ఆరున్నొక్క రాగం తీసి ప్రత్యర్థుల సినిమా కాపీ కొట్టిన పవన్

సర్దార్ గబ్బర్‌సింగ్‌లాంటి డిజాస్టర్ తర్వాత తెరకెక్కుతున్న సినిమా కావడంతో సూపర్ క్రేజ్ తీసుకురావాలంటే స్పెషల్‌గా ఏదైనా చేయాలనుకున్నారు. అందుకే బాహుబలి స్టైల్‌లో వరుసగా స్టిల్స్ రిలీజ్ చేయాలనుకున్నారు. బాహుబలి సినిమాలో అంటే బోలెడన్న క్యారెక్టర్స్, వెరైటీ గెటప్స్ ఉన్నాయి కాబట్టి అందరినీ చూపించారు. ఇక్కడ పవర్ స్టార్ పవన్ కళ్యాణ్ సినిమా కాబట్టి హీరోయిన్‌తో సహా ఎవ్వరికీ ప్రాధాన్యత ఉండే అవకాశం లేదు. శృతీ హాసన్‌లాంటి టాప్ రేంజ్ హీరోయిన్ ఉన్నప్పటికీ ఏవో నాలుగు సీన్లు, నాలుగు పాటలకు పరిమితం అవ్వడం ఖాయం. అందుకే అన్ని పోస్టర్స్‌లోనూ పవన్‌నే చూపించాలి. ‘కాటమరాయుడు’ టీం కూడా అదే చేశారు. కాకపోతే అన్ని పోస్టర్స్‌లోనూ పవన్ మొహమే చూపిస్తే కొత్తగా ఏం ఉంటుంది అని అనుకున్నారేమో పవన్ పాదాల దగ్గర నుంచి స్టార్ట్ చేశారు. పవన్‌కి దాసాను దాసులైన ఆయన భక్తులు ఆ పాదాలను చూసి పరమానందభరితులు అవుతారని ఆశించినట్టున్నారు. అలా వెనుక నుంచి ఓ సారి ముందు నుంచీ ఓసారి పాదాలను, కాళ్ళను చూపించాక అప్పుడిక ఓ ఫుల్ పోస్టర్ వదిలారు. తీరా ఇప్పటి వరకూ రిలీజ్ అయిన స్టిల్స్ చేస్తే ఏముంది….? ఫ్యాన్స్ కూడా షాక్ అయ్యేలా ఉంది. అంతడిన్నాడింతన్నాడే అన్నట్టుగా తయారయ్యింది వ్యవహారం.

ఆ మధ్య ఓ సారి మోహన్‌బాబాపైకి ఒంటి కాలిపైన లేచిన పవన్ ఇప్పుడు అదే మోహన్ బాబు ‘రౌడీ’ సినిమా పోస్టర్‌ని యాజ్ ఇట్ ఈజ్‌గా దించేశాడు. పవన్ కళ్యాణ్‌ని విమర్శించడమే పనిగా పెట్టుకున్న రామ్‌గోపాల్ వర్మ దర్శకత్వంలో తెరకెక్కిన ‘రౌడీ’ సినిమాను కాపీ కొట్టడంతో వర్మ అభిమానులకు చేతినిండా పనిదొరికింది. సర్దార్ ప్రమోషన్స్ టైంలో పవన్ కూడా వర్మను బాగానే విమర్శించాడు. అప్పుడు పవన్ అభిమానులు కూడా హ్యాపీగా ఫీలయ్యారు. కానీ ఇఫ్పుడీ కాపీ పేస్ట్ వ్యవహారాన్ని మాత్రం ఎలా సమర్థించుకోవాలో అభిమానులకు కూడా అర్థం కావడం లేదు. రేపో మాపో ఇదే విషయంపై రామ్ గోపాల్ వర్మ కూడా రియాక్ట్ అవ్వడం ఖాయంగానే కనిపిస్తోంది. సాధారణంగా పవన్ సినిమాలకు సంబంధించిన అన్ని విషయాలను పవనే చూసుకుంటాడు. కాబట్టి ఈ పోస్టర్స్ నాకు తెలియకుండా బయటకు వచ్చాయి అని చెప్పే అవకాశం లేదు. మెయిన్ స్ట్రీమ్ మీడియా కంటే కూడా సోషల్ మీడియాలో ఈ కాపీ పేస్ట్ వ్యవహారంపైన హాట్ హాట్ డిస్కషన్స్ నడుస్తున్నాయి. కాటమారాయుడు టీం ఈ కాపీ వ్వవహారాన్ని ఎలా సమర్థించుకుంటుందో చూడాలి మరి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అనపర్తిలో ఆందోళన… నల్లమిల్లి దారెటు..?

అవును ప్రచారమే నిజమైంది. అనపర్తి సీటు టీడీపీ నుంచి బీజేపీ ఖాతాలోకి వెళ్ళిపోయింది. పొత్తులో భాగంగా బీజేపీ నేత ములగపాటి శివ కృష్ణంరాజుకి కేటాయించారు. దీంతో టీడీపీ టికెట్ ఆశించిన మాజీ...

బస్సు యాత్ర : వైసీపీ రాంగ్ స్ట్రాటజీ

ఎన్నికల షెడ్యూల్ వచ్చినా నోటిఫికేషన్ రావడానికి సమయం ఉండటంతో...జగన్మోహన్ రెడ్డి బస్సు యాత్రను ప్లాన్ చేసుకున్నారు. ఇరవై ఒక్క రోజుల పాటు ఇరవై ఒక్క పార్లమెంట్ నియోజకవర్గాల నుంచి బస్సు యాత్ర...

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...
video

‘మ‌న‌మే’ ఫ‌స్ట్ సింగిల్: సోలో లైఫే సోబెట‌రంటున్న శ‌ర్వా!

https://www.youtube.com/watch?v=XGJtiqVzZiA ఈమ‌ధ్య టాలీవుడ్ లో గ‌ట్టిగా వినిపిస్తున్న పేరు... హేష‌మ్‌ అబ్దుల్ వాహ‌బ్‌. 'ఖుషి', 'హాయ్ నాన్న‌' సినిమాల్లో సూప‌ర్ హిట్ పాట‌లు ఇచ్చారు. ఇప్పుడు శ‌ర్వానంద్ 'మ‌న‌మే' చిత్రానికీ ఆయ‌నే స్వ‌రాలు అందిస్తున్నారు....

HOT NEWS

css.php
[X] Close
[X] Close