తెలకపల్లి వ్యూస్ : కేంద్రం చలవతోనే జగన్‌కు రిలీఫ్‌?

వైఎస్‌ జగన్మోహనరెడ్డికి సిబిఐ కోర్టుకు ప్రతిశుక్రవారం హాజరయ్యే బాధ తప్పడం దేనికి సంకేతం? ఈ కేసులో చార్జిషీట్లు ఎదుర్కొంటున్న చాలామంది నెమ్మదిగా విముక్తి పొందుతున్నారు. ఐఎఎస్‌ అధికారి రత్నప్రభ, బిపిఆచార్య, పొట్లూరి వరప్రసాద్‌, పునీత్‌ దాల్మియా, ఎస్‌ఎన్‌మహంతి ఇలా వరుసగా చాలా మంది వివిద రకాలైన ఉపశమనాలు పొందారు. చివరకు ప్రతిపక్ష నేతగా బాధ్యతలు వుంటాయి గనక జగన్‌ కూడా ప్రతివారం రాకుండా మినహాయింపు నివ్వాలని కోరితే ఓకె చెప్పేసింది కోర్టు.

జగన్‌ త్వరలోనే జైలుకు పోతాడని తెలుగుదేశం నాయకులు రోజూ దెప్పిపొడుస్తుంటే ఆయనకు ఉపశమనం లభించడం యాదృచ్చికం కాదని దీని వెనక తమ ప్రభుత్వ అండదండలున్నాయని బిజెపి రాష్ట్ర నేతలు చెబుతున్నారు. ఈ కేసును మరీ తీవ్రంగా తీసుకోవనసరం లేదని యథాలాపంగా నడిపిస్తే చాలని మోడీ సర్కారు భావిస్తున్నదట.

కాంగ్రెస్‌కు వ్యతిరేకంగా కలిసి వచ్చే కమ్యూనిస్టేతర పార్టీలన్నిటినీ కూడగట్టాలనుకున్నప్పుడు బలమైన వైసీపీని విస్మరించలేమని ఢిల్లీ నేతలు భావిస్తున్నారట. ఎపికి సహాయంలో జాప్యం వల్ల తెలుగుదేశం అధినేత చంద్రబాబు నాయుడు ఎలాగో నెట్టుకొస్తున్నారు. కాని ఎన్నికలు దగ్గరపడేకొద్ది ఆయన ఇలాగే వుండకపోవచ్చు. పైగా శాశ్వతంగా ఎపిని తెలుగుదేశంకే అప్పగించవలసిన అవసరం బిజెపికి లేదు.

‘మోడీ మోత’ తగ్గుతున్న కొద్ది రేపు ఎన్నికల్లో గనక అవసరమైతే అందరి సహాయం తీసుకోవలసి వుంటుంది. అప్పటికి చంద్రబాబు తమతో వుంటారో లేదో తెలియదు. పవన్‌ కళ్యాన్‌ కార్డు ఎలా వుండేది వూహాజనితమే. కనుక వైసీపీతో కూడా మంచిగా వుండాలనే బిజెపి నేతలు భావిస్తున్నారు. సిబిఐ కేంద్ర హౌంశాఖ అధీనంలోనే వుంటుంది గనక కాస్త నెమ్మదిగా వెళ్లమని సంకేతాలిస్తున్నారు. నిందితుల అభ్యర్థనలను గట్టిగా వ్యతిరేకించడం లేదు. దానికి తగినట్టు జగన్‌ కూడా కేంద్రంపై సుతిమెత్తగానే మాట్లాడుతున్నారు. అదీ కథ.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఆ స్వామిజీకి టిక్కెట్ రాకుండా చేసింది బాలకృష్ణేనట !

పరిపూర్ణానంద అనే స్వామిజీకి ప్రవచాలు చెప్పుకోవడం కన్నా రాజకీయాల్లో ఆదిత్యనాథ్ ని అయిపోవాలన్న ఆశ ఎక్కువగా ఉంది. గతంలో తెలంగాణలో ప్రయత్నించారు. వర్కవుట్ కాలేదు. ఈ సారి ఏపీలో దృష్టి పెట్టారు....

గంటాకే భీమిలీ – టీడీపీ ఫైనల్ లిస్ట్ రిలీజ్

గంటా శ్రీనివాసరావు హైకమాండ్ అనుకున్నది కాకుండా.. తాను అనుకున్న చోట పోటీ చేయడంలో ఎక్స్ పర్ట్. మరోసారి అనుకున్నది సాధించారు. భీమిలీ సీటు ఆయన ఖాతాలోనే పడింది. టీడీపీ విడుదల చేసిన...

మెకానిక్ గా మారిన మాస్ కా దాస్

ఈమ‌ధ్యే 'గామి'గా ద‌ర్శ‌న‌మిచ్చాడు విశ్వ‌క్‌సేన్‌. త‌న కెరీర్‌లో అదో వెరైటీ సినిమా. ప్రేక్ష‌కుల ప్ర‌శంస‌ల‌తో పాటు, విమ‌ర్శ‌కుల మెచ్చుకోళ్లూ ద‌క్కాయి. త‌ను న‌టించిన 'గ్యాంగ్స్ ఆఫ్ గోదావ‌రి' విడుద‌ల‌కు సిద్ధ‌మైంది. ఇప్పుడు మ‌రో...

“చెంగిచెర్ల” మీదుగా బీజేపీ ఎలక్షన్ ప్లాన్లు !

మేడ్చల్ నియోజకవర్గం చెంగిచెర్ల గ్రామంలో హోలీ పండుగ సందర్భంగా ఘర్షణ జరిగింది. డీజే పాటలు పెట్టుకొని హోలీ సంబరాలు చేసుకుంటుండగా.. మరో వర్గానికి చెందిన వారు ఆ పాటలు ఆపాలని కోరారు....

HOT NEWS

css.php
[X] Close
[X] Close