అల్లు అర్జున్ ఇప్పుడు `పుష్ప 2`పైనే ఫోక‌స్ పెట్టాడు. పుష్ప ఇచ్చిన కిక్ అలాంటిది. ఇప్పుడు పుష్ప కంటే.. పుష్ప 2ని ఇంకా పెద్ద హిట్ చేయాల‌న్న క‌సితో ఉన్నాడు బ‌న్నీ. అయితే మ‌రోవైపు కొత్త క‌థ‌లు కూడా వింటున్నాడు. పుష్ప త‌ర‌వాత త‌న కెరీర్‌ని ఎలా మ‌ల‌చుకోవాలి? ఎలాంటి క‌థ‌లు ఎంచుకోవాలి? అనే విషయంలో బ‌న్నీకి పూర్తి స్ప‌ష్ట‌త ఉంది. అందుకే కొన్ని క‌థ‌ల్ని ఓకే చేసి ప‌క్క‌న పెట్టుకొంటున్నాడు.
రీసెంట్ గా ప‌ర‌శురామ్ బ‌న్నీకి ఓ క‌థ చెప్పిన‌ట్టు టాక్‌. ఇది బ‌న్నీకి కూడా బాగా న‌చ్చింది. `దీన్ని పూర్తి స్థాయిలో డ‌వ‌లెప్ చేయ్‌..` అంటూ బ‌న్నీకి గ్రీన్ సిగ్న‌ల్ ఇచ్చాడ‌ని తెలుస్తోంది. మెడిక‌ల్ మాఫియా నేప‌థ్యంలో ఈ క‌థ సాగుతుంద‌ని స‌మాచారం. `గీత గోవిందం` లాంటి పెద్ద హిట్ త‌ర‌వాత.. గీతా ఆర్ట్స్‌లోనే మరో సినిమా చేయ‌డానికి అడ్వాన్స్ ఇచ్చుకొన్నాడు. అప్పుడే బ‌న్నీతో ప‌ర‌శురామ్ సినిమా ఓకే అయ్యింది. అయితే… బ‌న్నీ వ‌రుస ప్రాజెక్టుల వ‌ల్ల.. ప‌ర‌శురామ్ సినిమా కాస్త లేట‌య్యింది. ఈలోగా ప‌ర‌శురామ్ కూడా త‌న చేతిలో ఉన్నా అడ్వాన్సుల‌కు న్యాయం చేస్తూ వ‌స్తున్నాడు. ప్ర‌స్తుతం నాగ‌చైత‌న్య కోసం ఓ క‌థ సిద్ధం చేస్తున్నాడు ప‌ర‌శురామ్. దాంతో పాటుగా బ‌న్నీ క‌థ‌పై కూడా వ‌ర్క్ చేస్తున్నాడు.
