టీఆర్ఎస్ కూలీ….అధికారిక వసూళ్ళు కాదు కదా?

ఎన్నికల ఖర్చు నాయకులకు మోయలేని భారం అయిపోతోంది అని చెప్పి మన మీడియావాళ్ళు చాలా సార్లు నాయకులపైన సానుభూతి చూపిస్తూ ఉంటారు. సినిమాలలో కూడా ఈ విషయంపైన చాలా సెటైర్స్ పేలుస్తూ ఉంటారు. ఆ మధ్య శాసనసభ స్పీకర్‌గారే ఖర్చు ఏ రేంజ్‌లో అయిందో మీడియా సాక్షిగా చెప్పేశారు. ఇంకా బయటపడని నాయకులు ఎందరో. అయితే ఈ ఖర్చు పెరిగిపోవడం విషయంలో నాయకులపైన మరీ అంత సానుభూతి చూపించాల్సిన అవసరం అయితే లేదు. ప్రజలు కట్టిన పన్నులతో వచ్చిన డబ్బులను రాజీవ్ గాంధీ పథకం, రాజన్న పథకం, చంద్రన్న పథకం అంటూ ఏదో వాళ్ళ ఇంట్లో సొమ్మో, వాళ్ళ కష్టార్జితమో ఖర్చుపెడుతున్నట్టుగా కలరింగ్ ఇస్తూ ఓటర్ల దగ్గర ఓట్లు దొంగిలిస్తున్న ముదుర్లు మన నాయకులు. ఇక ఎన్నికల ఖర్చు మాత్రం జేబులో నుంచి ఎందుకు తీస్తారు? ఇండియాలోన ప్రథమ ధనవంతుల కుటుంబం నుంచి బడ్డీ షాపుల వరకూ మన నాయకులు ఎన్నికల ఖర్చు వసూళ్ళు చేయని వాళ్ళు ఎవరైనా ఉన్నారా? కాకపోతే బడా బడా వ్యాపారులు మాత్రం అన్ని పార్టీలకూ కూడా కోట్లలో నిధులు సమకూరుస్తూ….ఆయా పార్టీలు అధికారంలోకి వచ్చిన వెంటనే అంతకు అంతా ప్రభుత్వ ‘మేళ్ళు’ ద్వారా వసూలు చేసుకుంటూ ఉంటారు. జూనియర్ స్థాయి నాయకులు నష్టపోతే నష్టపోవచ్చేమో కానీ సీనియర్స్‌కి మాత్రం అన్నీ లాభాలే. అంతా వెనకేసుకోవడమే.

