మంత్రివర్గ విస్తరణ కేసీఆర్ మార్కా..! కేటీఆర్ ఇమేజా..!

తెలంగాణ మంత్రివర్గ విస్తరణ దాదాపు ఖరారైంది. నిజానికి ఉగాదికే మంత్రివర్గంలో మార్పులు, చేర్పులు చేయాలని ముఖ్యమంత్రి కల్వకుంట్ల చంద్రశేఖర రావు తొలుత భావించారు. అయితే కరోనా వైరస్ ప్రభావం కారణంగా ఈ మంత్రివర్గ విస్తరణలో మార్పులు, చేర్పులను వాయిదా వేసుకున్నారు. దీనికి తోడు మంత్రుల పనితీరుపై ఇంటెలిజెన్స్ తో సహా ప్రైవేటు సంస్థలు ఇచ్చిన నివేదికలు క్షుణ్ణంగా అధ్యయనం చేయడానికి కూడా కొంత సమయం తీసుకున్నారు ముఖ్యమంత్రి కేసీఆర్. ఇప్పుడు మంత్రివర్గంలో ఎవరికి స్థానం ఉంచాలి.. ఎవరిని బయటికి పంపాలి అనే అంశంపై తీవ్ర స్థాయిలో చర్చ జరుగుతోంది. భవిష్యత్ ముఖ్యమంత్రి కల్వకుంట్ల తారక రామారావు అని ప్రచారం జరుగుతున్న నేపథ్యంలో మంత్రివర్గ విస్తరణలో కేటీఆర్ మాట చెల్లుబాటు అవుతుందా…! లేక ముఖ్యమంత్రి కేసీఆర్ తన మార్కు విస్తరణ చూపిస్తారా అన్నది పార్టీలో చర్చ జరుగుతోంది. ఐటీ శాఖ మంత్రి కల్వకుంట్ల తారక రామారావు ఈసారి మంత్రి వర్గ విస్తరణలో తన ఇమేజ్ కి తగ్గట్లుగా మంత్రుల ఎంపిక జరగాలని పట్టుబడుతున్నట్లు పార్టీ వర్గాల సమాచారం. తనకు అత్యంత సన్నిహితులైన బాల్క సుమన్, కాంత్రి కిరణ్ లతో సహా మరో నలుగురికి ఈసారి మంత్రివర్గంలో అవకాశం కల్పించాలని కేటీఆర్ ముఖ్యమంత్రిపై ఒత్తిడి తీసుకొస్తున్నట్లు సమాచారం. మంత్రి పదవి కోసమే బాల్క సుమన్ లోక్ సభను వదులుకొని శాసనసభకు వచ్చారని, మంత్రి పదవిపై ఆయనకు కేటీఆర్ వాగ్దానం చేశారని చెబుతున్నారు. కేటీఆర్ ఇస్తున్న జాబితాలో అందరూ యువకులేనని, తొలిసారి శాసనసభకు వచ్చిన వారే కావడంతో ముఖ్యమంత్రి కేసీఆర్ నుంచి అభ్యంతరాలు వస్తున్నాయని అంటున్నారు. సీనియర్లకు మంత్రులుగా అవకాశం కల్పిస్తే కుటుంబంపై ఉన్న మచ్చ పోతుందని, కేటీఆర్ సూచించిన వారిలో ఒకరిద్దరికి మాత్రమే అవకాశం కల్పిస్తామని ముఖ్యమంత్రి కేసీఆర్ స్పష్టం చేసినట్లు సమాచారం. రానున్న మంత్రివర్గ విస్తరణతో కేటీఆర్ ప్రాభల్యం ఉంటుందా..? లేక కేసీఆర్ ఆధిపత్యానిదే పైచేయిగా నిలుస్తుందా..? అనేది తేలిపోతుందని పార్టీ వర్గాలు చెబుతున్నాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

చైనా ప్రొడక్ట్స్ బ్యాన్ చేద్దాం అన్న నాగబాబు, కౌంటర్ ఇచ్చిన నెటిజన్లు

భారత్ చైనాల మధ్య ఉద్రిక్తతలు 1960వ దశకం నుండి ఉన్నాయి. అప్పుడప్పుడు హిందీ చీనీ భాయి భాయి అంటూ సత్సంబంధాలు నెరపడం, మళ్ళీ అప్పుడప్పుడు చైనా కయ్యానికి కాలు దువ్వడం దశాబ్దాలుగా జరుగుతోంది....

పరిహారం, పర్యావరణానికి ఎల్జీ పాలిమర్స్ కట్టిన రూ.50 కోట్లు ..!

ఎల్జీ పాలిమర్స్ సంస్థ కలెక్టర్ వద్ద డిపాజిట్ చేసిన యాభై కోట్ల రూపాయలను..పర్యావరణ పునరుద్ధరణ.. బాధితులకు పరిహారం కోసం వినియోగించాలని నేషనల్ గ్రీన్ ట్రిబ్యూనల్ స్పష్టమైన తీర్పును వెల్లడించింది. కేంద్ర పర్యావరణ...

మరో మూడు నెలలు సీఎస్‌గా సహాని..!

ఆంధ్రప్రదేశ్ ప్రభుత్వ ప్రధాన కార్యదర్శి నీలం సహానికి మరో మూడు నెలల పొడిగింపు లభించింది. మామూలుగా ఆమెకు జూన్ 30వ తేదీతో రిటైర్ కావాల్సి ఉంది. అయితే.. ప్రభుత్వం కేంద్ర ప్రభుత్వానికి...

ప్రజల కోసం ప్రభుత్వాన్ని నిలదీస్తానంటున్న ఆనం..!

ప్రజల కోసం ప్రభుత్వాన్ని... అధికారులను నిలదీయడానికి సిద్దమని ప్రకటించారు వైసీపీ ఎమ్మెల్యే ఆనం రామ నారాయణరెడ్డి. అధికారులను సరే కానీ..ప్రభుత్వాన్ని నిలదీస్తామనే మాటే నెల్లూరు రాజకీయాల్లో హాట్ టాపిక్ అవుతోంది. అంతటితో వదిలి...

HOT NEWS

[X] Close
[X] Close