నవతరం దర్శకులని ఓ విషయం లో మెచ్చుకుని తీరాలి. సంగీతం, సాహిత్యం విషయం లో వాళ్ళు చూపిస్తున్న శ్రర్ధ చూస్తుంటే ముచ్చటేస్తోంది. తెలుగు పాటల్లో, తెలుగు పదాలు మృగ్యమైపోతున్నాయి అని బాధ పడిన వాళ్ళు కూడా ఇప్పటి పాటల్ని చూసి మురిసిపోతున్నారు. ఓ మంచి పాట వస్తే.. దాన్ని గుండెల్లో దాచుకోవడానికి శ్రోత లెప్పుడు సిద్ధంగానే వుంటారు. అందుకే ఆ ప్రయత్నాలు కొనసాగుతూనే వున్నాయి.
తాజా గా `డియర్ కామ్రేడ్` లో ఓ పాట వచ్చింది. విజయ్ దేవరకొండ, రష్మిక జంటగా నటించిన చిత్రమిది. ఈ రోజు ”నీ నీలి కన్నుల్లోని ఆకాశమే తెల్లారి అల్లేసింది నన్నే, నీ కాలి అందెల్లోని సంగీతమే… నీవైపు లాగేసింది నన్నే” అనే గీతాన్ని విడుదల చేశారు. ఈ సినిమా నుంచి బయటికి వచ్చిన తొలిపాట ఇదే. తొలిసారి వినగానే నచ్చేసే మెలోడీ ఇది. సుతిమెత్తని ట్యూన్, దానికి సరిపడే తీయని తెలుగు పదాలు, శ్రావ్యమైన గొంతు.. ఇవన్నీ కట్టి పడేస్తాయి. రెహమాన్ రాసిన ఈ పాటని గౌతమ్ భరద్వాజ్ ఆలపించారు. ప్రభాకరన్ సంగీతం అందించారు. టీజర్ చూడగానే.. దర్శకుడితో టేస్ట్ అర్థమయ్యింది. తనకి సాహిత్యం తో వున్నా అభిరుచి ఈ పాట బయటపెట్టింది. డియర్ కామ్రేడ్ ఆడియో కి ఇది మంచి ఆరంభం అనుకోవచ్చు.
