జనసేనని, పవన్ కళ్యాణ్ ను తీవ్రంగా వ్యతిరేకించే కత్తి మహేష్ పై కొందరు దుండగులు దాడి చేయడం కలకలం రేపింది. కత్తి మహేష్ ఒక టీవీ చర్చకు వెళుతుండగా కొండాపూర్ లో ఆయన పై కోడిగుడ్లతో దాడి చేశారు.బైక్ పై వచ్చిన ఇద్దరు యువకులు ఈ దాడి చేశారని ఆయన చెప్పారు.కోడిగుడ్డు కుడి కన్నుపై పడిందని,ఇది పవన్ కళ్యాణ్ అబిమానులు చేసిన పనేనని ఆయన ఆరోపించారు.
ఈ సంఘటన పై కత్తి తీవ్రంగా స్పందించారు. ఒక సామాన్యుడి పవరేంటో పవర్ స్టార్ కి చూపిస్తానని కత్తి మహేష్ సవాల్ చేసారు. గోటి తో పోయే దానికి గొడ్డలిదాకా తీసుకొచ్చింది పవన్ కళ్యాణేనని, ఆయన సకాలం లో స్పందించకపోవడం వల్లే ఆయన ఫ్యాన్స్ ఇలా చేస్తున్నారని, తనపై జరిగిన దాడికి పవన్ కళ్యాణ్ క్షమాపణలు చెప్పి తీరాలని అన్నారు. ఇక ఈ దాడికి నిరసనగా ఓయూ విద్యార్థులు నిరసన కార్యక్రమాలు చేపట్టనున్నారు.
మొత్తానికి అంతా సద్దుమణిగిపోయిందనుకున్న తర్వాత మళ్ళీ ఈ దాడి ఘటన, దీనికి ఓయూ జెయేసి నిరసనలు, త్వరలో ఈ ఇష్యూ లోకి మంద కృష్ణ ఎంటరవనున్నాడనే వార్తలు చూస్తూంటే, ఈ సమస్య ని పరిష్కరింపబడాలనుకునే వారి కంటే, దీన్ని కొనసాగించాలనుకునే వారే ఎక్కువగా ఉన్నట్టు తెలుస్తోంది.
అయితే ఈ దాడిపై త్వరలో పోలీస్ కంప్లైంట్ చేయనున్నారు కత్తి మహేష్.
