చంద్రబాబు దావోస్ టూర్‌పై కేంద్రం ఆంక్షలు..! కొత్తగా ఎందుకో…?

ప్రపంచ ఆర్థిక వేదిక సదస్సులో పాల్గొనేందుకు ఏపీ తరపున వెళ్లే బృందంపై కేంద్ర ప్రభుత్వం ఆంక్షలు విధించింది. పదిహేను మందితో వెళ్లాలనుకున్న చంద్రబాబుకు.. కేంద్రం షాక్ ఇచ్చింది. అంత మంది అవసరం లేదు.. ఐదుగురితో వెళ్లాలని… సూచించింది. వరల్డ్ ఎకనమిక్ ఫోరం సదస్సు.. ప్రతి ఏడాది దావోస్‌లో జరుగుతుంది. ప్రపంచం నలుమూలల నుంచి అగ్రశ్రేణి పారిశ్రామికవేత్తలు, వ్యాపారవేత్తలు, పెట్టుబడిదారులు ఆ సదస్సుకు తరలి వస్తారు. అందుకే చంద్రబాబు ప్రతీ ఏడాది ఓ పదిహేను మంది బృందంతో… అక్కడికి వెళ్తారు. ఏపీ కోసం ప్రత్యేకంగా ఓ స్టాల్ కూడా ఏర్పాటు చేసి.. వీలైతే.. బస్సులపై “సన్ రైజ్ ఆంధ్రప్రదేశ్” అనే స్లోగన్‌తో పబ్లిసిటీ కూడా చేసుకుంటారు. వీలైనంత వరకూ.. అక్కడ ఏపీ లో ఉన్న అవకాశాలను వివరించి పెట్టుబడులను ఆకర్షించే ప్రయత్నం చేస్తూంటారు. ఈ ఏడాది కూడా జనవరి ఇరవై నుంచి వరల్డ్ ఎకనమిక్ ఫోరం సదస్సు జరగబోతోంది. దానికి ఎప్పట్లానే పదిహేను మందితో వెళ్లాలని చంద్రబాబు నిర్ణయించుకున్నారు. కానీ ఢిల్లీ నుంచి అడ్డుపుల్ల పడింది.

సాధారణం ఏ రాష్ట్ర ముఖ్యమంత్రి అయినా అధికారిక పర్యటనకు వెళ్లాలంటే.. ముందుగా వివరాలను కేంద్ర ప్రభుత్వానికి పంపి పర్మిషన్ తీసుకోవాలి. అయితే అది లాంఛనమే. దౌత్యపరమైన సమస్యలు ఏమైనా ఉంటే తప్ప… ఏ ముఖ్యమంత్రి అయినా విదేశీ పర్యటనకు వెళ్లదల్చుకుంటే… అడ్డు చెప్పడం అనేది ఇప్పటి వరకూ జరగలేదు. కానీ మొదటి సారిగా.. ఏపీ ముఖ్యమంత్రి ప్రపంచ ఆర్థిక వేదిక సదస్సుకు వెళ్లేందుకు సిద్ధమైన డెలిగేషన్ పై ఆంక్షలు విధించారు. పదిహేను మంది అవసరం లేదు.. ఐదుగురు చాలు అంటూ.. ఏపీ ప్రభుత్వం పంపిన అనుమతి లేఖను తిప్పి పంపారు. ఎంత మంది వెళ్లాలో చెప్పడానికి కేంద్రం ఎవరు… అని… ఏపీ ప్రభుత్వం భగ్గుమంటోంది. కేంద్రానికి ఘాటుగా తిరిగి లేఖ రాయాలని నిర్ణయించుకుంది.

ఆంధ్రప్రదేశ్‌పై కసితోనే… కేంద్రం ఇలాంటి నిర్ణయం తీసుకుంటోందనే విమర్శలు రావడానికి కేంద్రమే ఆస్కారం ఇస్తోంది. ఎందుకంటే.. నాలుగేళ్ల పాటు చంద్రబాబునాయుడు దావోస్‌కు… ఇంత కంటే పెద్ద బృందాలతోనే వెళ్లారు. అప్పుడు కేంద్రం ఎలాంటి అభ్యంతరాలు చెప్పకుండానే పర్మిషన్ ఇచ్చింది. కానీ.. ఇప్పుడు బీజేపీతో కటిఫ్ చెప్పిన తర్వాత మాత్రం.. ఐదుగురు చాలంటూ… నిబంధనలు పెడుతోంది. అందుకే.. ప్రజల్లో బీజేపీపై సందేహాలు పెరుగుతున్నాయి. టీడీపీ నేతల ఆరోపణలకు కారణం అవుతోంది. మరి బీజేపీ ఈ విషయాన్ని ఎలా సమర్థించుకుంటుందో మరి..!

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close