షా పర్యటన రద్దు: కరోనానా కుమ్ములాటలా..

కేంద్ర హోం శాఖ మంత్రి, భారతీయ జనతా పార్టీ సుప్రీం అమిత్ షా హైదరాబాద్ పర్యటన రద్దు వెనక ఎలాంటి కారణం ఉందో తెలంగాణ బిజెపి నాయకులు చెప్పలేకపోతున్నారు. కరోనా వైరస్ కారణంగా పర్యటన రద్దు అయిందని పైకి చెబుతున్నా అంతర్గతంగా పార్టీలో కుమ్ములాటలే కారణమని అంటున్నారు. పౌరసత్వ చట్టంతో పాటు ఇతర అంశాలపై పార్లమెంటులో దుమారం రేగుతున్న సమయంలో హైదరాబాద్ వచ్చి పార్టీ అంతర్గత కుమ్ములాటల్లో ఉన్న ప్రస్తుత సమయంలో హైదరాబాద్ పర్యటించడం అవసరమా అని హోంమంత్రి అమిత్ షా స్థానిక బీజేపీ నాయకుల వద్ద అన్నట్లు చెబుతున్నారు. బీజేపీ తెలంగాణ రాష్ట్ర అధ్యక్ష పదవి కోసం ఓ నాయకుడ్ని వెతకాల్సిన ఈ సమయంలో పార్టీలో ఆ పదవి కోసం పైరవీలు, కుమ్ములాటలు ఎక్కువవుతున్నాయని పార్టీ అధిష్గానం భావిస్తోంది. ఈ సమయంలో అమిత్ షా హైదరాబాద్ వస్తే ఆయన్ని ప్రసన్నం చేసుకోవడం కోసం పలువురు నాయకులు నానా హంగామా చేస్తారని, అమిత్ షా పాల్గొనే బహిరంగ సభకు తాము ఎక్కువ మందిని తీసుకువచ్చామంటే తామే ఎక్కువ మందిని తీసుకువచ్చామంటూ కొత్త వాదాలు ముందుకు వస్తాయని అధిష్టానం భావించినట్లు చెబుతున్నారు.

ఇలాంటి సమయంలో ఈ పర్యటన వాయిదా వేసుకుంటే మంచిదని హోం శాఖ సహాయ మంత్రి కిషన్ రెడ్డి కూడా పార్టీ సుప్రీంతో అన్నట్లు చెబుతున్నారు. ఈ నెల 15వ తేదిన నగరంలో బహిరంగ సభ నిర్వహించాలని భావించారు. ఈ సభకు తెలంగాణ బీజేపీ అధ్యక్ష పదవిని ఆశిస్తున్న వారు వారి వారి జిల్లాల నుంచి భారీగా జన సమీకరణ చేయాలని అనుకున్నారు. ఆ విధంగా తమ బలాన్ని, బలగాన్ని ప్రదర్శించాలని భావించారు. అయితే, దీనిని తెలుసుకున్న ఇప్పుడు బహిరంగ సభకు వచ్చి మళ్లీ వివాదాలను పెంచడం ఎందుకని మిన్నకున్నట్లు చెబుతున్నారు. బహిరంగ సభ రద్దుకు కారణాలను వెతకాల్సిన పని లేకుండా కరోనా వైరస్ కాపాడిందని పార్టీ వర్గాలు చెబుతున్నాయి. ఈ నెలాఖరులోగా బీజేపీ తెలంగాణ అధ్యక్షుని ఎంపిక చేసి అనంతరం బహిరంగ సభ ఏర్పాటు చేస్తే బాగుంటుందని అధిష్టానం భావిస్తున్నట్లు
సమాచారం.  

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

బస్సు యాత్ర : వైసీపీ రాంగ్ స్ట్రాటజీ

ఎన్నికల షెడ్యూల్ వచ్చినా నోటిఫికేషన్ రావడానికి సమయం ఉండటంతో...జగన్మోహన్ రెడ్డి బస్సు యాత్రను ప్లాన్ చేసుకున్నారు. ఇరవై ఒక్క రోజుల పాటు ఇరవై ఒక్క పార్లమెంట్ నియోజకవర్గాల నుంచి బస్సు యాత్ర...

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...
video

‘మ‌న‌మే’ ఫ‌స్ట్ సింగిల్: సోలో లైఫే సోబెట‌రంటున్న శ‌ర్వా!

https://www.youtube.com/watch?v=XGJtiqVzZiA ఈమ‌ధ్య టాలీవుడ్ లో గ‌ట్టిగా వినిపిస్తున్న పేరు... హేష‌మ్‌ అబ్దుల్ వాహ‌బ్‌. 'ఖుషి', 'హాయ్ నాన్న‌' సినిమాల్లో సూప‌ర్ హిట్ పాట‌లు ఇచ్చారు. ఇప్పుడు శ‌ర్వానంద్ 'మ‌న‌మే' చిత్రానికీ ఆయ‌నే స్వ‌రాలు అందిస్తున్నారు....

HOT NEWS

css.php
[X] Close
[X] Close