గోపీచంద్ – సంప‌త్‌నంది కాంబినేష‌న్‌లో ఓ సినిమా ఇటీవ‌లే క్లాప్ కొట్టుకుంది. త్వ‌ర‌లోనే సెట్స్‌పైకి వెళ్ల‌నుంది. ఈ సినిమాకు ‘సిటీమార్‌’ అనే టైటిల్ ప‌రిశీలిస్తున్నారు. అయితే.. ఈ క‌థ ఇది వ‌ర‌కే బెల్లంకొండ శ్రీ‌నివాస్ ద‌గ్గ‌ర‌కు వెళ్లిన‌ట్టు సమాచారం. బెల్లంకొండ – సంప‌త్‌నంది మ‌ధ్య రెండు మూడు సిట్టింగులు కూడా జ‌రిగాయ‌ట. అయితే.. బెల్లంకొండ కి ఈ క‌థ న‌చ్చ‌క‌పోవ‌డంతో ‘నో’ చెప్పాడ‌ట. అదే క‌థ‌ని గోపీచంద్‌కి చెప్పి ఓకే చేయించుకున్నాడు సంప‌త్‌నంది.
గోపీచంద్ – సంప‌త్‌నందిల కాంబోలో ఇది వ‌ర‌కు `గౌత‌మ్ నంద` సినిమా వచ్చింది. అది ఫ్లాప్. అయినా స‌రే… సంప‌త్‌ని న‌మ్మి ఈ క‌థ‌ని ఓకే చేశాడు గోపీచంద్. అస‌లే గోపీ వ‌రుస ఫ్లాపుల‌లో ఉన్నాడు. ఇటీవ‌ల విడుద‌లైన `చాణ‌క్య` కూడా డిజాస్ట‌ర్ లిస్టులో చేరింది. ద‌స‌రా సీజ‌న్‌లో కూడా ఈ సినిమాకి క‌నీస వ‌సూళ్లు రాలేదంటే – ప‌రిస్థితిని అర్థం చేసుకోవ‌చ్చు. ఇలాంటి ద‌శ‌లో ఓ ఫ్లాప్ కాంబినేష‌న్‌ని రిపీట్ చేయ‌డ‌మే పెద్ద రిస్కు. అందులోనూ ఓ హీరో రిజ‌క్ట్ చేసిన క‌థ‌ని ఒప్పుకోవ‌డం మ‌రింత పెద్ద రిస్కు. ఇన్ని ప్ర‌తికూల ప‌రిస్థితుల్ని ఎదుర్కుని వ‌స్తున్న `సిటీమార్‌` ఎలా ఉంటుందో?
