మెగాస్టార్ 150వ సినిమా ఖైదీనంబర్ 150కి సంబంధించిన పబ్లిసిటీ యాక్టివిటీస్ అన్నీ కూడా ఊరమాస్ ఆడియన్స్ని టార్గెట్ చేసే రిలీజ్ చేస్తున్నట్టుగా ఉన్నారు. టీజర్ కూడా సేం టు సేం. తాజాగా రిలీజ్ చేసిన అమ్మడు..లెట్స్ డు కుమ్ముడు అనే సాంగ్కి సంబంధించిన చిరంజీవి స్టిల్ కూడా ఊరమాస్ ఆడియన్స్ని టార్గెట్ చేసే వదిలారు. దేవిశ్రీ మ్మూజిక్ కూడా దానికి తగ్గట్టుగానే ఉంది. ఆ ఊరమాస్ సినిమా తీయడంలో కూడా బోయపాటి శ్రీనుకు ఉన్నంత కన్విక్షన్ వినాయక్కి ఉందా అనే విషయంపై బోలెడన్ని డౌట్స్ ఉన్నాయి. ఓ పాత కథతో సరైనోడు అంటూ వచ్చి సరైన హిట్ కొట్టిన బోయపాటి శ్రీనులా వినాయక్ కూడా మేజిక్ చేయగలడా?
ఆ విషయం పక్కన పెడితే ఆల్రెడీ రిలీజ్ అయిన గౌతమీ పుత్ర శాతకర్ణి ట్రైలర్కి సూపర్ రెస్పాన్స్ వస్తోంది. బాలకృష్ణ యాక్టింగ్ విషయం పక్కన పెడితే సెన్సిబుల్ డైరెక్టర్ క్రిష్ వర్క్ మాత్రం అదిరిపోయింది. కేవలం ఎనిమిది నెలల కాలంలో హిస్టారిక్ బ్యాక్డ్రాప్ మూవీని ఆ రేంజ్లో తెరకెక్కించడం అంటే మామూలు విషయం కాదు. రేపు సంక్రాంతికి రిలీజ్ అవుతున్న గౌతమీ పుత్ర కథకు ఉన్న స్పెషాలిటీ, క్రిష్ సూపర్బ్ డైరెక్షన్ దృష్ట్యా అయినా ఆ సినిమాకు మంచి రివ్యూస్ వచ్చే అవకాశం ఉంది. ఇప్పటి వరకూ ప్రేక్షకుల ముందుకు వచ్చిన ఖైదీ నంబర్ 150 సినిమా అవుట్ పుట్ని బట్టి చూస్తుంటే ఈ సినిమాకు ఫస్ట్ డేనే ‘పాతగా ఉంది’ అన్న టాక్ అయితే కచ్చితంగా వచ్చేలా కనిపిస్తోంది. ఖైదీ నంబర్ 150వ సినిమా గురించి అంతర్గతంగా చర్చించుకుంటున్న సినిమావాళ్ళు ఇప్పుడు వినాయక్కి ఓ సూపర్బ్ సలహా ఇస్తున్నారు. సినిమా ప్రారంభంలోనే ఇది నైంటీస్ బ్యాక్ డ్రాప్ సినిమా అని చెప్పేయండి. అప్పుడు ఎలాంటి ఇష్యూస్ ఉండవు. ఎలాగూ ఇప్పటి టెక్నాలజీతో తెరకెక్కిస్తున్నారు కాబట్టి తొంభైల బ్యాక్ డ్రాప్లో వచ్చిన ట్రెండీ సినిమా అయిపోతుంది అని కామెంట్స్ పాస్ చేస్తున్నారు. ఈ ఐడియా ఏదో బాగానే ఉన్నట్టనిపిస్తోంది కదా…..వినాయక్కి కూడా రీచ్ అయితే బాగుండు మరి.