ప్రముఖ నటి జయసుధ తెదేపాలో చేరబోతున్నట్లు తాజా సమాచారం. ఈరోజు సాయంత్రం ఆమె ఆ పార్టీ జాతీయ అధ్యక్షుడు చంద్రబాబు నాయుడు సమక్షంలో తెదేపాలో చేరవచ్చునని తెలుస్తోంది. ఆమె ప్రస్తుతం కాంగ్రెస్ పార్టీలో ఉన్నారు. గత అసెంబ్లీ ఎన్నికలలో కాంగ్రెస్ పార్టీ తరపున సికిందరాబాద్ నుండి పోటీ చేసి గెలిచారు. కానీ ఆమె పార్టీలో ఇమడలేక చాలా ఇబ్బందులు పడ్డారు. ఒకానొక సమయంలో రాజకీయాల నుండి తప్పుకోవాలని ఆలోచించారు కానీ కాంగ్రెస్ పార్టీ నేతలు నచ్చచెప్పడంతో ఆమె కాంగ్రెస్ పార్టీలోనే కొనసాగుతున్నారు. 2014 ఎన్నికలలో మళ్ళీ సికింద్రాబాద్ నుండే పోటీ చేసినప్పటికీ, తెరాస ప్రభంజనంలో ఆమె ఓడిపోయారు. ఆ తరువాత ఆమె తెరాసలో చేరబోతున్నారనే వార్తలు వచ్చేయి. కానీ ఆమె కాంగ్రెస్ పార్టీలోనే కొనసాగారు. అయితే అప్పటి నుండి పార్టీకి, రాజకీయ కార్యక్రమాలకి కూడా దూరంగా ఉంటున్నారు. ఆమె తెదేపాలో చేరినట్లయితే ఆమె వలన తెదేపా, బీజేపీ రెండు పార్టీలకి ఎంతో కొంత ప్రయోజనం కలగవచ్చును.
తెదేపాలో చేరబోతున్న జయసుధ?
