మంచు కుటుంబంలో నిర్మాత‌లెక్కువ. స్వ‌త‌హాగా మోహ‌న్ బాబు బ‌డా నిర్మాత. మంచు విష్ణు కూడా 24 ఫ్రేమ్స్ ఫిల్మ్ ఫ్యాక్ట‌రీ పేరుతో సినిమాల్ని తీశాడు. మంచు ల‌క్ష్మీ ప్ర‌స‌న్న కూడా నిర్మాతే. ఇప్పుడు మంచు మనోజ్ కూడా రంగంలోకి దిగిపోయాడు. `ఎం.ఎం` (మంచు మనోజ్) ప్రొడ‌క్ష‌న్స్ ప‌తాకంపై ఓ నిర్మాణ సంస్థ‌కు శ్రీకారం చుట్ట‌బోతున్నాడు. హైద‌రాబాద్‌లోనే ఆఫీసు తెరిచాడు. ఇటీవ‌ల పూజా కార్య‌క్ర‌మాలు కూడా జ‌రిగాయి. త్వ‌ర‌లోనే తన సొంత సినిమాని ప్రారంభించ‌బోతున్నాడు. ఈ సినిమాతో ఓ నూత‌న దర్శ‌కుడ్ని ప‌రిచ‌యం చేయ‌బోతున్నాడు. మనోజ్ బ‌య‌టి హీరోల‌తోనూ సినిమాలు చేయ‌డానికి క‌స‌ర‌త్తు చేస్తున్నాడు. మ‌నోజ్‌కి ఇండ్ర‌స్ట్రీలో స‌ర్కిల్ ఎక్కువ. మనోజ్ అడిగితే.. కాద‌న‌లేరు. హీరోల‌కు త‌గిన క‌థ‌ల్ని రెడీ చేసుకున్నాక అప్రోచ్ అవ్వాల‌ని భావిస్తున్నాడు. ఇటీవ‌ల తన విడాకులు తీసుకున్న మనోజ్ ఇప్పుడు పూర్తి స్థాయిలో సినిమాల‌పై దృష్టి పెట్టాల‌ని చూస్తున్నాడు. త్వ‌ర‌లోనే మనోజ్ నుంచి ఓ కొత్త సినిమాకి సంబంధించిన అధికారిక ప్ర‌క‌ట‌న రానుంది.
మంచు మనోజ్.. సొంత కుంప‌టి
