ఏపీ నుంచే కేసీఆర్ మళ్లీ ఫెడరల్ టూర్లు..!

తెలంగాణ రాష్ట్ర సమితి అధినేత కేసీఆర్… మళ్లీ జాతీయ రాజకీయాలపై దృష్టి సారించారు. మే 23 తర్వాత ఢిల్లీలో ప్రాంతీయ పార్టీలే కీలక పాత్ర పోషిస్తాయని.. గట్టిగా నమ్ముతున్న ఆయన.. ప్రాంతీయ పార్టీలన్నింటినీ .. తన నేతృత్వంలోని కూటమిలోకి తెచ్చుకునేందుకు ప్రయత్నాలు ప్రారంభించాలని నిర్ణయించుకున్నారు. ఈ మేరకు.. కార్యాచరణ సిద్ధం చేసుకున్నారు. ఆంధ్రప్రదేశ్ నుంచే.. ఈ సారి టూర్లు ప్రారంభం కానున్నాయని.. టీఆర్ఎస్ వర్గాలు చెబుతున్నాయి. కర్ణాటక, తమిళనాడు,చత్తీస్ ఘడ్ రాష్ట్రాలకు… కేసీఆర్ వెళ్లే అవకాశం ఉంది. ప్రస్తుతానికి ఎన్నికలు ముగిసిన రాష్ట్రాలకు వెళ్లే ఆలోచన కేసీఆర్ చేస్తున్నారు.

ఆంధ్రప్రదేశ్‌లో ఎన్నికలు ముగిశాయి. పైగా.. ఫెడరల్ ఫ్రంట్‌లో ఆయనతో పాటు కచ్చితంగా ఉంటారని నమ్మకం పెట్టుకున్న మిత్రుడు .. జగన్మోహన్ రెడ్డి. ఆయన కోసం కేసీఆర్.. చాలా చేశారు. ఆయన కచ్చితంగా గెలుస్తారని.. మెజార్టీ ఎంపీ సీట్లు గెలుచుకుంటారన్న నమ్మకంతో ఉన్నారు. వైసీపీ, టీఆర్ఎస్ ఎంపీలు కలిస్దే.. నలభై వరకూ ఉంటాయని… వాటికి మరో అరవై జత చేసి.. ఢిల్లీలో చక్రం తిప్పాలని ఆయన చాలా రోజులుగా ప్లాన్లు రెడీ చేసుకుంటున్నారు. ఎన్నికల బహిరంగసభల్లోనూ అదే చెప్పారు. ఈ మేరకు.. ఇప్పుడు.. ఆయన ఏపీకి వచ్చి.. విజయవాడలో.. వైసీపీ కార్యాలయంలో..జగన్మోహన్ రెడ్డితో సమావేశమై.. కూటమి ఏర్పాటు గురించి ప్రకటించే అవకాశం ఉంది. ఆ తర్వాత ఆయన తమిళనాడు వెళ్లి.. డీఎంకే నేతలతో … కర్ణాటక వెళ్లి జేడీఎస్ నేతలతో.. సమావేశమవుతారని భావిస్తున్నారు. అయితే.. డీఎంకే, జేడీఎస్ రెండు పార్టీలు కాంగ్రెస్‌తో పొత్తులో ఉన్నాయి. మరి భేటీకి అంగీకరిస్తారో లేదో క్లారిటీ లేదు.

నిజానికి కేసీఆర్ ఫెడరల్ ఫ్రంట్ టూర్లు ఇప్పటికి రెండు విడతలుగా జరిగాయి. రెండు సార్లు… పలువురిని కలిశారు. కానీ ఎవరూ పట్టించుకున్న దాఖలాలు లేవు. రెండో సారి అసెంబ్లీ ఎన్నికల్లో గెలిచిన ఊపులో…ఎస్పీ, బీఎస్పీ అధినేతలతో సమావేశమవుదామని ప్రయత్నించినా… వారు పట్టించుకోలేదు. దాంతో… వెనక్కి వచ్చేశారు. ఇప్పుడు ఎన్నికలు ముగిసిన రాష్ట్రాల నుంచి తన ఫెడరల్ ప్రయత్నాలు చేయాలని కేసీఆర్ నిర్ణయించారు. ఇప్పటికైతే ఆయనకు ఏపీలో మాత్రమే నమ్మకమైన మిత్రుడు కనిపిస్తున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

video

విశ్వ‌క్ ‘లైలా’వ‌తారం!

https://www.youtube.com/watch?v=9STsOoGDUfA లేడీ గెట‌ప్పులు వేయాల‌న్న ఆశ‌.. ప్ర‌తీ హీరోకీ ఉంటుంది. స‌మ‌యం సంద‌ర్భం క‌ల‌సి రావాలంతే! ఒక‌ప్ప‌టి అగ్ర హీరోలంతా మేక‌ప్పులు మార్చి, శారీలు క‌ట్టి - ఆడ వేషాల్లో అద‌ర‌గొట్టిన‌వాళ్లే. ఈత‌రం హీరోలు...

రఘురామకు ఇంకా కూటమి నుంచి టిక్కెట్ చాన్స్ ఉందా ? లేదా?

రఘురామకృష్ణరాజు పోటీ ఎక్కడ ?. ఈ ప్రశ్న ఇప్పుడు ఇటు కూటమి క్యాంప్‌తో పాటు అటు వైసీపీ క్యాంప్‌లోనూ హాట్ టాపిక్ గానే ఉంది. వైసీపీ క్యాంప్.. ఇదే ప్రశ్నతో ఆయనను...

ఆ స్వామిజీకి టిక్కెట్ రాకుండా చేసింది బాలకృష్ణేనట !

పరిపూర్ణానంద అనే స్వామిజీకి ప్రవచాలు చెప్పుకోవడం కన్నా రాజకీయాల్లో ఆదిత్యనాథ్ ని అయిపోవాలన్న ఆశ ఎక్కువగా ఉంది. గతంలో తెలంగాణలో ప్రయత్నించారు. వర్కవుట్ కాలేదు. ఈ సారి ఏపీలో దృష్టి పెట్టారు....

గంటాకే భీమిలీ – టీడీపీ ఫైనల్ లిస్ట్ రిలీజ్

గంటా శ్రీనివాసరావు హైకమాండ్ అనుకున్నది కాకుండా.. తాను అనుకున్న చోట పోటీ చేయడంలో ఎక్స్ పర్ట్. మరోసారి అనుకున్నది సాధించారు. భీమిలీ సీటు ఆయన ఖాతాలోనే పడింది. టీడీపీ విడుదల చేసిన...

HOT NEWS

css.php
[X] Close
[X] Close