టాలీవుడ్‌లో హిట్లు మీద హిట్లు కొడుతూ, తన స‌క్సెస్ కాపాడుకుంటున్న ద‌ర్శ‌కులు ఇద్ద‌రే ఇద్ద‌రు. ఒక‌రు రాజ‌మౌళి. మ‌రొక‌రు కొర‌టాల శివ. మహేష్ బాబుకి వ‌రుస‌గా రెండు బ్లాక్‌ బ్ల‌స్ట‌ర్స్ హిట్స్ ఇచ్చి – టాలీవుడ్‌లో మోస్ట్ వాంటెడ్ ద‌ర్శ‌కుడుగా మారిపోయాడు. ఇప్పుడు చిరంజీవితో ఓ సినిమా చేయ‌డానికి రెడీ అయ్యాడు. చిరు క‌థ దాదాపుగా పూర్త‌య్యింది. మ‌రోవైపు కొర‌టాల నిర్మాత‌గానూ మారే ప్ర‌య‌త్నాలు చేస్తున్న‌ట్టు తెలుస్తోంది. ఓ అగ్ర నిర్మాణ సంస్థ‌తో చేతులు క‌లిపి కొర‌టాల ఓ సినిమాని ప్రొడ్యూస్ చేయ‌బోతున్నాడ‌ట. ఇందులో కొర‌టాల మిత్రులు కొంత‌మంది చేతులు క‌ల‌ప‌నున్నార‌ని తెలుస్తోంది. ఈ ప్రోజెక్ట్‌లో కొర‌టాల కేవ‌లం నిర్మాత పాత్ర‌కే ప‌రిమితం కాబోతున్నాడు. ఓ అగ్ర హీరోతోనే కొర‌టాల సినిమా ఉండ‌బోతోంద‌ని స‌మాచారం. నిర్మాత‌గానూ కొర‌టాల హిట్టు కొడితే – ఇక తాను ద‌ర్శ‌క‌త్వం వ‌హించే సినిమాల్లోనూ నిర్మాత‌గా వాటా తీసుకునే అవ‌కాశం ఉన్న‌ట్టే. ద‌ర్శ‌కులు నిర్మాత‌లుగా మార‌డం స‌హ‌జం. కాక‌పోతే… చాలామంది చిన్న సినిమాల‌కే ప‌రిమితం అయ్యారు. కొర‌టాల మాత్రం భారీ, క్రేజీ ప్రాజెక్టుతోనే ఎంట్రీ ఇవ్వ‌బోతున్నాడు. పూర్తి వివ‌రాలు త్వ‌ర‌లో తెలుస్తాయి.
నిర్మాత‌గా కొర‌టాల శివ?
