జైట్లీ బడ్జెట్ పేదల పక్షమా… పెద్దల కోసమా…

ఆర్థిక మంత్రి అరుణ్ జైట్లీ సోమవారం మధ్యాహ్నం పార్లమెంటులో ప్రవేశ పెట్టే కేంద్ర బడ్జెట్ కోసం దేశవ్యాప్తంగా కోట్లాది మంది ఆసక్తిగా ఎదురు చూస్తున్నారు. ఆదాయ పన్ను కనీస పరిమితిని పెంచుతారేమో అని వేతన జీవులు ఆశపడుతున్నారు. పెద్దలకు రాయితీలకు బదులు పేదల బతుకు బాగు చేసేలా సాహసోపేతమైన చర్యలు ఉంటాయేమో అని సామాన్యుడు ఉత్కంఠతో ఎదురు చూస్తున్నాడు. ఆమ్ ఆద్మీకి అనుకూల బడ్జెట్ వస్తుందా లేక బడా బాబులకు తాయిలాలు పంచేలా ఉంటుందా అనేదే సస్పెన్స్.

సురేష్ ప్రభు రైల్వే బడ్జెట్ కొంత వాస్తవిక దృష్టితోనే కనిపించింది. తాయిలాలతో పాపులర్ బడ్జెట్ కుబదులు వాస్తవ దృష్టితో సౌకర్యాల పెంపు, దుబారా తగ్గింపు, ఆదాయం పెంపు అనే మూడు అశాల చుట్టూ తిరిగింది. నిజానికి రైల్వేలకు ఇప్పుడు కావాల్సింది ఇవే. మరి జైట్లీ ఏం చేస్తారనేది చూడాలి.

బడా పారిశ్రామికవేత్తలకు ఊరట కలిగించే రాయితీలు ఇవ్వడానికి ఉత్సాహం చూపుతారని ఆయనపై ఒక విమర్శ ఉంది. ఆమ్ ఆద్మీ కష్టాలు ఆయనకు తెలియవని, కాబట్టి సామాన్యులు ఎక్కువగా ఆశించవద్దని విపక్షాలు విమర్శిస్తుంటాయి. ఆదాయ పన్ను పరిమితిని కనీసం 4 లక్షల రూపాయలకు పెంచాలని వేతన జీవులు కోరుకుంటున్నారు. దేశంలో కోట్లాది రూపాయలు సంపాదించే ఎంతో మంది ఒక్క రూపాయి కూడా ఆదాయ పన్ను చెల్లించడం లేదు. ఈ సంగతి ప్రభుత్వానికి తెలుసు. దేశంలో లక్షల కోట్ల నల్లధనం మూలుగుతోంది. ఈ విషయం కూడా సర్కారుకు తెలుసు. అయినా, దాన్ని వెలికి తీయడానికి బదులు వేతనజీవులను బాదడంతో సరిపెడుతున్నారు.

ఆర్థిక రంగంలో దేశ పరిస్థితి ఆశావహంగా ఉందని ఆర్థిక సర్వే తెలిపింది. కొన్ని సవాళ్లను ఎదుర్కోవాల్సి ఉంటుందని హెచ్చరించింది. అయితే, ఒక డాలర్ ను కొనడానికి దాదాపు 100 రూపాయలు వెచ్చించాల్సిన దుస్థితి వస్తుందా అనిపిస్తుంది. ఒక దశలో డాలర్ కు బారాణా, అంటే ముప్పావలా స్థాయిలో రూపాయి విలువ పడిపోయింది. ప్రస్తుతం 68.80 స్థాయిలో ఉంది. స్వాతంత్ర్యం వచ్చే నాటికి 1 డాలర్ విలువ 1 రూపాయితో సమానం. రానురానూ మన ఆర్థిక మందగమనం, అమెరికా దూకుడుతనం కారణంగా రూపాయి విలువ దిగజారుతూ వచ్చింది. ఇకనైనా మన రూపాయి సగర్వంగా డాలర్ తో సమానం అయ్యే అవకాశం ఎప్పుడు వస్తుందో చూడాలి.

సంవత్సరం డాలర్ తో రూపాయి మారక విలువ

1947 1
1952 4.75
1966 7.10
1976 8.97
1986 12.60
1990 17.50
2000 45.00
2005 44.01
2010 45.65
2014 61.00
2016 68.80
(ఫిబ్రవరి 27)

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close