మురుగదాస్‌ అంటే మనకు గుర్తొచ్చేవి డిఫరెంట్‌ మూవీస్‌. కొత్త కాన్సెప్ట్‌లతో మురుగదాస్‌ చేసే సినిమాలంటే అందరూ ఇష్టపడతారు. మహేష్‌కి మురుగదాస్‌తో సినిమా చెయ్యాలని ఎప్పటి నుంచో వుందట. అలాగే మురుగదాస్‌ కూడా మహేష్‌ని డైరెక్ట్‌ చెయ్యాలని వుందని ఒక సందర్భంలో చెప్పాడు. మరి వీరిద్దరూ కలిసి సినిమా చేస్తే ఎలా వుంటుంది? అనే ప్రశ్నకు ఇద్దరూ త్వరలోనే సమాధానం చెప్పబోతున్నారు. ఈ కాంబినేషన్‌లో సినిమా రాబోతోందని ఇప్పటికే మీడియాలో చాలా వార్తలు వచ్చాయి. ప్రస్తుతం మహేష్, శ్రీకాంత్‌ అడ్డాల కాంబినేషన్‌లో పివిపి నిర్మిస్తున్న ‘బ్రహ్మూెత్సవం’ చిత్రం తర్వాత మురుగదాస్‌ సినిమా స్టార్ట్‌ అవుతుందట. మురుగదాస్‌తో సినిమాని చాలా ప్రెస్టీజియస్‌గా తీసుకున్న మహేష్ అందులో నటించే హీరోయిన్‌లో కూడా స్పెషాలిటీ వుండాలని భావిస్తున్నాడట. రెగ్యులర్‌ హీరోయిన్‌ కాకుండా కొత్త హీరోయిన్‌ అయితే బాగుంటుందని మురుగదాస్‌కి సజెస్ట్‌ చేశాడట మహేష్. ఏప్రిల్‌లో షూటింగ్‌ స్టార్ట్‌ అవుతున్న ఈ సినిమాలో నటించే హీరోయిన్‌ కోసం వేట ప్రారంభమైంది. ఈనెలాఖరులోగా హీరోయిన్‌ ఫైనల్‌ అయ్యే అవకాశాలు వున్నాయట.
హీరోయిన్‌ కోసం వేట మొదలు పెట్టిన మహేష్!
