జాతీయ ఉత్తమ నటిగా కంగనా రనౌత్‌ను జ్యూరీ ప్రకటించింది. ఒకటి కాదు రెండుసినిమాల్లో కంగనా నటన జ్యూరీ సభ్యుల్ని మెప్పించింది. అందులో ఒకటి మణికర్ణిక.. రెండోది పంగా. రెండు సినిమాలు చూసి ఆమెకు కిరీటం పెట్టేశారు. నిజానికి అసలు జాతీయ ఉత్తమనటిగా అందరూ హాట్ ఫేవరేట్‌గా అనుకుంది… దీపికా పదుకొణెని. ఆమె యాసిడ్ బాధితురాలు లక్ష్మి అగర్వాల్ బయోగ్రఫిలో నటించారు. చపాక్ పేరుతో మేఘనా గుల్జార్ తీసిన ఆ సినిమా దేశంలో యాసిడ్ దాడులకు గురైన వారి బాధను.. ఆవేదనను… ప్రపంచం ముందు ఉంచింది. పూర్తి డీ గ్లామర్ క్యారెక్టర్‌లో ఎలాంటి కమర్షియల్ ఫలితాన్ని ఆశించకుడా… దీపికా పదుకొనే స్వయంగా ఆ సినిమాను నిర్మించి నటించారు.
కానీ ఆ సినిమా అవార్డుల జ్యూరీ కమిటీ సభ్యుల్ని మెప్పించలేదు. అంతే కాదు.. అంత కంటే మెరగైన సినిమాలు కూడా వచ్చాయి. గృహహింహ ఆధారంగా తాప్సీ హీరోయిన్ గా వచ్చిన తప్పడ్… కార్గిల్ గర్ల్ గుంజన్ సక్సెనాతో పాటు మరికొన్ని సినిమాల్లో మహిళా క్యారెక్టర్లు అద్భుతమైనవవి ప్రశంసలు పొందాయి. వారెవరూ… అవార్డుల దరి దాపుల్లోకి రాలేదు. అలా అని కంగనా సినిమాలను తీసి పారేయలేం కానీ.. ఆమెకు ఖచ్చితంగా… ఆయా సినిమాల్లో నటనతో పాటు.. మరో ప్లస్ పాయింట్ కూడా యాడ్ అయి ఉంటుంది.అదే బీజేపీ కోసం స్టేట్ మెంట్లు ఇవ్వడం. సుషాంత్ సింగ్ ఆత్మహత్య తర్వాత నుంచి కంగనా టోటల్‌గా… వివాదాల్లోకి వెళ్లిపోయింది.
బీజేపీని ఎవరు వ్యతిరేకిస్తారో వారిపై విరుచుకుపడటం ప్రారంభించారు. చివరికి రైతు ఉద్యమాన్ని కూడా కించ పరుస్తూ ఆమె మాట్లాడారు. అంతగా సపోర్ట్ చేసే కళాకారిణికి సముచిత రీతిలో గౌరవం ఇవ్వాలని అనుకోకుండా ఉంటారా..?. ఒక వేళ అనుకోకపోయినా… నిజంగానే కంగనా నటనా ప్రతిభకు ఆ అవార్డు ఇచ్చినా… అంగీకరించడానికి అత్యధికులు సిద్ధంగా ఉండరు. ఎందుకంటే నటకుకు మించి ఆయన రాజకీయం చేశారు కాబట్టి.. రాజకీయ కోణంలోనే చూస్తారు. ఇక్కడ దీపిక, తాప్సీ లాంటి వాళ్లు.. బీజేపీకి.. కేంద్రానికి వ్యతిరేకంగా మాట్లాడారు కాబట్టి… వారికి సానుభూతి లభిస్తుంది.
