లిక్క‌ర్ ఆదాయాన్ని రైతుబంధుకి మ‌ళ్లిస్తారా..?

కొన్ని సంక్షేమ ప‌థ‌కాలు ప్ర‌క‌టించిన‌ప్పుడు బాగానే ఆక‌ర్ష‌ణీయంగా ఉంటాయి. కానీ, వాటి అమ‌లుకి వ‌చ్చేస‌రికే… గుదిబండ‌లా మారిపోతూ ఉంటాయి. కేసీఆర్ స‌ర్కారు అత్యంత ప్ర‌తిష్టాత్మ‌కంగా అమ‌లు చేస్తున్న రైతుబంధు ప‌రిస్థితి కూడా దాదాపు ఇలానే మారుతోంది. ఈ ప‌థ‌కాన్ని అమలు చేయ‌డం రానురానూ ప్ర‌భుత్వానికి భారంగా ప‌రిణ‌మిస్తోంది. గ‌త ఏడాది అంటే.. ఎన్నిక‌ల ముందు వ‌ర‌కూ ర‌బీ, ఖ‌రీఫ్ సీజ‌న్లు వ‌చ్చిన వెంట‌నే ఈ ప‌థ‌కం కింద రైతుల‌కు ఆర్థిక సాయం సరైన స‌మాయానికి అందుతూ వ‌చ్చింది. రెండో ద‌ఫా అధికారంలోకి వచ్చాక సీజ‌న్లు మారిపోతున్నా రైతుబంధు సాయం స‌రైన స‌మ‌యంలో అంద‌డం లేదు.

రైతుబంధు ప‌థ‌కం కింద ఒక ద‌ఫా పూర్తిగా సాయం అందించాలంటే దాదాపు రూ. 7 వేల కోట్లు నిధులు విడుద‌ల చేయాల్సి ఉంటుంది. అంటే, ఏడాదికి రూ. 14 వేల కోట్లు కావాలి. ప్ర‌స్తుతం ఆర్థిక మాంధ్య‌మ‌నీ, నిధుల స‌ర్దుబాటు క‌ష్ట‌మౌతోంద‌ని ముఖ్య‌మంత్రే స్వ‌యంగా చెబుతున్న నేప‌థ్యంలో… రైతుబంధుకు నిధుల స‌మీక‌ర‌ణ ప్ర‌భుత్వానికి క‌ష్టంగా మారుతోంది. అందుకే ఇప్పుడు చెల్లింపుల్లో కొన్ని మార్పులు తీసుకొచ్చే ప్ర‌య‌త్నంలో ప్ర‌భుత్వం ఉన్న‌ట్టు స‌మాచారం. ఒకేసారి రైతులంద‌రికీ కాకుండా… 3 ఎక‌రాల‌వారికి ఓసారి, 5 ఎక‌రాలున్న‌వారికి మ‌రోసారి, అంత‌మించి భూములున్న రైతుల‌కు ఇంకోసారి.. ఇలా విడ‌త‌ల‌వారీగా నిధులు విడుదల చేస్తే స‌ర్దుబాటు చేసుకోవ‌చ్చ‌ని ప్ర‌భుత్వం భావిస్తోంది.

