రూ. 150 కోట్లు హవాలా మనీ అందుకున్న ఆ ఏపీ ముఖ్యుడు..?

” ఆంధ్రప్రదేశ్‌కు చెందిన ఓ ముఖ్యుడు… రూ. 150 కోట్ల హవాలా మనీ అందుకున్నారు. దానికి సంబంధించిన ఆధారాలన్నీ దొరికాయి…” ఇది కేంద్ర ప్రత్యక్ష పన్నుల శాఖ విడుదల చేసిన ఓ ప్రెస్‌నోట్‌లోని సారాంశం. ఐటీ దాడులు, ఈడీ వ్యవహారాలు మొత్తం సీబీడీటీ చేతుల్లోనే ఉంటుంది. కొద్ది రోజుల క్రితం.. తెలుగు రాష్ట్రాల్లో భారీ ప్రాజెక్టులు చేపట్టిన, చేపడుతున్న ఓ కన్‌స్ట్రక్షన్ కంపెనీపై.. ఐటీ అధికారులు దాడులు చేశారు. కనీసం వారం రోజుల పాటు విస్తృతంగా సోదాలు చేశారు. ఆ సోదాల్లో.. దేశవ్యాప్తంగా ఉన్న హవాల్ రాకెట్ గుట్టు రట్టయినట్లుగా ప్రకటించారు. ఆ కంపెనీ ఏదో బహిరంగంగా చెప్పలేదు. కానీ ఇలాంటి విషయాలను డీప్‌గా ఫాలో అయ్యే వారికి మాత్రం.. ఆ కంపెనీ  ఏదో కాస్త క్లారిటీ ఉంటుంది.

ఇప్పుడు.. రూ. 150 కోట్లు అందుకున్న ఆ ముఖ్యుడెవరన్నదానిపై… విస్తృతంగా చర్చ జరుగుతోంది. సీబీడీటీ తన ప్రకటనలో… ఆ ముఖ్యుడు వ్యాపార ప్రముఖుడా… రాజకీయ ప్రముఖుడా.. సినీ ప్రముఖుడా… అన్నదానిపై.. క్లారిటీ ఇవ్వలేదు. అయితే.. ఇంత పెద్ద మొత్తంలో.. హవాలా డబ్బులు  తీసుకున్నాడంటే.. కచ్చితంగా ఆయనకు కచ్చితంగా రాజకీయాలతో సంబంధం ఉంటుందనేది.. ఎవరైనా సులువుగా ఊహించగలిగిన అంశం. ఎందుకంటే… ఏడు నెలల కిందట ఎన్నికలు జరిగాయి. ఆ సమయంలో… రాజకీయ పార్టీలకు డబ్బులు అవసరం. ఆ సమయంలో… జరిగిన లావాదేవీల్లోనే.. ఈ రూ.150 కోట్లు ఆ ప్రముఖుడు అందుకుని ఉంటారని అంచనా వేస్తున్నారు.

కేంద్ర ప్రభుత్వం చేసిన కట్టడి వల్ల.. ఓ పార్టీ డబ్బులు పంచలేకపోయిందని.. మరో పార్టీ విచ్చలవిడిగా పంపిణీ చేసిందన్న ప్రచారం జరిగింది. ఈ విషయాన్ని పక్కన పెడితే.. హవాలా రాకెట్‌ ను చేధించామని… కొన్ని వందల లింక్‌లు బయటకు వచ్చాయని సీబీడీటీ చెబుతుంది. ఈ హవాలా మార్కెట్ అంతా.. సూట్ కేస్ కంపెనీల ద్వారా నడుస్తుంది. రిజిస్టర్లలో ఉండే కంపెనీలను.. కేవలం డబ్బు తరలింపు వాహకాలుగా ఉపయోగించుకుంటారు. ఇలాంటి కంపెనీల ద్వారా ఏపీకి హవాలా మనీ వచ్చిందని.. నిపుణులు అంచనా వేస్తున్నారు. ఇలాంటి వ్యవహారాల్లో పేరు పొందిన వారు.. ఏపీలో చాలా మంది ఉన్నారు. అందుకే.. ఈ అంశం ఏపీలో కలకలం రేపుతోంది.

ఎవరైనా కానీ… రూ. 150కోట్లు హవాలా ద్వారా తీసుకున్నాడంటే.. అతి కచ్చితంగా… అవినీతి సొమ్మే అయి ఉంటుంది. రాజకీయాల్లో ఉన్న వారైతే.. ప్రజాధనమే దోచుకుని ఉంటారు. కచ్చితంగా … ఈ విషయంలో సీబీడీటీ ప్రకటనలకే కాదు.. మొత్తంగా చర్యలు కూడా తీసుకోవాలి. అప్పుడే.. ప్రజల్లో వ్యవస్థలపై నమ్మకం పెరుగుతుంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

డేరింగ్ అండ్ డాషింగ్ కేజ్రీవాల్

అవినీతి వ్యతిరేక ఉద్యమం చేసి వచ్చి అవినీతి కేసులో అరెస్టు అయ్యాడన్న ప్రచారం చేస్తున్నారు. సామాన్యుడు కాదు లంచగొండి అని గట్టిగా ప్రజల మైండ్లలోకి ఎక్కించే ప్రయత్నం చేస్తున్నారు. తన సీఎం...

విజయవాడ వెస్ట్ రివ్యూ : సుజనా చౌదరి నమ్మకమేంటి ?

ఏపీలో పొత్తుల్లో భాగంగా బీజేపీకి వెళ్లిన నియోజకవర్గం విజయవాడ వెస్ట్. అక్కడ్నుంచి అభ్యర్థిగా సుజనా చౌదరిని ఖరారు చేయడంతో కూటమిలోని పార్టీలు కూడా ఒప్పుకోక తప్పలేదు. నిజానికి అక్కడ జనసేన...

టీడీపీ @ 42 : సర్వైవల్ సవాల్ !

సాఫీగా సాగిపోతే ఆ జీవితానికి అర్థం ఉండదు. సవాళ్లను ఎదుర్కొని అధిగమిస్తూ ముందుకు సాగితేనే లైఫ్ జర్నీ అద్బుతంగా ఉంటుంది. అలాంటి జర్నీ ఒక్క మనిషికే కాదు.. అన్నింటికీ వర్తిస్తుంది. ...

తీహార్ తెలంగాణ కాదు..!!

ఢిల్లీ లిక్కర్ స్కామ్ లో అరెస్ట్ అయి జ్యుడిషియల్ రిమాండ్ లో భాగంగా తీహార్ జైలులో ఉన్న ఎమ్మెల్సీ కవిత.. జైలు అధికారులపై తీవ్ర అసంతృప్తి వ్యక్తం చేశారు. తనకు కల్పించాల్సిన సౌకర్యాలను...

HOT NEWS

css.php
[X] Close
[X] Close