‘నేల టికెట్ గాళ్లతో పెట్టుకుంటే నేల నాకించేస్తారు’ అని ‘నేల టికెట్టు’ సినిమాలో ఒక డైలాగ్ ఉంటుంది. సినిమాలో విలన్స్ ని ఉద్దేశించి హీరో అంటాడు దీనినొక గొప్ప డైలాగ్ లా ఫీలైపోయి.. ఈ డైలాగ్ తో ట్రైలర్ కూడా కట్ చేయించాడు దర్శకుడు.
‘నేల టికెట్టు’ సినిమా చూసే ఆడియన్స్ ఈ డైలాగ్ తమకు వరిస్తుందని ఫీలవుతున్నారనే విషయాన్ని పక్కన పెడితే.. హీరో డైరెక్ట్రర్ ఇద్దరూ కలిసి నిర్మాతతో ఆ పని చేయించారనే వ్యాఖ్యలు ఫిలిం నగర్ లో జోరుగా వినిపిస్తున్నాయి.
హీరో, డైరెక్టర్ భారీ మొత్తంలో రెమ్యూనరేషన్స్ తీసుకొని.. దాని ప్రభావం సినిమా బడ్జెట్ మీద పడనివ్వకుండా ఉండడం కోసం-హీరోయిన్, మ్యూజిక్ డైరెక్టర్ వంటి ముఖ్యమైన విషయాలతోపాటు మేకింగ్ పరంగానూ కాంప్రమైజ్ అయిపోవడం.. నేలబారు కథ కథనాలకు తోడై.. సినిమాను నేల నాకించేసిందని పలువురు బహిరంగంగానే కామెంట్ చేస్తున్నారు.
సినిమాలపై ఎంతో ప్యాషన్ తో నిర్మాతగా మారిన ఎన్నారై రామ్ తాళ్ళూరికి వరసగా ఇది రెండో దెబ్బ. ఇంతకుముందు ఆయన వీరభద్రం దర్శకత్వంలో ఆది హీరోగా ‘చుట్టాలబ్బాయి’ అనే సినిమా తీశారు. ఆ సినిమాకి కూడా అవసరానికి మించి విపరీతంగా ఖర్చు పెట్టించేశారు. పెట్టిన పెట్టుబడిలో సగం కూడా వెనక్కి రాలేదు. ఇప్పుడు తాజాగా ‘నేల టిక్కెట్టు’ సినిమాతోనూ ఆయనకు మరింత చేదు అనుభవం ఎదురు కావడం.. ఎన్నారై వర్గాల్లో చర్చనీయాంశంగా మారిందని తెలుస్తోంది!!
