బీజేపీకి జగన్, కేసీఆర్ అండ..! చివరికి నష్టం ఎవరికి ..?

తెలంగాణలో కాంగ్రెస్ పార్టీని లేకుండా చేయడానికి బీజేపీకి.. పరోక్షంగా మద్దతిచ్చారు కేసీఆర్. ఏపీలో టీడీపీ లేకుండా చేయడానికి… అదే పని చేస్తున్నారు జగన్. బెంగాల్‌లో.. ప్రత్యర్థుల్ని లేకుండా చేయడానికి బీజేపీకి సూదిమొనంత సందు ఇచ్చారు మమతా బెనర్జీ. కానీ… ఇప్పుడేమవుతుంది. అలా అవకాశం ఇచ్చిన వాళ్లనే బీజేపీ మింగేయబోతోంది. ఇది బెంగాల్‌లో జరుగుతోంది. తెలంగాణలో ప్రారంభమయింది. ఏపీలో ప్రారంభదశలో ఉంది.

బెంగాల్‌లో బీజేపీ ఎలా ఎదిగింది..! మమతే కారణం కాదా..?

బెంగాల్‌లో.. కమ్యూనిస్టులు దశాబ్దాల తరబడి పాలన సాగించారు. లెఫ్ట్ కంచుకోటను బద్దలు చేస్తూ.. మమతా బెనర్జీ… సుదీర్ఘ పోరాటంతో 2011లో అధికారపగ్గాలు చేపట్టారు. మమతా బెనర్జీ రాజకీయ పోరాటం.. ఓ విప్లవంలా సాగింది. అలాంటిది అధికారంలోకి వచ్చిన తర్వాత విపక్ష పార్టీలను నిర్వీర్యం చేయడం ప్రారంభించారు. లెఫ్ట్ పార్టీలు, కాంగ్రెస్‌ను టార్గెట్ చేశారు. అందు కోసం బీజేపీ పట్ల చూసీచూడనట్లు వ్యవహరించారు. తనే స్వయంగా సృష్టించిన పొలిటికల్ వాక్యూమ్‌లోకి.. బీజేపీ.. అత్యంత పకడ్బందీగా దూసుకొచ్చింది. ఆ రాష్ట్రంలో అత్యధికంగా 28శాతం మంది ముస్లింలు ఉన్నారు. మైనార్టీలపై మెజార్టీని ఉసిగొల్పే రాజకీయాలు చేసే బీజేపీకి అంత మంచి అవకాశాన్ని వదులుకుంటుందా..?. ప్రత్యర్థిగా బీజేపీ ఎదిగిందంటే.. దానికి కారణం… మమతా బెనర్జీనే. ఆమె ప్రత్యర్థిని లేకుండా చేయాలనుకున్నారు….కానీ అంత కంటే బలమైన ప్రత్యర్థిని తయారు చేసుకున్నారు. ఇది స్వయంకృతాపరాథం.

తెలంగాణలో బీజేపీ ఎదుగుదల వెనుక ఉన్నది కేసీఆర్ కాదా..?

తెలంగాణలో బీజేపీతో .. చాలా కాలం కేసీఆర్ సానుకూలంగా వ్యవహరించారు. కాంగ్రెస్‌ను తగ్గించడానికి .. బీజేపీకి ఎంతో కొంత చనువిస్తున్నామని.. టీఆర్ఎస్ అధినేత అనుకున్నారు కానీ.. ఆ పార్టీ తన పార్టీకే ఎసరు పెడుతుందని అసలు ఊహించలేకపోయారు. బీజేపీ నేతల ప్లాన్లు, ప్రణాళిక అంచనా వేయలేకపోయారు. కానీ ఇప్పటికే చేయిదాటిపోయింది. బీజేపీ.. తెలంగాణలో.. ఓ రేంజ్‌లోకి దూసుకొచ్చింది. తెలంగాణలో ముస్లింల సంఖ్య అటూ ఇటూగా.. 20 శాతం వరకూ ఉంటుంది. ఇలాంటి అవకాశాన్ని బీజేపీ ఎప్పటికీ వదులుకోదు. కేంద్రంలో కానీ.. మరెక్కడైనా కానీ.. బీజేపీకి టీఆర్ఎస్ అవసరం లేదు. త్వరలో.. ముస్లింల రిజర్వేషన్ల అంశాన్ని తెరపైకి తీసుకు వచ్చి… పరిస్థితిని మరో రేంజ్‌కు తీసుకెళ్లే అవకాశం ఉంది. ఇప్పుడు… కేసీఆర్‌కు కాంగ్రెస్ ప్రమాదకరంగా కనిపించడం లేదు. కానీ.. బీజేపీ మాత్రం కచ్చితంగా ప్రమాదకరంగా మారుతోంది.

