ఏపీ సెక్రటేరియట్ టాక్ : ఐఏఎస్‌లు డమ్మీలు.. అసలు షో వాళ్లదే..!

ఆంధ్రప్రదేశ్ సెక్రటేరియట్‌లో భిన్నమైన వాతావరణం కనిపిస్తోంది. ఎక్కడైనా.. ఎప్పుడైనా… ఏ ప్రభుత్వం అధికారంలో ఉన్న ఐఏఎస్ అధికారులే… పాలన సాగిస్తూ ఉంటారు. సెక్రటరీలు, ప్రిన్సిపల్ సెక్రటరీలు ఇలా.. వివిధ హోదాల్లో వీరి పని విభజన ఉంటుంది. ఇప్పుడు కూడా.. వీరందరూ ఉన్నారు. కానీ వీరెవరూ పని చేయడం లేదు… చేయనివ్వడం లేదు. వీరి పని అంతా.. ఇతరులు చేస్తున్నారు. వారే… సలహాదారులు. ఐఏఎస్‌లకు ఏ మాత్రం గౌరవం ఇవ్వకుండా… ప్రభుత్వ పెద్దలతో తమకు ఉన్న సాన్నిహిత్యంతో బెదిరింపు ధోరణితో.. ఇప్పుడు… అన్ని విభాగాలను వారు క్యాప్చర్ చేసేశారనే ప్రచారం జరుగుతోంది.

ప్రతీ బ్లాక్‌లోనూ “ప్రభుత్వ నియామక పవర్ ఫుల్” వ్యక్తి..!

ఆంధ్రప్రదేశ్ సెక్రటేరియట్‌లో దాదాపుగా ఉన్న ప్రతీ విభాగంలోనూ.. ఓ పవర్ ఫుల్ వ్యక్తి కొత్తగా వచ్చారు. ఐఏఎస్, ఐపీఎస్‌ల కన్నా… మిన్నగా… ప్రభుత్వం ద్వారా ఔట్ సోర్సింగ్ ద్వారానో… డిప్యూటేషన్ ద్వారానో వచ్చిన వారే ఇందులో అధికం. నిర్ణయాలు వారే తీసుకుంటున్నారు. సంతకాలు మాత్రం.. సెక్రటరీలు, ప్రిన్సిపల్ సెక్రటరీలు పెట్టాల్సి వస్తోందని చెబుతున్నారు. ఇది.. సెక్రటేరియట్‌లో అసంతృప్తికి కారణం అవుతోంది. పని వాతావరణం దెబ్బతింటోందని.. సెక్రటేరియట్ ఉద్యోగులు.. బహిరంగంగానే వ్యాఖ్యానించడం ప్రారంభించారు. పెద్దగా పని ఉండని.. శాఖల్లోనూ… ఇలాంటి పరిస్థితి ఉండటం చాలా మందిని ఆశ్చర్య పరుస్తోంది. ఎప్పుడూ లేనంత భిన్నమైన వాతావరణం ఇప్పుడు సెక్రటేరియట్‌లో ఉంది.

వీళ్లకి జీత భత్యాలు సీనియర్ ఐఏఎస్, ఐపీఎస్‌ల కన్నా ఎక్కువే..!

సలహాదారులు… ఇతర నియామకాలు ప్రభుత్వ పెద్ద వద్ద నుండి పొందిన వారికి జీతభత్యాలు.. ప్రారంభమే రూ. మూడు లక్షల నుంచి ఉంటున్నాయి. అది కేవలం జీతమే వారికి ఎనిమిది మంది సిబ్బంది, ఇతర అవసరాలు.. అన్నీ కలిపి… ఏడాది… రూ. కోటి చేరుకుంటుందన్న ప్రచారమూ ఉంది. సీనియర్ ఐఏఎస్‌లకు అంత జీతాలు లేవు. అంతే కాదు.. ఇప్పుడు.. అధికారాలు కూడా లేవు. ఐఏఎస్‌ల మాట వినడానికి.. ఉద్యోగులు కూడా వణికిపోయే పరిస్థితి వచ్చింది. తమ మాటే వినాలన్న శాసనాన్ని సలహాదారులు అమలు చేస్తున్నారన్న ప్రచారం జరుగుతోంది. రోజు రోజుకు… ఇలా నియమించేవారి సంఖ్య అంతకంతకూ పెరిగిపోతోంది. దాంతో పరిస్థితి రాను రాను మరింత దిగజారుతుందని ఉద్యోగులు ఆందోళన చెందుతున్నారు.

