ఏమి కోపమది.. చంద్రతాపమది!

నంద్యాల నియోజకవర్గం ఆ చుట్టుపక్కల ప్రజలు శోభన్‌బాబు-శారద నటించిన ‘శారద’ చిత్రంలోని పై పాట పల్లవి పాడుకున్నారట శనివారం నాడు. ముఖ్యమంత్రి చంద్రబాబు నాయుడు పర్యటన సందర్భంగా కొందరు అడ్డుతగిలి సమస్యలు చెప్పడమో లేక సవాళ్లు చేయడమో జరిగిందట. నాయకుల పర్యటనల్లో అందులోనూ ఉప ఎన్నికల కురుక్షేత్రంగా మారిన మార్చిన చోట ఇలా జరగడం పెద్ద ఆశ్చర్యం లేదు. యాలూరు అనే వూళ్లో కరెంటు రావడం లేదని, ఇంకా ఏవో సమస్యలు చెప్పడంతో చంద్రబాబు ఒక్కసారిగా ఆగ్రహౌదగ్రులైనారు. మీరు వైసీపీ వారు కదా..ఏ మయ్యా వైసీపీ వారే కదా అంటూ తమాషాగా వుందా పిచ్చి పట్టిందా అని పదే పదే వ్యాఖ్యానించారు. రాజకీయ నాయకుడుగా ముఖ్యమంత్రిగా వస్తే జగన్మోహనరెడ్ది తాగించి పంపించారని ఒకటికి రెండు సార్లు కోపంగా తిట్టిపోశారు. ముఖ్యమంత్రి కోపానికి స్పందనకు పక్కనున్న యువమంత్రి అఖిలప్రియ కూడా కాస్సేపు ఏమీ తోచనట్టు చూస్తుండిపోయారు. ఆ తర్వాతనే ఆమె,మేనమామ ఎంఎల్‌ఎ ఎస్‌విమోహనరెడ్డి కాస్త నవ్వుతూ కవర్‌ చేయడానికి ప్రయత్నించారు. అప్పటికి తన కోపం బాగా ఎక్కువైందని గ్రహించిన చంద్రబాబు కాస్త సర్దుకుని రేపు కలెక్టర్‌ను అధికారులను పంపిస్తాను. విచారిస్తారు. తప్పయితే నీపైన కేసు పెట్టిస్తా అని మరోదఫా కోపం చూపించారు. ప్రశ్నించిన వారి సంగతి అలా వుంచి ప్రభుత్వాధినేత ఇంతగా కోప్పడటం అందులోనూ అనుభవజ్ఞుడైన ముఖ్యమంత్రి మామూలు మనుషులపై అంతగా మండిపడటం అందరినీ ఆశ్చర్య పర్చడమే గాక అభ్యంతరకరంగా మారింది. అధికార కార్యక్రమాన్ని ఉప ఎన్నికల ప్రచారానికి వాడుకోవడమే ఒక పొరబాటు కాగా ప్రత్యర్థులను పేరు తీసి విమర్శించడం కేసుల వరకూ వెళ్లడం ఇంకా విపరీతం. టిడిపి అభ్యర్థి భూమా బ్రహ్మానందరెడ్డి వేదికపై లేకున్నా ముందువరసలోనే కూచుని ముఖ్యమంత్రి మాట్లాడగానే లేచి నుంచుని ఓట్ల నమస్కారాలు పెడుతూ ప్రచారం చేసుకోవడం కనిపించింది. అన్నట్టు వైసీపీ అభ్యర్థి మాజీ మంత్రి శిల్పా మోహనరెడ్డి సోదరుడు టిడిపి ఎంఎల్‌సి శిల్పా చక్రపాణి రడ్డి ఈ పర్యటనలో కనిపించలేదట.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close