ఆంధ్ర ప్రదేశ్ రాజధాని అమరావతి శంకుస్థాపన కార్యక్రమాన్ని రాష్ర్టంలో రెండు ప్రధాన ప్రతిపక్షాలు కాంగ్రెస్, వైయస్సార్ కాంగ్రెస్ పార్టీలు ‘బాయ్ కాట్’ చేస్తుంటే ఇరుగుపొరుగు రాష్ట్రాలకు చెందినవారు, దేశవిదేశాలకు చెందిన ప్రముఖులు అందరూ ఆంధ్ర ప్రదేశ్ ప్రభుత్వానికి ఆభినందనలు తెలుపుతూ, ఈ కార్యక్రమానికి తరలివస్తున్నారు. వారిలో చాలా మంది ఈ కార్యక్రమంలో పాల్గొనే ప్రముఖులను తరలించేందుకు తమ ఖరీదయిన వాహనాలను ఆంధ్ర ప్రదేశ్ ప్రభుత్వానికి అందజేస్తున్నారు. యూనివర్సల్ హీరో రజనీ కాంత్ చెన్నై నుండి రెండు లగ్జరీ ఏసీ బస్సులను విజయవాడకు పంపారు. రాష్ట్రంలో పలువురు ప్రముఖులు కూడా తమ ఖరీదయిన వాహనాలను ప్రభుత్వానికి అందజేస్తున్నారు. తెదేపా ఎంపీ కేశినేని నాని పది ఏసీ బస్సులను ఏర్పాటు చేసారు. తమిళనాడు ముఖ్యమంత్రి జయలలితకు ఆంధ్ర ప్రదేశ్ ప్రభుత్వానికి అభినందనలు తెలిపి రాజధాని నిర్మాణ కార్యక్రమం సజావుగా వీలయినంత త్వరగా పూర్తికావాలని కోరుకొంటున్నట్లు తెలిపారు.
అమరావతి కార్యక్రమానికి రెండు బస్సులు పంపిన రజనీ కాంత్
