“ఆ నాన్చుడు” ఇంకా తగ్గించని చంద్రబాబు..!

తెలుగుదేశం పార్టీ అధినేత చంద్రబాబు ఏ నిర్ణయం అయినా ఫటాఫట్ తీసుకోరు. కనీసం ఆలోచించి అయినా తీసుకుంటారా అంటే అదీ లేదు. చివరికి వరకు చూసి… ఎవరు ఎక్కువ ఒత్తిడి తెస్తే వారికే అవకాశం కల్పించే ఫార్ములా పాటిస్తూంటారు. ఈ పద్దతి మిస్ ఫైర్ అయిన సందర్భాలే కోకొల్లలు. అయినప్పటికీ.. ఆయన తీరు ఇప్పటికీ మారలేదని.. తాజాగా ఏపీ టీడీపీ అధ్యక్షుడి ఎంపిక విషయంలో తేట తెల్లమవుతోందన్న అభిప్రాయం .. ఆ పార్టీలోనే వ్యక్తమవుతోంది. ఆంధ్రప్రదేశ్ టీడీపీ అధ్యక్షుడిగా అచ్చెన్నాయుడు పేరును ఖరారు చేశారు. ఇరవై ఏడో తేదీన అధికారికంగా ప్రకటించబోతున్నారని ఆ పార్టీ వర్గాలు మీడియాకు కూడా సమాచారం ఇచ్చాయి. అయితే.. అంతలో ఏం జరిగిందో కానీ.. మళ్లీ మిగతా కమిటీలు ప్రకటిస్తారు కానీ.. ఏపీ టీడీపీ అధ్యక్షుడ్ని మాత్రం ప్రకటించబోరని మరోసారి ప్రచారం ప్రారంభమయింది.

ఈ ఒక్క ప్రచారం అయితే సరే కానీ.. ఏపీ టీడీపీ అధ్యక్షుడుగా అచ్చెన్నాయుడు మాత్రమే కాక మరికొంత మంది బీసీ నేతలు రేసులో ఉన్నట్లుగా ప్రచారం చేసేస్తున్నారు. ఈ రే్సులో కొత్తగా నెల్లూరు జిల్లాకు చెందిన బీద రవిచంద్ర పేరు ప్రచారంలోకి వచ్చింది. వచ్చింది అనడం కంటే.. అచ్చెన్నాయుడు స్థానంలో కొంత మంది తీసుకు వచ్చారని అనుకోవడం కరెక్ట్. అచ్చెన్నాయుడు దూకుడైన నేత. ప్రభుత్వంపై ఆయన పోరాడతారు. ఆయన కటౌట్ మాత్రమే కాదు.. కంటెంట్ కూడా ప్రభుత్వానికి ఇబ్బందికరమే. అందుకే ఆయన్ని ఇబ్బంది పెడుతున్నారన్న అభిప్రాయం రాజకీయవర్గాల్లో ఉంది. ఇప్పుడు ఏపీ టీడీపీ అధ్యక్షుడు అయితే.. మరింతగా ఆయన పోరాడతారనే భావన కింది స్థాయి క్యాడర్‌లో ఉంది. అచ్చెన్నాయుడు కూడా.. కొత్త బాధ్యతలకు సిద్ధమయ్యారు.

అనూహ్యంగా ఇరవై ఏడో తేదీన అచ్చెన్నాయుడు పేరును ఖరారు చేయడానికి సిద్ధమైన చంద్రబాబు వివిధ సమీకరణాల పేరుతో మనసు మార్చుకున్నట్లుగా చెబుతున్నారు. ఈ నెల 27వ తేదీన పార్టీ రాష్ట్ర అధ్యక్షుడి పేరును కూడా ప్రకటిస్తారని ప్రచారం జరిగినా అది నిజం కాదని, రాష్ట్ర కమిటీ ప్రకటన తర్వాత ఉంటుందని కొత్తగా చెప్పడం ప్రారంభించారు. ఇలాంటి నాన్చుడు వల్లే పార్టీ నష్టపోయిందని… ఇప్పటికైనా .. ఇలా బయట చర్చోపర్చలు జరిగిన తర్వాత కాకుండా.. అంతర్గతంగా చర్చించేసుకున్న తర్వాత నిర్ణయం ప్రకటించి.. దానికే కట్టుబడి ఉంటే బెటరన్న అభిప్రాయాలు వినిపిస్తున్నాయి. ఇలాంటివి ఏళ్ల తరబడి వినిపిస్తున్నా.. టీడీపీ అధినేత తీరులో మాత్రం మార్పు లేదు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close