అమ‌రావ‌తి ధ‌ర్మ‌పోరాట స‌భ‌పై రాహుల్ తో చంద్ర‌బాబు చ‌ర్చ‌..!

ముఖ్య‌మంత్రి నారా చంద్ర‌బాబు నాయుడు మంగ‌ళ‌వారం రాత్రి ఢిల్లీకి చేరుకున్నారు. బుధ‌వారం నాడు భాజ‌పాయేత‌ర పార్టీల నేత‌ల భేటీ జ‌ర‌గాల్సి ఉంది. కోల్ క‌తా ర్యాలీ విజ‌యం అనంత‌రం… దేశ‌వ్యాప్తంగా ఇలాంటి భారీ స‌భ‌ల్ని ఏర్పాటు చేసేందుకు అవ‌స‌ర‌మైన ప్ర‌ణాళిక‌ను సిద్ధం చేసుకోవ‌డం కోసం 23న భేటీ ఉంటుంద‌ని ముందుగా అనుకున్నారు. అయితే, అనూహ్యంగా ఫ‌రూక్ అబ్దుల్లా విదేశాల‌కు వెళ్లాల్సి రావ‌డం, మ‌రికొన్ని పార్టీల‌కు చెందిన నేత‌లు కూడా వారి సొంత రాష్ట్రాల్లో బుధ‌వారం నాడు కొన్ని ముఖ్య‌మైన కార్య‌క్ర‌మాలు ఉండ‌టంతో… బుధ‌వారం జ‌ర‌గాల్సిన భేటీని వాయిదా వేశారు. అంద‌రూ అందుబాటులో ఉండే తేదీని నిర్ణ‌యించి ఈ భేటీ నిర్వ‌హిస్తార‌ని తెలుస్తోంది.

కాంగ్రెస్ అధ్య‌క్షుడు రాహుల్ గాంధీతో ముఖ్య‌మంత్రి చంద్ర‌బాబు నాయుడు భేటీ అయ్యారు. కోల్ క‌తా ర్యాలీకి రాహుల్ రాలేదు. దీంతో దాని గురించి కాసేపు ఇద్ద‌రూ చ‌ర్చించుకున్న‌ట్టు స‌మాచారం. అంతేకాదు, ఆంధ్రా రాజ‌ధాని అమ‌రావ‌తిలో కూడా భాజ‌పాయేత‌ర పార్టీల భారీ స‌భ‌ను నిర్వ‌హించాల‌ని చంద్ర‌బాబు అనుకున్న సంగ‌తి తెలిసిందే. ధ‌ర్మ‌పోరాట దీక్ష‌ల ముగింపు స‌భ‌గా ఈ కార్య‌క్ర‌మం జ‌ర‌పాల‌ని అనుకుంటున్నారు. ఇదే అంశ‌మై రాహుల్ తో చంద్రబాబు చ‌ర్చించిన‌ట్టు స‌మాచారం. ఏపీలో జ‌రిగే స‌భ‌కు రాహుల్ త‌ప్ప‌నిస‌రిగా రావాల‌ని కూడా ఈ సంద‌ర్భంగా ఏపీ సీఎం పిలిచిన‌ట్టు తెలుస్తోంది. అమరావ‌తిలో నిర్వ‌హించ‌బోయే స‌భ తేదీలు ఖ‌రారు అయిన త‌రువాత‌, రాహుల్ గాంధీతోపాటు ఇత‌ర పార్టీల నేత‌ల్ని సాద‌రంగా ఆహ్వానించాల‌ని చంద్ర‌బాబు భావిస్తున్నారు.

కోల్ క‌తా త‌ర‌హా ర్యాలీలు దేశ‌వ్యాప్తంగా చేప‌డితే… మోడీ వ్య‌తిరేక భావ‌న ప్ర‌జ‌ల్లోకి మ‌రింత బ‌లంగా వెళ్తుంద‌ని ఈ భేటీలో రాహుల్, చంద్ర‌బాబుల మ‌ధ్య వ్య‌క్త‌మైన అభిప్రాయంగా తెలుస్తోంది.అన్ని పార్టీల నేత‌లు అందుబాటులోకి రాగానే… ఎన్డీయేత‌ర పార్టీల స‌మావేశం ఏర్పాటు చేసుకోవాల‌నీ, కార్య‌క్ర‌మాల షెడ్యూల్ ని కూడా ఖరారు చేసుకోవాల‌ని రాహుల్ అభిప్రాయ‌ప‌డ్డ‌ట్టు తెలుస్తోంది. ఈ అంశాల‌పై రాహుల్ తో చ‌ర్చించిన చంద్ర‌బాబు… ఢిల్లీ నుంచి తిరుగు ప్ర‌యాణ‌మ‌య్యారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close