శంక‌ర్ – అర్జున్ కాంబినేషన్లో వ‌చ్చిన జెంటిల్మెన్ సినిమా గుర్తుంది క‌దా? ఆ టైటిల్‌ని ఇప్పుడు నాని వాడేస్తున్నాడు. నాని – ఇంద్ర‌గంటి మోహ‌న‌కృష్ణ క‌ల‌యిక‌లో ఓ చిత్రం తెర‌కెక్కుతోంది. ఈ సినిమాకి టైటిల్ ఈరోజు కొద్ది సేప‌టి క్రితం ఫిక్స్ చేశారు. ఆ టైటిల్.. జెంటిల్మెన్. ఇదో థ్రిల్ల‌ర్ సినిమా. అందులో ల‌వ్ స్టోరీని మిక్స్ చేశారు. క‌థానుసార‌మే జెంటిల్మెన్ అనే టైటిల్‌పెట్టార‌ట. ఈరోజు పోస్ట‌ర్ కూడా రిలీజ్ చేశారు. పోస్ట‌ర్ చూస్తుంటే ఇంద్ర‌గంటి ఈసారి నిజంగానే కొత్త క‌థ ఎంచుకొన్నాడ‌నిపిస్తోంది. చిత్రీక‌ర‌ణ పూర్త‌యింది. ప్ర‌స్తుతం నిర్మాణానంత‌ర కార్య‌క్ర‌మాలు జాగుతున్నాయి. మ‌ణిశ‌ర్మ సంగీతం అందించిన ఈచిత్రంలోని గీతాల్ని త్వ‌ర‌లో విడుదల చేస్తారు.
అన్న‌ట్టు ఇంద్ర‌గంటి మొన్నామ‌ధ్య అల్ల‌రి న‌రేష్ తో బంధిపోటు సినిమా తీశాడు. అది కాస్త త‌ల‌పోటు సినిమాగా మారింది. ఇంద్ర‌గంటి ఫామ్‌లోకి రావాలంటే.. జెంటిల్‌మెన్‌తో హిట్టు కొట్టాల్సిందే. పైగా నాని ఫుల్ ఫామ్ లో ఉన్నాడు. వీరిద్ద‌రి కాంబినేషన్లో అష్టాచ‌మ్మా సినిమా వచ్చింది. సో.. హిట్ కాంబినేషన్లో మ‌రోసారి హిట్టొస్తుంద‌ని ఆశిద్దాం.