రాజకీయ పార్టీల వసూళ్ళ వ్యవహారం అంతా కూడా తెరవెనుకే జరుగుతూ ఉంటుంది. అధికారంలో ఉన్న పార్టీ విషయమైతే చెప్పనవసరం లేదు. అధికారుల నుంచి ఆర్టీసీ వరకూ అధికార పార్టీ సభ వ్యవహారం అంతా కూడా ప్రభుత్వ బాధ్యత అనే స్థాయిలో బాధ్యతలు తీసుకుంటూ ఉంటారు. వాటికి అదనంగా వ్యాపారస్థుల నుంచి చేసే వసూళ్ళు కూడా భారీగానే ఉంటాయి. అయితే ఇప్పుడు ఈ వసూళ్ళను టీఆర్ఎస్ పార్టీ వాళ్ళు అధికారికంగా చేస్తున్నారా అనే అనుమానాలు వస్తున్నాయి. ఐదు నిమిషాల పనికి, పది నిమిషాల పనికి, కాసేపు కెమేరాల ముందు షో చేసినందుకు లక్షలకు లక్షల కూలీ ఏ బిజినెస్ మేన్ ఇస్తాడు? అదంతా పార్టీపైన అభిమానం అని టీఆర్ఎస్ పార్టీ వాళ్ళు సమర్థించుకోవచ్చు గాక. అలాగే టీఆర్ఎస్ బహిరంగ సభ కోసం చేసే వసూళ్ళకు కూడా తెలంగాణా సెంటిమెంట్‌ని అద్దగల సమర్థులే టీఆర్ఎస్ నాయకులు. కానీ నమ్మేవాళ్ళు ఎవరు? అసలు ఆ లక్షలన్నీ ఏం చేస్తున్నట్టు? లెక్కలు ఉన్నాయా? అలాగే ఇవ్వడం ఇష్టం లేనివాళ్ళు కూడా ప్రభుత్వంలో ఉన్న అత్యున్నత స్థాయి మంత్రులు, ముఖ్యమంత్రి స్థాయి వ్యక్తి వస్తే ఇవ్వక తప్పని పరిస్థితులు తలెత్తడం లేదా? అది న్యాయమేనా? అలాగే ఇప్పుడు లక్షల్లో కూలీ ఇచ్చిన వాళ్ళకు ప్రజా ధనాన్ని, వనరులను ‘మేళ్ళు’ రూపంలో కట్టబెట్టకుండా ఉంటారా? విపక్షాలకు సీన్ లేకపోవడం, మీడియా భయపెట్టి దారిలోకి తెచ్చుకోవడం లాంటి పరిణామాలతో విమర్శించేవాళ్ళు లేకుండా పోయినంత మాత్రాన టీఆర్ఎస్ నాయకులు ఆడిందే ఆట, పాడిందే పాట అయిపోతుందా? తెలంగాణా ఉద్యమ సమయం నుంచీ కూడా టీఆర్ఎస్ పార్టీ వసూళ్ళ పైన ఎన్నో విమర్శలు వచ్చాయి. ఇకనైనా ఇలాంటి కూలీ స్టంట్‌లకు బ్రేక్స్ వేస్తే బెటరేమో.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

video

విశ్వ‌క్ ‘లైలా’వ‌తారం!

https://www.youtube.com/watch?v=9STsOoGDUfA లేడీ గెట‌ప్పులు వేయాల‌న్న ఆశ‌.. ప్ర‌తీ హీరోకీ ఉంటుంది. స‌మ‌యం సంద‌ర్భం క‌ల‌సి రావాలంతే! ఒక‌ప్ప‌టి అగ్ర హీరోలంతా మేక‌ప్పులు మార్చి, శారీలు క‌ట్టి - ఆడ వేషాల్లో అద‌ర‌గొట్టిన‌వాళ్లే. ఈత‌రం హీరోలు...

రఘురామకు ఇంకా కూటమి నుంచి టిక్కెట్ చాన్స్ ఉందా ? లేదా?

రఘురామకృష్ణరాజు పోటీ ఎక్కడ ?. ఈ ప్రశ్న ఇప్పుడు ఇటు కూటమి క్యాంప్‌తో పాటు అటు వైసీపీ క్యాంప్‌లోనూ హాట్ టాపిక్ గానే ఉంది. వైసీపీ క్యాంప్.. ఇదే ప్రశ్నతో ఆయనను...

ఆ స్వామిజీకి టిక్కెట్ రాకుండా చేసింది బాలకృష్ణేనట !

పరిపూర్ణానంద అనే స్వామిజీకి ప్రవచాలు చెప్పుకోవడం కన్నా రాజకీయాల్లో ఆదిత్యనాథ్ ని అయిపోవాలన్న ఆశ ఎక్కువగా ఉంది. గతంలో తెలంగాణలో ప్రయత్నించారు. వర్కవుట్ కాలేదు. ఈ సారి ఏపీలో దృష్టి పెట్టారు....

గంటాకే భీమిలీ – టీడీపీ ఫైనల్ లిస్ట్ రిలీజ్

గంటా శ్రీనివాసరావు హైకమాండ్ అనుకున్నది కాకుండా.. తాను అనుకున్న చోట పోటీ చేయడంలో ఎక్స్ పర్ట్. మరోసారి అనుకున్నది సాధించారు. భీమిలీ సీటు ఆయన ఖాతాలోనే పడింది. టీడీపీ విడుదల చేసిన...

HOT NEWS

css.php
[X] Close
[X] Close