పిచ్చి పిచ్చిగా నోటికొచ్చిన‌ట్టు మాట్లాడ‌కండి: దిల్‌రాజు కౌంట‌ర్‌

థియేట‌ర్ల మాపియా విష‌యంలో వేడి రాజుకుంది. ‘పేటా’ సినిమాకి స‌రైన థియేట‌ర్లు ఇవ్వ‌లేద‌ని, ఈ విష‌యంలో మాఫియా రాజ్య‌మేలుతోంద‌ని, వాళ్ల‌నంద‌రినీ న‌యీంని కాల్చి పారేసిన‌ట్టు కాల్చేయాల‌ని.. సంచ‌ల‌న వ్యాఖ్య‌లు చేశారు `పేటా` నిర్మాత వ‌ల్ల‌భ‌నేని అశోక్‌. దీనిపై దిల్‌రాజు స్పందించారు. కాస్త ఘాటుగానే స‌మాధానం ఇచ్చారు. సంక్రాంతికి తెలుగు నుంచి మూడు పెద్ద సినిమాలొస్తుంటే, ఓ అనువాద చిత్రానికి థియేట‌ర్లు ఎలా దొరుకుతాయ‌ని అనుకుంటున్నారు? అని ప్ర‌శ్నించారు. మూడు నెల‌ల క్రిత‌మే.. సంక్రాంతి సినిమాలు ప‌క్కా అయ్యాయ‌ని, ఇప్ప‌టికిప్పుడు వ‌చ్చి డ‌బ్బింగ్ సినిమాకి కూడా థియేట‌ర్లు కావాల‌ని అడ‌గ‌డంలో న్యాయం లేద‌ని చెప్పుకొచ్చారు దిల్ రాజు.

”నోటికొచ్చిన‌ట్టు పిచ్చి పిచ్చిగా మాట్లాడొద్దు. మేమూ మాట్లాడ‌గ‌లం. కానీ నాకు క్యారెక్ట‌ర్ ఉంది. నేను దిగ‌జార‌లేను. ఇక్క‌డ మ‌నం చేస్తోంది వ్యాపారం. పంపిణీలో ఈమ‌ధ్య నాకు చాలా న‌ష్టాలొచ్చాయి. కానీ సినిమాపై అభిరుచితో.. సినిమాలు తీస్తున్నాం. ఆరు నెల‌ల క్రితం ప్ర‌క‌టించిన సినిమాల‌కు థియేట‌ర్లు ఉండాలా, వ‌ద్దా? మూడు సినిమాలూ క్రేజీ సినిమాలే. ఎన్టీఆర్ బ‌యోపిక్ ప్ర‌తిష్టాత్మక చిత్రం. రామ్‌చ‌ర‌ణ్ చిత్రం భారీ బ‌డ్జెట్ తో తెర‌కెక్కింది. ఎఫ్ 2 ఓ క్రేజీ సినిమా. ఇలాంటి తెలుగు సినిమాల్ని త‌గ్గించుకుని డ‌బ్బింగ్ సినిమాల‌కు థియేట‌ర్లు ఇవ్వ‌లేం క‌దా? ఈసీజ‌న్‌కి డ‌బ్బింగ్ సినిమాలు థియేట‌ర్లు ఇవ్వ‌లేం. 18 వ‌ర‌కూ ఆగితే.. రెండు రాష్ట్రాల్లోనూ థియేట‌ర్లు దొరుకుతాయి క‌దా? ఇదంతా అర్థం చేసుకుని మాట్లాడితే మంచిది. గ‌తంలో ఈ నిర్మాత `స‌ర్కార్‌` అనే డ‌బ్బింగ్ సినిమా విడుద‌ల చేశారు. ఆ సినిమాకి కావ‌ల్సిన సంఖ్య‌లో, కావ‌ల్సిన చోట థియేట‌ర్లు దొరికాయి. అప్పుడు దొరికి, ఇప్పుడు దొర‌క‌లేదు అంటే అర్థ‌మేమిటి” అంటూ ప్ర‌శ్నించారు దిల్‌రాజు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

బస్సు యాత్ర : వైసీపీ రాంగ్ స్ట్రాటజీ

ఎన్నికల షెడ్యూల్ వచ్చినా నోటిఫికేషన్ రావడానికి సమయం ఉండటంతో...జగన్మోహన్ రెడ్డి బస్సు యాత్రను ప్లాన్ చేసుకున్నారు. ఇరవై ఒక్క రోజుల పాటు ఇరవై ఒక్క పార్లమెంట్ నియోజకవర్గాల నుంచి బస్సు యాత్ర...

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...
video

‘మ‌న‌మే’ ఫ‌స్ట్ సింగిల్: సోలో లైఫే సోబెట‌రంటున్న శ‌ర్వా!

https://www.youtube.com/watch?v=XGJtiqVzZiA ఈమ‌ధ్య టాలీవుడ్ లో గ‌ట్టిగా వినిపిస్తున్న పేరు... హేష‌మ్‌ అబ్దుల్ వాహ‌బ్‌. 'ఖుషి', 'హాయ్ నాన్న‌' సినిమాల్లో సూప‌ర్ హిట్ పాట‌లు ఇచ్చారు. ఇప్పుడు శ‌ర్వానంద్ 'మ‌న‌మే' చిత్రానికీ ఆయ‌నే స్వ‌రాలు అందిస్తున్నారు....

HOT NEWS

css.php
[X] Close
[X] Close