✍ తమిళనాట రాజకీయాల్లోకి కమల్హాసన్ ఎంట్రీ ఇవ్వనున్నాడు. ఇందుకు సంబంధించి తెరవెనుక పనులు చకచకా జరిగి పోయతున్నాయి. ఐతే, ఆయన పార్టీని స్థాపిస్తాడా? లేక మరో పార్టీ తీర్థం తీసుకుంటాడా? అనేది ప్రస్తుతానికి సస్పెన్స్.
👉 ఆదివారం కమల్హాసన్ చెన్నై అళ్వార్‌పేటలోని తన ఆఫీసులో అభిమాన సంఘాల నేతలతో అత్యవసరంగా చర్చలు జరిపాడు. ఉదయం 10 గంటల నుంచి సాయంత్రం ఐదు గంటల వరకు సాగింది. ఈ సందర్భంగా కమల్‌కు సంఘం నేతలు సూచనలు, సలహాలు ఇచ్చినట్లు సమాచారం.
✍ కమల్ మార్పు వెనుక..
👉 జయలలిత మరణం తర్వాత కమల్ స్పీడ్ పెంచాడు. రాష్ట్రంలో ఉద్ధృతంగా సాగిన జల్లికట్టు ఉద్యమానికి తొలుత మద్దతు ప్రకటించాడు.. తనవాణి బలంగా వినిపించాడు. ఈలోగా పన్నీర్‌ సీఎం పదవికి రాజీనామా చేయడం, శశికళ జైలుకి వెళ్లడం, పళనిస్వామి సర్కార్ రావడం వంటి రాజకీయ పరిణామాల సమయాల్లో కమల్ స్పందించాడు. తాను రాజకీయల్లోకి రావాలని అభిమానులు ఆహ్వానించవద్దంటూ వ్యాఖ్యానించాడు కూడా! తమిళనాడులో మారుతున్న రాజకీయ పరిస్థితుల నేపథ్యంలో కమల్హాసన్ ఎంట్రీపై చర్చ సాగుతోంది. తమిళ ప్రజల సమస్యలను పరిష్కరించకపోతే, తామే ఆ పని చేస్తామంటూ ప్రకటన చేశాడు. అలాగే కమల్‌కు కోలీవుడ్‌లో బలమైన మద్దతుదారులు వున్నారు. మొత్తానికి రాబోయే రోజుల్లో తమిళనాట రాజకీయాల్లో ఇంకెన్ని ఆసక్తి పరిణామాలు చోటు చేసుకుంటాయో?
