సాహో… తెలుగు సినిమానా? హిందీ సినిమానా?

సాహోపై ప్రభాస్ అభిమానులే కాదు, యావ‌త్ తెలుగు చిత్ర‌సీమ కూడా భారీగా ఆశలు పెంచేసుకుంది. బాహుబ‌లి రికార్డుల్ని కాస్త క‌దిపే ద‌మ్ము ఈ సినిమాకే ఉంద‌ని ప్ర‌భాస్ అభిమ‌నులు సైతం న‌మ్ముతున్నారు. దానికి త‌గ్గ‌ట్టుగానే ఈ సినిమా కోసం చాలా ఖ‌ర్చు పెట్టేసింది యూవీ క్రియేష‌న్స్‌. ఆ ఖర్చు, శ్ర‌మ అంతా టీజ‌ర్‌లో క‌నిపించింది కూడా. ఇప్పుడు సాహో సింగిల్స్ ఒకొక్క‌టిగా విడుద‌ల అవుతున్నాయి. ఈ రోజు సాహో తొలి పాట బ‌య‌ట‌కు వ‌చ్చింది. `సైకో` అంటూ సాగిన ఈ పాట‌ని లిరిక‌ల్ వీడియో కాకుండా, డైరెక్ట్‌గా వీడియో పాటే విడుద‌ల చేయ‌డం ప్ర‌భాస్ అభిమానుల‌కు పండ‌గ ముందే వ‌చ్చినంత సంతోషం వేసింది.

అయితే.. ఆ పాట కాస్త హిందీ పాట‌కి డ‌బ్బింగ్‌లా క‌(వి)నిపించ‌డం ఇబ్బందిగా మారింది. ముందు హిందీలో తీసి, ఆ త‌ర‌వాత తెలుగులో డ‌బ్బింగ్ చేసిన‌ట్టు లిప్ సింక్‌ని బ‌ట్టి ఈజీగా అర్థం చేసుకోవ‌చ్చు. శ్ర‌ద్దా క‌పూర్ లిప్ మూమెంట్ నాన్ సింక్‌లో ఉందంటే ఓ అర్థం ఉంది. ప్ర‌భాస్ విష‌యంలోనూ అదే జ‌రిగింది. బాలీవుడ్ సంగీత ద‌ర్శ‌కుడు త‌నిష్క్ ఈ పాట‌కు స్వరాలు అందించారు. ఇది ప‌క్కా వెస్ట్ర‌న్ బీట్‌తో సాగిన పాట‌. తెలుగు ప‌దాలు అస్స‌లు అర్థం కావ‌డం లేదు. ప్ర‌భాస్ కాస్త జాలీగా స్టెప్పులేయ‌డం, త‌ను స్టైలీష్‌గా ఉండ‌డం, పాట‌ని రిచ్ లుక్‌లో తీర్చిదిద్ద‌డం కాస్త ఉప‌శ‌మ‌నం క‌లిగించాయి. ఈ పాట ఒక్క‌టే ఇలా ఉంటుందా? లేదంటే.. అన్ని పాట‌లూ ముందు హిందీలో తీసి, ఆ త‌ర‌వాత తెలుగులోకి డ‌బ్ చేశారా? అనే అనుమానం క‌లుగుతోంది. హిందీ మార్కెట్‌పై సాహో చిత్ర‌బృందం చాలా ఆశ‌లు పెట్టుకుంది. వాళ్ల‌ని అల‌రించ‌డానికో `ఇది హిందీ సినిమానే` అని వాళ్ల‌ని బ‌లంగా న‌మ్మించ‌డానికో… హిందీకి అత్య‌ధిక ప్రాధాన్యం ఇచ్చిన‌ట్టు క‌నిపిస్తోంది. హిందీ, తెలుగులో ఏక‌కాలంలో సినిమాని తెర‌కెక్కిస్తున్న‌ప్పుడు ప్ర‌తీ సీనూ, ప్ర‌తీ షాటూ రెండు భాష‌ల్లోనూ తెర‌కెక్కిస్తుంటారు. సాహో మాత్రం ముందు హిందీలో తీసి, ఆ త‌ర‌వాత తెలుగులోకి డ‌బ్ చేసిన‌ట్టు అనిపిస్తోంది. స‌న్నివేశాలూ ఇలానే చేస్తే మాత్రం తెలుగులో సాహోకి నెగిటీవ్ అయ్యే అవ‌కాశాలు ఎక్కువ‌గా క‌నిపిస్తున్నాయి. మ‌రి `సాహో`లో ఏం జ‌రిగిందో..?? ఈ సినిమాని ఎలా తీశారో? మ‌రో పాట బ‌య‌ట‌కు వ‌స్తే గానీ తెలీదు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

‘ఆడు జీవితం’ రివ్యూ: ఎడారి పాలైన బ్రతుకుల వ్యధ

ఫారిన్ చిత్రాలతో పోల్చుకుంటే భారతీయ చిత్రాలలో సర్వైవల్ థ్రిల్లర్స్ తక్కువే. అయితే ఈ మధ్య కాలంలో మలయాళ పరిశ్రమ ఈ జోనర్ పై ప్రత్యేక దృష్టి పెట్టింది. '2018' చిత్రం ఆస్కార్ నామినేషన్స్...

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

HOT NEWS

css.php
[X] Close
[X] Close