వాస్త‌వానికి మొద‌టి ద‌ఫా రైతుబంధు చెల్లింపుల్నే ప్ర‌భుత్వం ఇంత‌వ‌ర‌కూ పూర్తిచేయ‌లేని ప‌రిస్థితి! అయితే, ఈ నెలాఖ‌రుకి వాటిని పూర్తి చేసి, త‌రువాత నిధులు విడుద‌ల చేస్తార‌ట‌. ఆ నిధులు ఎక్క‌డి నుంచీ వ‌స్తారంటే… తాజాగా లిక్క‌ర్ ధ‌ర‌లు ప్ర‌భుత్వం భారీ పెంచిన సంగ‌తి తెలిసిందే. దీని ద్వారా ప్ర‌తీనెలా దాదాపు రూ. 400 కోట్లు అద‌న‌పు ఆదాయం వ‌స్తుంది. దాన్ని నేరుగా రైతుబంధు అకౌంట్లోకి మ‌ళ్లించాల‌న్న‌ది ముఖ్య‌మంత్రి ఆలోచ‌న‌గా తెలుస్తోంది. అవీ చాల‌వు కాబ‌ట్టి… తాజాగా కేంద్రం విడుద‌ల చేసిన జీఎస్టీ ప‌రిహారం రూ. వెయ్యి కోట్ల‌లో కొంత భాగాన్ని రైతుబంధుకి బ‌ద‌లాయిస్తార‌ట‌. స‌మీప భ‌విష్య‌త్తులో అవీ చాలవు కాబ‌ట్టి… వ‌చ్చేవారంలో బ్యాంక‌ర్ల‌తో ముఖ్య‌మంత్రి స‌మావేశం కానున్న‌ట్టు స‌మాచారం. రైతుబంధుకి ఇచ్చే అప్పుల్ని రాష్ట్రం ప్ర‌భుత్వానికి ఉన్న ఇత‌ర‌ అప్పుల కింద జ‌మ‌క‌ట్టొద్ద‌నీ, దీన్ని ప్ర‌త్యేకంగానే చూడాల‌ని కోర‌నున్నారు. మొత్తానికి, రైతుబంధు అమ‌లు రానురానూ రాష్ట్ర ప్ర‌భుత్వానికి భారంగా మారుతోందన్న‌ది స్ప‌ష్టంగా క‌నిపిస్తోంది. దానికంటే ఆలోచించాల్సిన మ‌రో అంశం.. నిధుల స‌మీక‌ర‌ణ‌కు ఇంత ప్ర‌యాస ప‌డాల్సిన ప‌రిస్థితి ఒక ధ‌నిక రాష్ట్రానికి ఎందుకు వ‌చ్చింది అనేది?

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మెకానిక్ గా మారిన మాస్ కా దాస్

ఈమ‌ధ్యే 'గామి'గా ద‌ర్శ‌న‌మిచ్చాడు విశ్వ‌క్‌సేన్‌. త‌న కెరీర్‌లో అదో వెరైటీ సినిమా. ప్రేక్ష‌కుల ప్ర‌శంస‌ల‌తో పాటు, విమ‌ర్శ‌కుల మెచ్చుకోళ్లూ ద‌క్కాయి. త‌ను న‌టించిన 'గ్యాంగ్స్ ఆఫ్ గోదావ‌రి' విడుద‌ల‌కు సిద్ధ‌మైంది. ఇప్పుడు మ‌రో...

“చెంగిచెర్ల” మీదుగా బీజేపీ ఎలక్షన్ ప్లాన్లు !

మేడ్చల్ నియోజకవర్గం చెంగిచెర్ల గ్రామంలో హోలీ పండుగ సందర్భంగా ఘర్షణ జరిగింది. డీజే పాటలు పెట్టుకొని హోలీ సంబరాలు చేసుకుంటుండగా.. మరో వర్గానికి చెందిన వారు ఆ పాటలు ఆపాలని కోరారు....
video

ఈదేశం విడిచి వెళ్లిపోండి.. లేదా చ‌చ్చిపోండి!

https://www.youtube.com/watch?v=nb-XDZQSZhE చాలా కాలంగా నారా రోహిత్ నుంచి సినిమాలేం రాలేదు. సుదీర్ఘ విరామం త‌ర‌వాత ఆయ‌న‌.. 'ప్ర‌తినిధి 2' తో ప‌ల‌క‌రించ‌బోతున్నారు. ఓర‌కంగా క‌రెక్ట్ కమ్ బ్యాక్ ఇది. ఎందుకంటే నారా రోహిత్ చేసిన...

‘టిల్లు స్వ్కేర్’ రివ్యూ: మ్యాజిక్ రిపీట్స్

Tillu Square movie review తెలుగు360 రేటింగ్ : 3/5 కొన్ని పాత్ర‌లు, టైటిళ్లు... ఆయా న‌టీన‌టుల కెరీర్‌ల‌కు బ్రాండ్ అంబాసిడ‌ర్లుగా మారిపోతుంటాయి. 'డీజే టిల్లు' అలాంటిదే. ఈ సినిమా 'మామూలు' సిద్దు జొన్న‌ల‌గ‌డ్డ‌ని 'స్టార్...

HOT NEWS

css.php
[X] Close
[X] Close