వారసుడికి సీఎం ఛాన్స్‌, అంత వీజీ కాదంట!

వారసులు సీఎం కుర్చీల కోసం ఎగబడడం అనేది మన తెలుగు రాష్ట్రాలకు కొత్త విషయం కాదు. అటు ఆంధ్రప్రదేశ్‌, ఇటు తెలంగాణ రెండు చోట్ల కూడా వారసులుగా గుర్తింపు పొందిన పుత్ర రత్నాలే సీఎం కుర్చీకోసం కాసుకుని కూర్చుని ఉన్నారన్నది సత్యం. అయితే.. ఈ తాజా వ్యాఖ్య మాత్రం మన తెలుగు రాష్ట్ర రాజకీయాలకు సంబంధించినది కాదు! పొరుగున ప్రస్తుతం ఎన్నికల సమరాంగణంలో బిజీగా ఉన్న తమిళనాడు వ్యవహారాలకు సంబంధించినది. అక్కడ పురట్చితలైవి జయలలితను గద్దెదింపి తాను ఆరోసారి ముఖ్యమంత్రి కావాలని వీల్‌ఛెయిర్‌కు మాత్రమే పరిమితమైన వృద్ధనేత కరుణానిధి ఇంకా కలలు కంటున్నారు.

ఈ ఎన్నికల్లో డీఎంకే కూటమి విజయం సాధిస్తే గనుక.. స్టాలిన్‌ ముఖ్యమంత్రి అవుతారంటూ కొన్ని పుకార్లు వచ్చాయి. ఈ ఎన్నికల్లో కాంగ్రెస్‌తో పొత్తులు పెట్టుకుని డీఎంకే పోటీపడుతున్న సంగతి తెలిసిందే. ఆ నేపథ్యంలో స్టాలిన్‌ ముఖ్యమంత్రి అవుతారనే ప్రచారం పార్టీకి ఒక రకంగా కొంత మేలు, కొంత చేటు చేసే అవకాశం ఉన్నదని పలువురు భావిస్తున్నారు. అందుకే కాబోలు ముందు ఓట్ల పర్వం ముగిసే వరకు ఇలాంటి శషబిషలకు తావు లేకుండా కరుణానిధి తమ కూటమి గెలిస్తే సీఎం కాబోయేది తానేనంటూ స్పష్టత ఇస్తున్నారు.

పుకార్ల గురించి ఆయన వద్ద మీడియా ప్రస్తావిస్తే.. తనకు ఏమైనా జరిగితే తప్ప.. స్టాలిన్‌ ఇప్పుడే ముఖ్యమంత్రి అయ్యే అవకాశం లేదని కరుణానిధి తెగేసి చెప్పడం విశేషం. గతంలో అయినా అన్న అళగిరి, తమ్ముడు స్టాలిన్‌ మధ్య వారసుడి పదవికోసం ఆధిపత్య పోరాటం ఉండేది. ఇప్పుడు స్టాలిన్‌ ఒక్కడే వారసుడిగా ఉన్నారు. అయినా సరే.. ముఖ్యమంత్రి కుర్చీ అంత ఈజీగా తన కుమారుడికి దక్కబోయేది లేదని.. కరుణ వివరించడం విశేషం.

మరోవైపు ఆయన జయలలిత మీద తీవ్రంగా విరుచుకుపడుతున్నారు. ఆమె మేనిఫెస్టో అందరికంటె లేటుగా విడుదల చేసి.. అందరినుంచి కాపీ హామీలను ప్రకటిస్తున్నారని ఎద్దేవా చేస్తున్నారు. జయలలిత హామీలు ఏమాత్రం ఆచరణ సాధ్యం కాదని కూడా అంటున్నారు. నిజానికి డీఎంకే కూడా ఉచిత హామీల మీదనే ఆధారపడి ఎన్నికలను ఎదుర్కొంటున్నప్పటికీ.. జయలలిత ఉచిత హామీలను మాత్రం ఆయన ఎద్దేవా చేస్తుండడం గమనార్హం.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఆ స్వామిజీకి టిక్కెట్ రాకుండా చేసింది బాలకృష్ణేనట !

పరిపూర్ణానంద అనే స్వామిజీకి ప్రవచాలు చెప్పుకోవడం కన్నా రాజకీయాల్లో ఆదిత్యనాథ్ ని అయిపోవాలన్న ఆశ ఎక్కువగా ఉంది. గతంలో తెలంగాణలో ప్రయత్నించారు. వర్కవుట్ కాలేదు. ఈ సారి ఏపీలో దృష్టి పెట్టారు....

గంటాకే భీమిలీ – టీడీపీ ఫైనల్ లిస్ట్ రిలీజ్

గంటా శ్రీనివాసరావు హైకమాండ్ అనుకున్నది కాకుండా.. తాను అనుకున్న చోట పోటీ చేయడంలో ఎక్స్ పర్ట్. మరోసారి అనుకున్నది సాధించారు. భీమిలీ సీటు ఆయన ఖాతాలోనే పడింది. టీడీపీ విడుదల చేసిన...

మెకానిక్ గా మారిన మాస్ కా దాస్

ఈమ‌ధ్యే 'గామి'గా ద‌ర్శ‌న‌మిచ్చాడు విశ్వ‌క్‌సేన్‌. త‌న కెరీర్‌లో అదో వెరైటీ సినిమా. ప్రేక్ష‌కుల ప్ర‌శంస‌ల‌తో పాటు, విమ‌ర్శ‌కుల మెచ్చుకోళ్లూ ద‌క్కాయి. త‌ను న‌టించిన 'గ్యాంగ్స్ ఆఫ్ గోదావ‌రి' విడుద‌ల‌కు సిద్ధ‌మైంది. ఇప్పుడు మ‌రో...

“చెంగిచెర్ల” మీదుగా బీజేపీ ఎలక్షన్ ప్లాన్లు !

మేడ్చల్ నియోజకవర్గం చెంగిచెర్ల గ్రామంలో హోలీ పండుగ సందర్భంగా ఘర్షణ జరిగింది. డీజే పాటలు పెట్టుకొని హోలీ సంబరాలు చేసుకుంటుండగా.. మరో వర్గానికి చెందిన వారు ఆ పాటలు ఆపాలని కోరారు....

HOT NEWS

css.php
[X] Close
[X] Close