‘నోటా’లో కేసీఆర్‌, కేటీఆర్‌ ?

పొలిటిక‌ల్ డ్రామాలెప్పుడూ ఆస‌క్తిక‌రంగానే ఉంటాయి. దాన్ని డీల్ చేసే ప‌ద్ధ‌తి తెలియాలంతే. స‌మ‌కాలీన రాజ‌కీయాల్ని స‌మ‌ర్థంగా తెర‌కెక్కించ‌గ‌లిగితే… పొలిటిక‌ల్‌డ్రామా పైసా వ‌సూల్ సినిమాలా మారిపోతుంది. ఈమ‌ధ్య పొలిటిక‌ల్ డ్రామాలు ఎక్కువ‌వుతున్నాయి. ఆ కోవ‌లోనే వ‌స్తున్న సినిమా `నోటా`. ట్రైల‌ర్లు, పోస్ట‌ర్లు చూస్తే ఈ సినిమా మొత్తం రాజ‌కీయాల చుట్టూనే తిరుగుతుంద‌న్న విష‌యం అర్థ‌మైపోతోంది. అయితే త‌మిళ ఫ్లేవ‌ర్ కాస్త ఎక్కువ‌గా క‌నిపిస్తుండ‌డంతో… అక్క‌డి పోలిటిక్స్ కి మాత్ర‌మే ఈ క‌థ ప‌రిమిత‌మ‌వుతుంద‌ని అనుకున్నారు.

కానీ చిత్ర రూప‌కర్త‌ల ఆలోచ‌న‌లు వేరుగా ఉన్నాయి. ద‌క్షిణాది రాజ‌కీయాల ముఖ‌చిత్రాన్ని నోటాలో ఆవిష్క‌రించేశార‌ని టాక్‌. త‌మిళ రాజ‌కీయాలే కాదు, ప్ర‌స్తుతం న‌డుస్తున్న ఆంధ్ర‌, తెలంగాణ రాజ‌కీయాల్ని కూడా ఈ సినిమాలో చూడొచ్చ‌ని స‌మాచారం. రాష్ట్రం విడిపోతున్నప్ప‌టి ప‌రిస్థితుల్ని, ఆ త‌ర‌వాత జ‌రిగే ప‌రిణామాల్ని కూడా ఇందులో చూచాయిగా చూపించార‌ని తెలుస్తోంది. అంతేకాదు.. కేసీఆర్‌, కేటీఆర్‌ల‌ను పోలిన పాత్ర‌లు ఈ సినిమాలో చూడ‌చ్చ‌ని, వాళ్ల‌ని సైతం పాజిటీవ్ యాంగిల్‌లోనే చూపించార‌ని తెలుస్తోంది. జ‌య‌ల‌లిత ఎపిసోడ్ కూడా ఈ సినిమాలో ప్ర‌ధాన ఆక‌ర్ష‌ణ‌గా నిలుస్తుంద‌ని తెలుస్తోంది. జ‌య‌ల‌లిత ఆసుపత్రిలోనే క‌న్నుమూసిన సంగ‌తి తెలిసిందే. ఆసుప‌త్రిలో ఏం జ‌రిగిందో ఎవ్వ‌రికీ తెలీదు. ఆ ఎపిసోడ్‌ని గుర్తు చేస్తూ.. కొన్ని డైలాగులు పేల్చార‌ట‌. క‌ర్నాట‌క‌, కేర‌ళ రాజకీయాల్నీ ఇందులో ప్ర‌స్తావించిన‌ట్టు తెలుస్తోంది. అయితే… మ‌రీ వివాదాస్ప‌దం కాకుండా, ఎవ‌రి పేరూ బ‌య‌ట‌కు తీసుకురాకుండా.. ప్రేక్ష‌కుల‌కు అర్థ‌మై, అర్థం కాని రీతిలో స‌న్నివేశాల్ని న‌డిపించేశార‌ని తెలుస్తోంది. అవ‌న్నీ ఏ రేంజులో పండాయో తెలియాలంటే ఇంకొన్ని రోజులు ఆగాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

video

విశ్వ‌క్ ‘లైలా’వ‌తారం!

https://www.youtube.com/watch?v=9STsOoGDUfA లేడీ గెట‌ప్పులు వేయాల‌న్న ఆశ‌.. ప్ర‌తీ హీరోకీ ఉంటుంది. స‌మ‌యం సంద‌ర్భం క‌ల‌సి రావాలంతే! ఒక‌ప్ప‌టి అగ్ర హీరోలంతా మేక‌ప్పులు మార్చి, శారీలు క‌ట్టి - ఆడ వేషాల్లో అద‌ర‌గొట్టిన‌వాళ్లే. ఈత‌రం హీరోలు...

రఘురామకు ఇంకా కూటమి నుంచి టిక్కెట్ చాన్స్ ఉందా ? లేదా?

రఘురామకృష్ణరాజు పోటీ ఎక్కడ ?. ఈ ప్రశ్న ఇప్పుడు ఇటు కూటమి క్యాంప్‌తో పాటు అటు వైసీపీ క్యాంప్‌లోనూ హాట్ టాపిక్ గానే ఉంది. వైసీపీ క్యాంప్.. ఇదే ప్రశ్నతో ఆయనను...

ఆ స్వామిజీకి టిక్కెట్ రాకుండా చేసింది బాలకృష్ణేనట !

పరిపూర్ణానంద అనే స్వామిజీకి ప్రవచాలు చెప్పుకోవడం కన్నా రాజకీయాల్లో ఆదిత్యనాథ్ ని అయిపోవాలన్న ఆశ ఎక్కువగా ఉంది. గతంలో తెలంగాణలో ప్రయత్నించారు. వర్కవుట్ కాలేదు. ఈ సారి ఏపీలో దృష్టి పెట్టారు....

గంటాకే భీమిలీ – టీడీపీ ఫైనల్ లిస్ట్ రిలీజ్

గంటా శ్రీనివాసరావు హైకమాండ్ అనుకున్నది కాకుండా.. తాను అనుకున్న చోట పోటీ చేయడంలో ఎక్స్ పర్ట్. మరోసారి అనుకున్నది సాధించారు. భీమిలీ సీటు ఆయన ఖాతాలోనే పడింది. టీడీపీ విడుదల చేసిన...

HOT NEWS

css.php
[X] Close
[X] Close