ఇది ప్రాంతీయ పార్టీలు, లేదా కాంగ్రెస్ త‌ర‌ఫు ప్ర‌య‌త్నం కాదు!

ఎన్డీయే పాల‌న‌లో అన్ని రాజ్యాంగబ‌ద్ధ వ్య‌వ‌స్థ‌లూ ఒక్కోటిగా నిర్వీర్యం అవుతున్నాయ‌ని ఏపీ ముఖ్య‌మంత్రి నారా చంద్ర‌బాబు నాయుడు అన్నారు. బెంగ‌ళూరులో ఆయ‌న క‌ర్ణాట‌క ముఖ్య‌మంత్రి కుమార‌స్వామి, మాజీ ప్ర‌ధాని దేవెగౌడ‌తో భేటీ అనంత‌రం మీడియాతో మాట్లాడారు. త‌మ భేటీలో ప్ర‌ధానంగా ఇవే అంశాల‌పై చ‌ర్చ జ‌రిగింద‌న్నారు. ఆర్బీఐ లాంటి స్వ‌యం ప్ర‌తిప‌త్తి ఉన్న వ్య‌వ‌స్థ‌ల మ‌నుగ‌డ ప్ర‌శ్నార్థ‌కంగా మార్చేస్తున్నార‌నీ, కేంద్రం ప్ర‌భుత్వం క‌లిగిస్తున్న ఇబ్బందుల్ని ఎదుర్కొన‌లేక‌పోతున్నామంటూ ఆర్బీఐ గ‌వ‌ర్న‌ర్ స్వ‌యంగా చెప్తున్నారంటేనే ప‌రిస్థితి తీవ్ర‌త‌ను అర్థం చేసుకోవ‌చ్చ‌న్నారు చంద్ర‌బాబు. ఈడీ, ఆదాయ ప‌న్ను శాఖ‌ల్ని త‌మ రాజ‌కీయ ల‌క్ష్యాల‌కు అనుగుణంగా కేంద్రంలోని అధికార పార్టీ వాడుకుంటోంద‌ని ఆరోపించారు.

క‌ర్ణాట‌క‌లో ఇలాంటి ప‌రిస్థితిని చూశామ‌నీ, త‌మిళ‌నాడు, తాజాగా తెలంగాణ విష‌యంలో కేంద్రం వైఖ‌రి ఇలానే ఉంటోంద‌న్నారు. ప్ర‌తిప‌క్ష పార్టీల‌ను బెదిరించ‌డం కోస‌మే వీటిని వాడుతున్నార‌న్నారు. రెండేళ్ల కింద‌ట తీసుకున్న నోట్ల ర‌ద్దు నిర్ణ‌యం వ‌ల్ల ఇంత‌వ‌ర‌కూ ఒరిగిందేం లేద‌నీ, ఆర్థిక వ్య‌వ‌స్థ నాశ‌నం కావ‌డం త‌ప్ప ప్రయోజ‌నం లేద‌న్నారు. ధ‌ర‌లు విప‌రీతంగా పెరుగుతున్నాయ‌నీ, రైతులు చాలా అవ‌స్థ‌లు ప‌డుతున్నార‌ని చెప్పారు. అందుకే, ఇప్పుడు అంద‌రూ క‌లిసిక‌ట్టుగా వీట‌న్నింటినీ కాపాడుకోవాల్సిన అవ‌స‌రం ఉందన్నారు చంద్ర‌బాబు. రాజ్యాంగాన్నీ, ప్ర‌జాస్వామ్యాన్నీ, దేశాన్ని కాపాడుకోవాల్సిన స‌మ‌యం ఇద‌న్నారు.

తాను దేశంలోని ప్రాంతీయ పార్టీల త‌ర‌ఫున‌, లేదా కాంగ్రెస్ త‌ర‌ఫున ఈ ప్ర‌య‌త్నం చేయ‌డం లేద‌నీ… దేశాన్ని కాపాడుకోవాల్సిన స‌మ‌యం వ‌చ్చింది కాబ‌ట్టి, ఒక బాధ్య‌త‌గ‌ల నాయ‌కుడిగా స్పందిస్తున్నాన‌ని చంద్ర‌బాబు నాయుడు చెప్పారు. వ‌చ్చే ఎన్నిక‌ల త‌రువాత ప్ర‌ధాన‌మంత్రి అభ్య‌ర్థి ఎవ‌రు, రాహుల్ గాంధీకి మ‌ద్ద‌తు ఇస్తారా అనే ప్ర‌శ్న‌లు మీడియా వేస్తే.. చంద్ర‌బాబు అలా స్పందించారు. ఆ విషయం సమయం వచ్చినప్పుడు అన్ని పార్టీలూ చర్చంచి నిర్ణయం తీసుకుంటాయన్నారు. తాను మాయావ‌తి, అఖిలేష్ యాద‌వ్ తో మాట్లాడాన‌నీ, రేపు స్టాలిన్ తో భేటీ అవుతున్నాన‌నీ… ఇలా అంద‌రితోనూ తాను క‌ల‌వ‌బోతున్నాన‌ని చెప్పారు. ఆ త‌రువాత‌, త‌మ కార్యాచ‌ర‌ణ ఏంట‌నేది నెమ్మ‌దిగా తెలుస్తుంద‌న్నారు. మ‌రో ప్ర‌శ్న‌కు స‌మాధానంగా… కేంద్రంలోని భాజ‌పా ఆంధ్రాను మోసం చేసింద‌నీ, అందుకే ఎన్డీయే నుంచి బ‌య‌ట‌కి రావాల్సి వ‌చ్చింద‌న్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

బస్సు యాత్ర : వైసీపీ రాంగ్ స్ట్రాటజీ

ఎన్నికల షెడ్యూల్ వచ్చినా నోటిఫికేషన్ రావడానికి సమయం ఉండటంతో...జగన్మోహన్ రెడ్డి బస్సు యాత్రను ప్లాన్ చేసుకున్నారు. ఇరవై ఒక్క రోజుల పాటు ఇరవై ఒక్క పార్లమెంట్ నియోజకవర్గాల నుంచి బస్సు యాత్ర...

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...

HOT NEWS

css.php
[X] Close
[X] Close