కేంద్రమంత్రి, బిజెపి సీనియర్‌ నాయకుడు వెంకయ్య నాయుడు కుమార్తె దీపా వెంకట్‌ ఆధ్వర్యంలో నడుస్తున్న స్వర్ణభారతి ట్రస్టు కోసం భవన నిర్మాణం చేయించుకుని బిల్లు చెల్లించకుండా రెండున్నరేళ్లుగా తిప్పించుకుంటున్నట్టు పాలడుగు సత్యనారాయణ అనే కాంట్రాక్టరు ఫిర్యాదు చేశారు. విలేకరులకు కూడా ఈ వివరాలు తెలియజేశారు. ఉయ్యూరు మండటం ముదునూరుకు చెందిన సత్యనారాయణ ట్రస్టుకోసం మొదట రు,30 లక్షల వ్యయంతో రహదారి వేస్తే బిల్లు సక్రమంగానే చెల్లించారట. తర్వాత భవన నిర్మాణ బాధ్యత అప్పగించగా రు21 లక్షల ఖర్చుతో నిర్మించానని అయితే 17.60 లక్షలు మాత్రమే అయినట్టు లెక్కలు వేయించి అది కూడా చెల్లించడం లేదని ఆయన వివరించారు. దీనిపై గట్టిగా అడిగితే విరాళంగా ఇచ్చినట్టు భావించాలని వొత్తిడి చేస్తున్నారని అయితే తాను చిన్న రైతును మాత్రమేనని సత్యనారాయణ విలేకరులకు తెలిపారు. అవసరమైతే దీనిపై భవనం ఎదుట నిరాహారదీక్ష చేస్తానన్నారు.
ఇది ఇలా వుంటే సిపిఐ రాష్ట్ర కార్యదర్శి కె.రామకృష్ణ స్వర్ణభారతి ట్రస్టు అక్రమాలపై విచారణ జరిపించాలంటూ ప్రధానికి లేఖ రాశారు. ముఖ్యమంత్రి చంద్రబాబుకు లేఖ రాసినా స్పందించలేదు గనక కేంద్రానికి రాసినట్టు తెలిపారు. క్విడ్‌ ప్రోకో తరహాలో వెంకయ్యనాయుడు తన పలుకుబడిని ఉపయోగించి ట్రస్టుకు ప్రయోజనం కలిగిస్తున్నారని రామకృష్ట ఆరోపించారు. కొద్దిభూమిని కోనుగోలు చేసి పక్కనే వున్న ప్రభుత్వ భూమిని శిఖం భూమిని కూడా కలిపేసుకోవడం ఒక వ్యూహంగా చేస్తున్నారని ఆరోపించారు. కన్నా నరసింహరావు అనే రైతుకు చెందిన 30 సెంట్ల భూమిని ఖాళీ చేయవలసిందిగా ట్రస్టు సభ్యులు వేధిస్తున్నారని రామకృష్ణ తెలిపారు. ప్రధాని మోడీ ఈ విషయమై విచారణకు ఆదేశించకపోతే తాము ఆందోళన చేయవలసి వుంటుందని కూడా ప్రకటించారు. గతంలోనే ఈ ట్రస్టుపై పలు విమర్శలు వున్నాయి. ముఖ్యమంత్రలు కేంద్ర మంత్రులు దగ్గరుండి వంతపాడడంతో ప్రభుత్వ కాంట్రాక్టర్లు రియల్టర్లు భారీతానే నిధులు సమకూరుస్తున్నారు.అది చాలనట్టు ఈ విధమైన బలంతపు వసూళ్లు ఒత్తిళ్లు కూడా జరుగుతున్నాయని ప్రతిపక్షాలు పేర్కొంటున్నాయి.గాలి జనార్థనరెడ్డి కూడా ఒకప్పుడు ఈ ట్రస్టుకు సహాయం ఇచ్చిన వారేనట.
