‘ఎన్టీఆర్’ బ‌యోపిక్లో కీల‌క పాత్ర పోషించాడు క‌ల్యాణ్ రామ్. తండ్రి హ‌రికృష్ణ పాత్ర త‌న‌కే ద‌క్క‌డం, బాబాయ్‌తో క‌ల‌సి వెండి తెర పంచుకోవ‌డం…. క‌ల్యాణ్ రామ్‌ని ఉత్సాహ‌ప‌రుస్తున్న అంశాలు. అందుకే.. మీడియాని పిలిచి ఇంట‌ర్వ్యూలు ఇచ్చాడు. ఈ ఇంట‌ర్వ్యూలలో షూటింగ్ అనుభ‌వాల‌నూ, బాబాయ్‌తో త‌న‌కున్న అనుబంధాన్ని బాగానే పంచుకున్నాడు.కానీ ఒకే ఒక్క ప్ర‌శ్న‌కు మాత్రం స‌మాధానం దాటేశాడు. అదే.. ‘ల‌క్ష్మీస్ ఎన్టీఆర్’.
ఎన్టీఆర్ బ‌యోపిక్‌కి పోటీగా వ‌ర్మ తీస్తున్న సినిమా ఇది. ‘ఎన్టీఆర్’లో దాచేసిన నిజాల్ని.. ‘ల‌క్ష్మీస్ ఎన్టీఆర్’లో చూపించి తీర‌తా.. అని గ‌ట్టిగా చెబుతున్నాడు వ‌ర్మ. ఈ సినిమా అనేక వివాదాల‌కు కేంద్ర బిందువు కానుంది. ఈ సినిమాపై మాత్రం క‌ల్యాణ్ రామ్ స్పందించ‌డానికి నిరాక‌రించాడ‌ని టాక్‌. ‘మీకు పోటీగా వ‌ర్మ ల‌క్ష్మీస్ ఎన్టీఆర్ సినిమా తీస్తున్నాడు క‌దా.. దానిపై మీ అభిప్రాయం ఏమిటి?’ అనే ప్ర‌శ్న‌కు క‌ల్యాణ్ రామ్ స‌మాధానం ఇవ్వ‌లేద‌ట. ‘అలాంటి సినిమాల గురించి మాట్లాడ‌కుండా ఉండ‌డ‌మే మంచిది’ అంటూ క్లుప్తంగా ముగించాడ‌ని తెలుస్తోంది. ఓ విధంగా అదీ మంచిదే. ఇప్పుడు నంద‌మూరి క‌థానాయ‌కులు ఆ సినిమా గురించి ఏం మాట్లాడినా… వ‌ర్మ దాన్నీ ప్ర‌చారానికి వాడుకుంటాడు. ఆ అవకాశం ఇవ్వకుండా జాగ్రత్త ప‌డ్డాడు క‌ల్యాణ్ రామ్. క‌నీసం బాల‌య్య అయినా ఈ విష‌య‌మై పెద‌వి విప్పుతాడేమో చూడాలి.
