ప్రత్యేక పూజలు: నారావారిపల్లెలో చంద్రబాబు, ఫాంహౌస్‌లో కేసీఆర్

హైదరాబాద్: క్షణం తీరికలేకుండా ప్రభుత్వ, పార్టీ వ్యవహారాలలో మునిగితేలే ఏపీ ముఖ్యమంత్రి చంద్రబాబునాయుడు మనవడికోసం తీరిక చేసుకున్నారు. తమ జన్మస్థలం నారావారిపల్లెలో మనవడు దేవాంశ్‌కు పుట్టు వెంట్రుకలు తీసే కార్యక్రమంలో పాల్గొన్నారు. గురువారం సాయంత్రమే నారావారి పల్లెకు చేరుకున్న చంద్రబాబు, ఇవాళ ఉదయం కుటుంబ సభ్యులు భువనేశ్వరి, బాలకృష్ణ, లోకేష్, బ్రాహ్మణి, దేవాంశ్‌లతో కలిసి ఊరేగింపుగా కులదైవం నాగాలమ్మ గుడికి చేరుకున్నారు. చంద్రబాబు తెల్లపంచెను కట్టుకుని మనవడిని ఎత్తుకుని గుడివద్దకు నడిచివెళ్ళారు. కులదైవానికి ప్రత్యేక పూజలు చేసిన అనంతరం దేవాంశ్‌కు పుట్టువెంట్రుకలు సమర్పించారు. నారా, నందమూరి కుటుంబాల సభ్యులు రావటంతో నారావారిపల్లెలో సందడి నెలకొంది.

తెలంగాణ ముఖ్యమంత్రి కేసీఆర్ ఇవాళ మెదక్ జిల్లాలోని ఎర్రవల్లిలో ఉన్న ఫాంహౌస్‌కు సతీసమేతంగా వెళ్ళారు. వచ్చేనెల 23నుంచి 27వరకు అక్కడ ఆయుత చండీయాగం జరగనున్న సంగతి తెలిసిందే. చండీయాగానికి ముందు దంపతులిద్దరూ హవన పూజ చేయాల్సి ఉంటుంది. కేసీఆర్ దంపతులు ఇవాళ ఆ చండీ హవన పూజలు చేశారు. తర్వాత యాగానికి జరుగుతున్న ఏర్పాట్లను పరిశీలించారు. యాగస్థలికోసం వ్యవసాయక్షేత్రంలోని 20 ఎకరాల భూమిని చదును చేశారు. ఇందులో కొంతభాగంలో అల్లం పంట ఉండటంతో దానిని తీసే పనులను వేగిరపరిచారు. హవనపూజకోసం కేసీఆర్ నిన్న సాయంత్రమే ఫాంహౌస్‌కు చేరుకున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

డేరింగ్ అండ్ డాషింగ్ కేజ్రీవాల్

అవినీతి వ్యతిరేక ఉద్యమం చేసి వచ్చి అవినీతి కేసులో అరెస్టు అయ్యాడన్న ప్రచారం చేస్తున్నారు. సామాన్యుడు కాదు లంచగొండి అని గట్టిగా ప్రజల మైండ్లలోకి ఎక్కించే ప్రయత్నం చేస్తున్నారు. తన సీఎం...

విజయవాడ వెస్ట్ రివ్యూ : సుజనా చౌదరి నమ్మకమేంటి ?

ఏపీలో పొత్తుల్లో భాగంగా బీజేపీకి వెళ్లిన నియోజకవర్గం విజయవాడ వెస్ట్. అక్కడ్నుంచి అభ్యర్థిగా సుజనా చౌదరిని ఖరారు చేయడంతో కూటమిలోని పార్టీలు కూడా ఒప్పుకోక తప్పలేదు. నిజానికి అక్కడ జనసేన...

టీడీపీ @ 42 : సర్వైవల్ సవాల్ !

సాఫీగా సాగిపోతే ఆ జీవితానికి అర్థం ఉండదు. సవాళ్లను ఎదుర్కొని అధిగమిస్తూ ముందుకు సాగితేనే లైఫ్ జర్నీ అద్బుతంగా ఉంటుంది. అలాంటి జర్నీ ఒక్క మనిషికే కాదు.. అన్నింటికీ వర్తిస్తుంది. ...

తీహార్ తెలంగాణ కాదు..!!

ఢిల్లీ లిక్కర్ స్కామ్ లో అరెస్ట్ అయి జ్యుడిషియల్ రిమాండ్ లో భాగంగా తీహార్ జైలులో ఉన్న ఎమ్మెల్సీ కవిత.. జైలు అధికారులపై తీవ్ర అసంతృప్తి వ్యక్తం చేశారు. తనకు కల్పించాల్సిన సౌకర్యాలను...

HOT NEWS

css.php
[X] Close
[X] Close