ఇంకా “ఆక్సిజన్” అందలేదా?

AM రత్నం గోపీచంద్ సినిమా “ఆక్సిజన్” వాయిదాలపై వాయిదాలు పడుతూ విడుదలకి నోచుకోవడం లేదు. ఆ మధ్య ఆడియో ఫంక్షన్ జరిగింది, ఇక అక్టొబర్ లో ఖచ్చితంగా విడుదల అయి తీరుతుందనుకున్నారు. కానీ నవంబర్ కి వాయిదా పడింది. నవంబర్ 10 అనుకుంటే ఆ డేట్ కూడా అయిపోయింది. తర్వాత నవంబర్ 17 అన్నారు కానీ అప్పటికి కూడా వచ్చే సూచనలు కనిపించడం లేదు.

ఈ సినిమా దర్శకుడు AM రత్నం తనయుడు AM జ్యోతి కృష్ణ. 17 యేళ్ళ వయసు లోనే తండ్రి నిర్మిస్తున్న నట్పుకాగ (తెలుగులో చిరంజీవి స్నేహం కోసం ) సినిమాకి కథ అందించిన జ్యోతి కృష్ణ ఆ తర్వాత ఒక బిలింగ్వల్ సినిమా ద్వారా దర్శకుడిగా పరిచయమయ్యాడు. నీ మనసు నాకు తెలుసు అనే ఆ సినిమా ఇంగ్లీష్ లో వచ్చిన “సెరండిపిటి ఆధారంగా రూపొందింది. అయితే అది ఫ్లాప్ అయి ఆయన కెరీర్ కష్టాల్లో పడింది. ఇప్పుడు ఆక్సిజన్ సినిమా కూడా దాదాపు 2 యేళ్ళ కిందే మొదలయినా దర్శకుడికి హీరోకి మధ్య వచ్చిన గొడవల కారణంగానే ఈ సినిమా ఆలస్యమయిందని తెలుస్తోంది. ఇక సినిమా పూర్తయిన తర్వాత బిజినెస్ సరిగా జరగలేదు. హీరోకి కానీ, దర్శకుడికి కానీ, నిర్మాతకి కానీ హిట్లు లేకపోవడమే కాక సినిమా ఆలస్యం అవడం కూడా బిజినెస్ జరగకపోవడానికి కారణమే.

మొత్తానికి ఈ ఆక్సిజన్ సినిమా కి ఆక్సిజన్ ఎప్పుడు అందుతుందో, నిర్మాత ఎప్పుడు హాయిగా గాలిపీల్చుకుంటాడో తెలియడం లేదని సినీ వర్గాలు అంటున్నాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.