసారి మీడియా ముందుకు వచ్చిన పోసాని కృష్ణమురళి ఆయనపై అనుచిత వ్యాఖ్యలు చేశారు. ప్రెస్‌క్లబ్‌లో మీడియా సమావేశం పెట్టి "పవన్ నీకెంత...

ప్రజల వరద కష్టాల కన్నా మీడియాకు సినిమా గొడవలే మిన్న !

ఓ వైపు తెలుగు రాష్ట్రాల్లో తుపాన్ బీభత్సం సృష్టించింది. ఏపీలో ఉత్తరాంధ్ర, ఉభయగోదావరి జిల్లాలు తీవ్రంగా నష్టపోయాయి. ఇప్పటికీ తేరుకోలేదు. కొన్ని వందల గ్రామాల్లో అంధకారం అలుముకుంది. ఇక నష్టపోయిన వారి గురించిచెప్పాల్సిన...

పంజాబ్ కాంగ్రెస్ చిందర వందర !

అసెంబ్లీ ఎన్నికల ముందు ఏదో చేద్దామని ప్రయత్నించిన కాంగ్రెస్ హైకమాండ్... పంజాబ్ లో పార్టీని చిందర వందర చేసుకుంది. సిద్దూకు పీసీసీ చీఫ్ పదవి ఇచ్చి అందర్నీ కూల్ చేయాలనుకుంటే చివరికి అదే...

HOT NEWS

[X] Close
[X] Close