మరి కొద్ది సేపట్లో హైదరబాద్లోని నోవొటెల్లో ప్రేమమ్ ఆడియో ఫంక్షన్ జరగబోతోంది. మామూలుగా అయితే ప్రేమమ్ ఆడియో గురించి స్పెషల్ గా ఎదురు చూడక్కర్లెద్దు. కానీ ఈసారి ఈ ఆడియో ఫంక్షన్ వెరీ వెరీ స్పెషల్ కాబోతోందని విశ్వసనీయ వర్గాల టాక్. కొన్ని చిక్కు ముడులకు ఈ వేడుకలో సమాధానం దొరకొచ్చని టాక్. గత కొంతకాలంగా నాగచైతన్య – సమంత ప్రేమ వ్యవహారం, పెళ్లి కబుర్లపై రకరకాల గాసిప్పులు వినిపించాయి. వీటిపై ఇటీవలే నాగార్జున, నాగచైతన్య కూడా క్లారిటీ ఇచ్చేశారు. అయితే తొలిసారి నాగార్జున అభిమానుల ముందు అఫీషియల్గా నాగచైతన్య పెళ్లి గురించి ఓ ప్రకటన చేసే అవకాశం ఉందని టాక్. ఈ కార్యక్రమానికి సమంత కూడా వస్తోందని, ఈ వేదికపై తన కొడల్ని నాగ్ అభిమానులకు పరిచయం చేయబోతున్నాడని ఊహాగానాలు వినిపిస్తున్నాయి.
నాగ్ కూడా ” ఓ మంచి ముహూర్తం చూసుకొని.. చైతూ పెళ్లి మేటర్ నేనే చెబుతా. నా కోడల్ని అభిమానులకు పరిచయం చేస్తా” అని గతంలో చెప్పాడు. ఈరోజు (మంగళవారం) అక్కినేని నాగేశ్వరరావు జయంతి. కోడల్ని పరిచయం చేయడానికీ, చైతూ పెళ్లి కబురు వినిపించడానికి ఇంతకంటే మంచి ముహూర్తం ఏముంటుంది? నిశ్చితార్థానికి సంబంధించిన డేట్ కూడా నాగ్ ఈరోజు ఎనౌన్స్ చేసే అవకాశాలున్నాయని తెలుస్తోంది. అందుకే అందరి కళ్లూ ప్రేమమ్ ఆడియో ఫంక్షన్ వైపు టర్న్ అయ్యాయి. ప్రేమమ్ ఆడియో ఫంక్షన్ అప్డేట్స్ కోసం.. తెలుగు 360 బ్రౌజ్ చేస్తూనే ఉండండి.