ఏపీలో జగన్ అదే తప్పు చేస్తున్నారు..!

తెలుగుదేశం పార్టీని నిర్వీర్యం చేయడానికి బీజేపీకి వైసీపీ శక్తివంచన లేకుండా సహకారం అందిస్తోంది. అది పూర్తి స్థాయిలో సక్సెస్ అయితే.. జగన్‌కు ఎవరు పోటీ అవుతారు..? బీజేపీ పోటీ అవుతోంది. చంద్రబాబునాయుడ్ని ఎదుర్కోవడం.. జగన్‌కు సులభం. కానీ బీజేపీని ఎదుర్కోవడం అంత సులభం కాదు. ఎందుకంటే.. బీజేపీ వస్తే… హోలీ బైబిల్ వస్తుంది. జగన్మోహన్ రెడ్డి క్రిస్టియన్ కాబట్టి… ఆ వివాదం తెరపైకి వస్తుంది. దానికి జగన్మోహన్ రెడ్డి వద్ద సమాధానం ఉండదు. రాబోయే కాలంలో ఇదే జరుగుతుంది. ఈ మధ్య ఆరెస్సెస్ కార్యకర్తలు ఓ వీడియో సర్క్యూలేట్ చేస్తున్నారు. ఆ వీడియోలో ఏముందంటే… కడప జిల్లాలో ఓ స్కూల్ పిల్లలు.. తమను కంపల్సరీగా బైబిల్ చదవమన్నారు. ఆ వీడియోను సర్క్యూలేట్ చేస్తున్నారు. ఇప్పుడే ఇలాంటివి ప్రారంభమయ్యాయంటే.. ముందు ముందు ఇంకా చాలా ఉంటాయి. ఎవరైనా.. కానీ తమ రాజకీయ అవసరాల కోసం బీజేపీని పెంచితే … బీజేపీని ఉపయోగించుకుని… తెలంగాణలో కాంగ్రెస్… ఏపీలో టీడీపీని బలహీనం చేస్తే.. వాళ్ల కంటే బలమైన ప్రత్యర్థిగా బీజేపీ వస్తుంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...
video

‘మ‌న‌మే’ ఫ‌స్ట్ సింగిల్: సోలో లైఫే సోబెట‌రంటున్న శ‌ర్వా!

https://www.youtube.com/watch?v=XGJtiqVzZiA ఈమ‌ధ్య టాలీవుడ్ లో గ‌ట్టిగా వినిపిస్తున్న పేరు... హేష‌మ్‌ అబ్దుల్ వాహ‌బ్‌. 'ఖుషి', 'హాయ్ నాన్న‌' సినిమాల్లో సూప‌ర్ హిట్ పాట‌లు ఇచ్చారు. ఇప్పుడు శ‌ర్వానంద్ 'మ‌న‌మే' చిత్రానికీ ఆయ‌నే స్వ‌రాలు అందిస్తున్నారు....

ఇంకా “బలమైన” భ్రమల్లోనే కేటీఆర్ !

కేటీఆర్ నియోజకవర్గాల వారీ సమీక్ష సమావేశాల్లో రేవంత్ రెడ్డిని తిట్టి... ఎన్నికల్లో దున్నిపారేస్తామని ప్రసంగించి వెళ్లిపోతున్నారు. గ్రౌండ్ లెవల్లో పరిస్థితిని అర్థం చేసుకునేందుకు ప్రయత్నించడం లేదు. కనీసం ...
video

ట్రైల‌ర్ టాక్‌: ఫ్యామిలీమెన్ టూ మెంట‌ల్ మెన్‌

https://www.youtube.com/watch?v=xB7b3RzicUU విజ‌య్ దేవ‌ర‌కొండ అంటే ఎగ్రెసివ్‌నెస్ గుర్తొస్తుంది. అర్జున్ రెడ్డి నుంచి అది అల‌వాటైపోయింది. అయితే... త‌న‌లో కూల్ & కామ్ పెర్‌ఫార్మ‌ర్ ఉన్నాడు. దాన్ని బ‌య‌ట‌కు లాగే ప్ర‌య‌త్నం చేస్తున్నాడు ప‌ర‌శురామ్. 'ఫ్యామిలీస్టార్‌'...

HOT NEWS

css.php
[X] Close
[X] Close