బాల‌య్య ఒక‌రా.. ఇద్ద‌రా??

ద్విపాత్రాభిన‌యం అంటే భ‌లే మోజు నంద‌మూరి బాల‌కృష్ణ‌కు. బ‌హుశా.. అగ్ర‌శ్రేణి క‌థానాయ‌కుల్లో ఎక్కువ ద్విపాత్రాభిన‌యాలు చేసిన క‌థానాయ‌కుడు బాల‌య్యేనేమో. అందులో దాదాపుగా అన్నీ హిట్సే. ఇప్పుడు వందో సినిమాలోనూ బాల‌కృష్ణ రెండు పాత్ర‌ల్లోనే క‌నిపిస్తార‌న్న‌ది టాలీవుడ్ టాక్‌. క్రిష్ ద‌ర్శ‌క‌త్వంలో గౌత‌మిపుత్ర శాత‌క‌ర్ణి చిత్రాన్ని ఉగాది రోజున లాంఛ‌నంగా ప్రారంభించిన సంగ‌తి తెలిసిందే. గౌత‌మిపుత్ర శాత‌క‌ర్ణిగా బాల‌య్య టైటిల్ రోల్‌లో క‌నిపిస్తారు. అయితే… ఈసినిమాలో ఆయ‌న‌ది డ్యూయెల్ రోల్ అనితెలుస్తోంది. మ‌రి రెండో పాత్ర ఏమిటి?

దాన్ని ఎలా తీర్చిదిద్దుతారు అన్న‌ది ఇప్పుడు స‌స్పెన్స్‌గా మారింది. ప్ర‌జెంట్‌.. ఫ్లాష్ బ్యాక్ అంటూ.. చారిత్ర‌క గాథ‌ని సోష‌ల్ డ్రామాతో క‌లిపి చెబుతారా? లేదంటే గౌత‌మి పుత్ర శాత‌క‌ర్ణి చ‌రిత్ర‌లో ఉన్న మ‌రో కీల‌కమైన పాత్ర‌లోనూ బాల‌కృష్ణే క‌నిపిస్తారా అన్న‌ది ఆస‌క్తిగా మారింది. ఈ విష‌యంలో అతి త్వ‌ర‌లోనే ఓ క్లారిటీ రానుంది. ఈనెల 22న ఈ చిత్రం క్లాప్ కొట్టుకోనుంది. మే చివ‌రి వారంలో రెగ్యుల‌ర్ షూటింగ్ మొద‌ల‌య్యే అవ‌కాశాలున్నాయి.