కొన్ని సినిమాలు కొంతమంది హీరోల చేతి నుండి మిస్ అయ్యి వేరే హీరో దగ్గరకు వెళ్లడం జరుగుతుంది. అయితే మిస్ అయిన సినిమాలు అపజయం పొందితే హమ్మయ్య సినిమా వదిలేసి మంచి పనిచేశాం అనుకునే హీరోలు, ఒకవేళ మిస్ అయిన సినిమా హిట్ అయితే మాత్రం అర్రె మంచి సినిమా వదిలేశామే అనుకునే అవకాశం ఉంది. ఇలా చాలా సందర్భల్లో చాలా హీరోలకు జరిగింది కూడా.
తాజాగా ఇలాంటి సందర్భం ఓ హిట్ కోసం తపిస్తున్న హీరోకి ఎదురైంది. కొద్దికాలంగా హిట్ కోసం తపిస్తున్న మ్యాన్లీ స్టార్ గోపిచంద్ లౌఖ్యం లాంటి హిట్ కొడదామని వచ్చిన సౌఖ్యం కాస్త ఫ్లాప్ అవ్వడంతో తీసే సినిమాల మీద మరింత జాగ్రత్తపడుతున్నాడు. అయితే ఇటీవల సీనియర్ హీరో శ్రీకాంత్ నటించిన టెర్రర్ సినిమా ఎటువంటి అంచనాలు లేకుండా రిలీజ్ అయ్యి మంచి టాక్ తెచ్చుకుంది. సినిమా నిర్మాతలకు సినిమా మంచి లాభాలనే తెచ్చిపెట్టిందని టాక్.
అయితే ఆ సినిమా కథ ముందు దర్శకుడు సతీశ్ హీరో గోపిచంద్ కు వినిపించాడట. సినిమా మొత్తం సీరియస్ గా ఉండటం వల్ల ప్రేక్షకులకు ఎక్కుతుందో లేదో అని ఆ సినిమాను కాదనేశాడట గోపిచంద్. అసలు ఫాంలో లేని శ్రీకాంత్ చేత తీసి వారెవా అనిపించుకున్న సతీశ్ ఒకవేళ అదే సినిమా గోపిచంద్ తో తీసుంటే కచ్చితంగా హిట్ కొట్టే అవకాశం ఉండేది.. ఇక గోపిచంద్ చేసుంటే అతని మార్కెట్ ప్రకారం సినిమా ఇంకా పెద్ద సక్సెస్ అయ్యి ఉండేది. సో గోపిచంద్ ఓ ఛాన్స్ మిస్ అయ్యాడన్నమాట అది మ్యాటర్.