సాక్షి హెడ్ క్వార్టర్ గా మారిన సచివాలయం…!

ఏపీ సెక్రటేరియట్‌కి ఇప్పుడు ఏ మూలకి వెళ్లినా సాక్షి ఉద్యోగి కనిపిస్తున్నారు. ఉన్నత స్థాయిలో… బ్యూరో చీఫ్ గా పని చేసిన వారి దగ్గర్నుంచి చివరికి ఆఫీస్ బాయ్ కూడా.. సాక్షి నుంచే… సెక్రటేరియట్‌లోకి దిగుమతి అయ్యారు. సజ్జల రామక్రిష్ణారెడ్డి, జీవీడి క్రిష్ణమోహన్, శ్రీహరి, నగేష్, చింతకింది శ్రీనివాసరావు, రాజారమేష్, ఈశ్వర్ లాంటి జర్నలిస్టులు ఇప్పటికే హల్ చల్ చేస్తున్నారు. 25 మంది మంత్రులకు 25 మంది సాక్షి ఉద్యోగులుగా నియమించారు. ఫోటో గ్రాఫర్లూ సాక్షి నుంచే. చివరికి ఆఫీసు బోయ్ లు కూడా సాక్షి నుంచే తీసుకుని అవుట్ సోర్సింగ్ ప్రాతిపదికన తీసుకున్నారు. దీంతో.. ఎక్కడ చూసినా… సాక్షి ఉద్యోగులే కనిపిస్తున్నారు. ఓ వైపు.. బయట వ్యక్తుల హడావుడి.. మరో వైపు సాక్షి ఉద్యోగుల హల్ చల్… ప్రభుత్వ ఉద్యోగుల్ని ఆందోళనకు గురి చేస్తున్నాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అంత‌ర్జాతీయ క్రికెట్‌కు ధోనీ గుడ్ బై

ధోనీ రిటైర్‌మెంట్ ఎప్పుడు అనే ప్ర‌శ్న‌కు ఇక తెర‌ప‌డింది. అంత‌ర్జాతీయ క్రికెట్ నుంచి నిష్కమిస్తున్న‌ట్టు ఎం.ఎస్‌.ధోనీ ప్ర‌క‌టించాడు. ఈ మేర‌కు ఇన్‌స్ట్రాగ్రామ్ లో ఓ ప్ర‌క‌ట‌న చేశాడు. ఈ క్ష‌ణం నుంచి తాను...

హిట్ 2లో… మ‌రో హీరో కూడా..

విశ్వ‌క్ సేన్ క‌థానాయ‌కుడిగా న‌టించిన చిత్రం `హిట్`. స‌స్పెన్స్ థ్రిల్ల‌ర్ గా రూపొందించిన ఈ చిత్రం బాక్సాఫీసు ద‌గ్గ‌ర మంచి విజ‌యాన్ని అందుకుంది. నిర్మాత‌గా నానికి లాభాలు తెచ్చిపెట్టింది. అదే ఉత్సాహంతో హిట్...

తెలుగు మీడియంలో చదువుకోవడం అంటరానితనమా..!?

ముఖ్యమంత్రి జగన్మోహన్ రెడ్డి స్వాతంత్య్ర దినోత్సవ ప్రసంగంలో తెలుగు భాషలో చదవుకోవడాన్ని అంటరానితనంగా చెప్పడం కలకలం రేపుతోంది. " విద్యాపరంగా అంటరానితనాన్ని పాటించాల్సిందనే వాదనలు.. మరో రూపంలో ఇప్పుడు వినిపిస్తున్నాయని.. మా...

రమేష్ హాస్పిటల్ తరఫున హీరో రామ్ వకాల్తా, సోనూసూద్ ని చూసి నేర్చుకోమంటున్న నెటిజన్లు

హీరో రామ్ పోతినేని, "ఇది స్వాతంత్ర దినోత్సవమా లేక స్వర్ణా ప్యాలెస్ సంఘటనకు సంబంధించిన దినమా" అంటూ ప్రశ్నించడమే కాకుండా ఈ ఘటన విషయంలో ముఖ్యమంత్రి జగన్ ని అప్రతిష్టపాలు చేసే కుట్ర...

HOT NEWS

[X] Close
[X] Close